Wir Albrecht von Culdia von Kuniglicher mechte zu Behmen Houptman der ffurstenthumb Swednicz vnd Jawbor bekenn uffentlich mit diesem briue allen den die en sehen
adir horin lesen das for vns kom(m)en sein der edle er Sigm(un)d von Parchwicz vnd die togentliche frawe Katherina sein eliche hausfrawe beyd gesunde leibs vnd gut(er) vornunfft vnd ha
ben mit wolbedochtem mute recht vnd redlich vorkaufft vorreicht vnd In vnse(r) hend williglichen vffgelossin dem Ersam(en) vnd Andechtigen ern Andris Statheldir vnd Comptor der
Johaniter orden des hawss zum heiligen leichnam zu Breslaw vnd der ganczen sampung vnd Conuent desselbin hawss die nunt sein vnd hinochmols In kunfftigen czeiten sein w(er)d(e)n
Sebinbndvirczig marg gelds ierlichs czinss kalkgelt genant die etwen die edle frawe Elizabeth etwen des edeln ern Petirs von Parchwicz eliche hausfrawe sein muter vnd er
Mutel von Parchwicz er sy den got gnod gehabt haben uff der Stat Swednicz czuhaben czuhebin czuford(er)n vnd Inzumehmen dieselbin Sebinbndvirczig marg gelds zu all(e)n
rechten vnd uff alle die czinstag In allir moss vnd weiss als sie die benan(n)t frawe Elizabeth von Parchwicz er Mutel von Parchwicz er sy vnd dornoch der egen(ant) er Sigm(un)d
von Parchwicz mit frawen Katherinen sein(er) elichen hausfrawen selbir Ingenom(en) besessin vnd entphangen haben vnd Sundirlich noch lawthe Inhaldung vnd vssweisun(g) der
Kuniglichen briue die dorobir geschrebin gegebin vnd bestetigt sein ~ Czu sulchem kouff vorreichung vnd vfflossung haben w(ir) von kuniglicher gewalt vns(er)n willen vnd gunst
gegebin vnd haben den benan(n)t ern Andris Statheldir vnd Comptor der Johaniter orden des hawss zum heiligen leichnam zu Breslaw vnd der ganczen sampung vnd Conuent
desselbin hawss die n(u)n sein vnd hinochmols In kunfftigen czeiten sein w(er)d(e)n die egen(ant) Sebinbndvirczig marg gelds Ierlichs czinss kalkgelt gena(n)t uff der benan(n)t Stat
Swednicz ~ In allir moss vnd meynun(g) als obingeschrebin steht gelossin vnd gelangt leien vnd langen gemachsam vnd vngehindert czuhaben czubesiczen der czugeniessen czuvor
kouffen czuvorsetzin noch Inhaldung der obgen(ant) kuniglichen briue vnsers h(er)r(n) des kungs lehen losung vnd rechten vnschedlich czur orkund d(is)s briefs vorsigilt mit des
obgenan(n)t vns(er)s h(er)r(n) des kungs anhanginden Insigill ~ das wir von sein(er)tvegin als eyn houptm(an) In den obgen(ant) ffurstenthum(en) obir lehen vnd sachen gebruchen Sesehin vnd S(e)g(e)b(e)n
czur Swednicz noch crists geburt Virczenhundirt dornoch In den newnbnddreyssigsten iaren am nehsten montag for sand laurenc(z) tag dobey sein gewest der edle er
ffridrich von Parchwicz die erben Albrecht nasschwicz vns(er) burggraff hannoss von tonaw Andreas kott nicolaus vom newenhawss George czachenkirch vnd heincz Be
nessch von Reichenbach Canczli(r) vnd hoffericht(er) czur Swednicz der dies(e)n brieff hot gehabtt In befelung

per albt(um) nasschwicz burgg(ra)f(ium) ex
comiss(ione) d(omi)ni alberti de Culdia Capit(anei)