Wir Henrich von der Duben von koniglicher gewalt von Behmen hawptman qu Breslaw Bekenn offentlich yn dezem kegenwortigen bryfe daz vor
vns gestanden hat Hannos Vylford Burger qu Breslaw wol gesunt an lybe vnd an synnen mit wolvorbedachtem mute vnd mit syner frunde rath
vnd rechten vff rucht vnd redelich yn eyme rechten kauffe dem Ersame Niclas Botener auch Burg(er) qu Breslaw qu Petirs des vorgenanten
Hannos Vylfords brudir vnd Katherin syner swestir hant iren geerbin vnd elichin nochkomelingen dryttehalbe m(a)rk vnd acht grosschen ierlichis czinsis frey
an allen dynst vnd geschois dy her hat gehabit vnd besessin uff den obirsten ichten qu hermansdorff vnd qu hugulsdorff des Breslawisschin vnd
Nekemurgisschin gebyte dy do von syner muter an een zint geuallen mit allen den ichten vnd herschafften vnd vff dy selbin guldinige gube
gab also her sy gehabit hat vnd als sy an een zint komen vnd geuallen In allir weise vnd masse also der obgenante Hannos Vylford vnd
syne muter den vorgenanten czins drittehalbe m(a)rke vnd acht grosschen habin gehabit vnd besessin also zal een auch der obgenante Niclas
Botener qu der egenanten Petirs vnd Katherin hanth ire geerbin vnd eliche nochkomelinge habin haldin vnd noch der alden bryfe lawth fri
delich vnd gemachsam besitzen mit vollr macht qu vorkauffen quvorgebin quvorsetzin vnd quvorleuchseln gancz adir eyn teil adir sint an iren
noth wendin also daz een allir notzlichste mag gezin vnd qustaten komen Daz auch der obgenante Hannos Vylford syne geerbin vnd eliche noch
komelinge den selbin czins dryttehalbe m(a)rke vnd acht grosschin mag adir mogen widir abekauffen wen her adir sy daz vormag adir vormogen
vnschedlich vorsessin czins den man noch wosengal dem obgenanten Niclas Botener qu der vorgenan(ten) Petirs vnd Katherin hant adir iren geerbin vnd
elichin nochkomelingen zal abirichten den selbin kauff vnd allis daz do vor geschrebin stet habin wir stete vnd gancz vnd bestetigen sy von koniglicher
gewalt von Behmen der wir gebindin mit dem koniglichin Ingesegil der lantlawte des furstumb qu Breslaw daz do ist eyn obin vnd eyn zechin daz an de
zen kegenwortigen briff ist gehangen der gegebin ist qu Breslaw an sente hedwigen tag Noch crists gebirth thusint dryhundirt iar dr noch yn dem
vyden vnd Nvunzigisten Jare do by zint gewest dy Edeln her Posse von hagewig Rytter Petir Ohme Hannos punczr von Gyschidorff Hannos
von Gampenaw Lentke von der Nysse Hannos Posse Hannos von Berge vnd Niclas Rymer vnsirs h(er)r(n) des koniges von Behmen man vnd
Petir von din Buntzlaw des Erbarn Bohussan von Nechwalcz Canczelers des vorgenanten furstumb qu Breslaw Schriber der dezen kegenwor
tigen briff gehabit hat yn beuelunge