Ich Nidas layng in der Newenstat der lewtertor ze Wienn, Burger, Bekennen der erbern beschaiden frawen der sand Jo
hanns in der Newenstat ze Wienn Burgerin offenlich mit dem brief, daz fur mich chom der erber Jud an offen gericht
Jacob der Jud in Judenstat der lewtertor ze Wienn, Und chlagt mir derfurbas auf Volchert den Goltsmid Und frawen
Annen seiner hausfrawen weingarten gelegen im obern Veld, Der ein halbtail ist, an ains frawen des Wulfing weingarten,
Davon man Jerlich dient dem haws des sand Johanns in der Newenstat ze Wienn, ainen halben eimer weins
an sand Michels tag ze Burkrecht und nicht mer, Und dem pharrer nider phar ze Wienn, Die der vorgenant Volchert
Goltsmid und fraw Anna sein hausfraw dem egn(anten) Jacoben dem Juden schuldig sind word umb ainen den gesuech des driten pfennings,
ist ze ains Jars den vorgen(anten) weingarten zephand gesat haben als fur in des chlagts manns ist, das Burkrecht des
sand Johanns anhaben stet und umb alles das, das an dem vorgen(anten) weingarten ist, Und chlagt der vorgenant
Jacob der Jud auf den vorgen(anten) weingarten als verr umb daz Im gewal mir sag ainen urtail, Ich solt den egn(anten)
dem Goltsmid und frawen Annen seiner hausfrawen ze wissen tuen ob sy den vorgen(anten) weingarten verantwurten und losen
wolt(en) und geschaech darnach waz ein Recht wer, Da tet ich In ze wissen als urtail Recht solt Und nach dem selben
Bewissen tet chom der egn(ant) Jacob der Jud wider fur mich, da ich sas an offen gericht, Fur der egn(ant) Volchert der
Goltsmid und fraw Anna sein hausfraw noch niem(an)d anant von irn wegen den vorgen(anten) weingarten verantwurten
oder wolt(en) hiet(en) chomen nicht, Da pat der en(nant) Jacob der Jud ze fragen umb in ein Recht waz da wurd In mit
frag und mit urtail geurtailt und ertailt, er solt mit meim Recht in den besitz gen, Und solt ich In des vorgen(anten)
weingartens genzlich gewaltig machen und an die gewer seczen, daz hab ich auch getan, Also daz derselb Jacob der
Jud Und sein erben sullen furbas den vorgen(anten) weingarten verchauffen oder versezen wem sy wellen in allen krieg
Soweit die ir haubtguet und gesuechs nach der Juden Recht ist, Und waz sy mit den leuten den sy in geben
habent gancz und gar davon verricht und veraint wurd(en), Waz sy des davon bechomen wurd(en), Und solt ich In der ur
kund geben, Und wann ich selbs nicht aigen Insigl hab, Dar zu ainen offen urkund gib ich In den brief versigelt
mit des Ersamen Burckhart Insigl des erbern Beschaiden herrn Wulfing hawsers des pharrer derzeit verwer
des vorgen(anten) haws des sand Johanns, Der brief ist geben ze Wienn an Mitichen vor dem Palmtag Nach kristi ge
purd vierzehenhundert Jare darnach in dem Achtzehendem Jare.