Wir Ratmanne der Stat Breslaw bekennen offintlichen mit disem briefe Allen die In sehen adir horen lesen das vor vns in sitzendem Rate komen ist der erber Nicolaus Afftherhawe
vnd hat vor vns brocht redliche brieffliche kuntschafft vnd beweisunge vnder der Stat Cracow brieff vnd sigel domite In der Erbar Johan Schultis Borger zu Cracow mechtig
gemacht hat fier vndczwenczik mark czinses In vnd aws den Sechsondsechczik marken vnd sybenvnddreissig grosschen Jerlicher czinse die her off der Stat Breslaw hot von
seiner wegen zunotreychen vnd in derselben macht doselbst vor vns in sitzendem Rate hat derselbe Nicolaus Afftherhawe von des vorgenanten Johan Schultis wegen vnd mit vnser
sunderlichen gunst vnd willen recht vnd redlichen offgereicht den Ersamen vnd geistlichen Brudern Cruczigern sandte Johannis ordens von Jherusalem die do gote dienen in
der kirchen des heiligen leichenams vor vnser Stat Breslaw die iczund sein vnd hernochmols sein werden dieselben fiervndczwenczik mark czinses In vnd aws den obgeschriebin
Sechsondsechczig marken vnd sybenvnddreissig grosschen Jerlichen czinsen die derselbe Johan Schultis off vnser Stat gehabt hot vnd die her vor etlichen czeiten vnd Jaren
von etwenn anthel Golsmede Burger zu Cracow zu Im brocht vnd kawfft hatte vnd die do komen aws den hundert marken czinses die etwenn die Slepplogel von Cracow
off vnser Stat orspringlichen zu widerkawffe gehabt vnd gekawfft hatten Als das alles die alden briefe die czu der czeit dorobir geben vnd geschrieben sein wol eygentlicher
ynnehalden vnd besagen Nemelichen das dieselben Bruder vnd Crucziger zum heiligen leichenam alle tage eyne selemesse in derselben Irer kirchen zu eyme ewigen Testament
vnd selegereite singen vnd bestellen sollen in ewigen czeiten noch lawte der Schriffte vnd briefe dorobir gemacht vnd begriffen Vnd douon so globen wir Ratmanne der Stat Breslaw
die iczunt sein vnd in czukunfftigen czeiten Ratmanne zu Breslaw werden mogin in guten truwen vnd ane arg derselben fiervndczwenczig marke czinses den obgenanten Brudern
sandte Johannis Orden von Jherusalem zum heiligen leichenam vnd Iren nochcomen Conuent Brudern doselbst in czukunfftigen czeiten Czwelff mark czinses alle Jar off Ostern
vnd czwelff mark dornoch off sandte michels tag vnd also furbasme alle Jargleich off dieselben tage von allen vnser Stat Renten nutzcen czinsen vnd gesellen mit guten vnd
gebin pfennyngen gutlichen zunrichten vnd zubeczalen vngehindert ydoch mit solchem sunderlichen vndirscheide das wir dieselben fiervndczwenczig mark czinses wider abekowffen
mogen vmb czweihundert vnd Achtvndachtczig mark grosschen Behemischer muncze polnischer czale wenne wir das von vnser Stat wegen vormogen vnschedlich vorgessenn czinse
Vnd des zugeczugnis haben wir vnser Stat Ingesigel an desen brieff lossen hengen Geben des freitages vor dem Sontage Judica me deus (et)c(etera) in der fasten Noch crists geburt