WIr Rathmanne der Stadt Bresslaw vonn Koniglicher gewalt vonn Behmen haldend vnnd vorwesende die Hauptman=
schafft zcu Bresslaw Bekhennenn vnd thuen kundt offentlich mit diesem brieffe vor ydermenniglich Das vor vnns gestandenn seyn
Der wirdige vnd andechtige Herr Valentinus schutz Comptor der Creutzheren ordens sancti Johannis Jherosolimitani zum heiligen
leichnam allhie vnnd neben Jme Herr Michael mergener prior vnd mitbruder gedachtes ordens vor sich vnd in macht des gantzen
Conuents odder samlunge daselbst wellicher macht er sich anczog vnd vor stete habunge globte mit dem Erbarn Paul Vnglebe
wein zcu dieser sachen gekornen vormunden woll gesunt leibes vnd der synnen mit wolbedachtem mutte Auch auss sonderlicher
zculassunge vnd vorwillunge der Rhemischen Hungerschen vnd Behmischen Koniglichen maiestat vnsers aller gnedigstenn herrnn
Welliche zulassunge vnd vorwillunge sie mit irer k(oniglichen) ma(ies)t(at) brieff vnd sigel vor vnns offentlich beweiseten Vnnd haben recht
vnd redlich auffgelassen vnd oberczeugt In eyner rechten pfandtschafft vnd vorsatzunge Dem Erbarnn Georgen Hornige vnserm
Rattsfreunde seynen erben vnd nochkomelingen angezeigten ordens vnd stiffts gut vnd dorff Schawern Jm Bresslischen weich=
pilde gelegenn Vmbe eyne benante Suma geldes nemblich funff hundert gulden hungerisch gut am golde vnd recht fertig am
gewichte die ehn zcu guttem dancke beczalet vnd vorguldenn ist wie sie vor vnns offentlich bekanten vnnd sollichs gelt der
hochgedachten Rhemischen k(oniglichen) ma(ies)t(at) auff irer ma(ies)t(at) anlangen vnd begeren gelihen vnd fur gereichet haben Mit allen vnnd
yczlichenn desselbigen guttes vnd dorffes rechten vnd gerechtigkeyten zcusampt dem kretzlein daselbst auch sonst allen andernn
fruchten nutzungen herschafften vffs geniesse schultissen gebawern kretzmern heusnern obersten vnd nydersten gerichten
stehenden desselbigen dorffes Czinsen diensten huffearbeiten renthen zcinsen an gelde vnd getreyde wasser wasserleuffen
puschenn rutticht stritticht wysen wiesewachs vdern greben theimmen eckern gearen vnd ongearen darczu mit allen vnd
yczlichen desselbigen guttes vnd dorffes Schawern eyn vnd zcugehorungen gross vnd cleyn wie die mit besondern odder
gemeynen worten benant seyn dauon vberall nichtes aussgenomen vnd das in seynen reynen vnd grentzen von alters gelege(n)
ist auch allermaffen der orden vnd sie das pyssher haben Jnnegehabt vnd besessen Also vnd in gleicher weise mit allen
denselbenn rechten herschafften vnd geniessen wie obengemeldet soll auch genanter George Hornigk seyne erben vnd nochko=
men das obberurte gut vnd dorff Schaw(er)n doch nicht anders dann pfendtlich vnd in vorsatzunge zcu widderkauff Jnneha=
benn halden vnd geniessen so lange biss Jme seynen erben vnd nachkomen solliche funff hundert gulden hungerisch
wie oben gemeldet von gedachtem herrn Comptor vnd Conuent widder gegebenn werdenn Es soll ouch genanter George
Hornigk seyne erben vnd nochkomen vollemacht haben das angezeigte gut vnd dorff Schawen widdermmbe wann es Jme
bequeme odder von noten seyn wurde weytter zcuuorspfenden vnd zcuuorsetzen doch nicht hocher wann vmbe die vorbenumpte
Suma der funff hundert gulden hungerisch in gold Vnnd zcu letzte hat sich obgenanter Herr Comptor vor sich vnd in ange=
zcogener macht bewilliget vnd zcugesagt wann er odder das Conuent vnd ire nochkomelinge in vermogen seyn wurdem
solliche Suma geldes wie oben gemeldet widder zcugebenn So sollen vnd wollen sie odder ire nachkomen genantem George
Hornige seynen erben vnd nochkomen das eyn halb Jar zcuuor glawbwirdig anczeigen vnd wissen lassen vnnd das auss=
geczalte ptoeffe gelt beneben der hauptsuma niderlegen vnd gebenn Dieselbe aufflassunge vorsatzunge vorspfendunge
vnnd alles das so vorgeschrieben stehet haben wir stete vnd gantz vnnd bestetigenn die vonn koniglicher gewalt vonn
Behmen der wir gebrauch(en) mit dem koniglichenn Jngesigell der Landtleuthe des furstenthumbs zcu Bresslaw dasto
ist zcu erbenn vnd zcu suchen vnnd an diesen kegenwertigen brieff gehangenn Gebenn zcu Bresslaw am achten tage des Mo=
nats Augusti Nach Christi vnsers herren geburt funfftzehen hundert vnd Jm Siebenvnddreissigstenn Jare Darbei seynt ge=
west die Edlenn Christoff Schindel vonn tschepanikewitz Hanns Seydlitz vonn Holaw George Rombabe vonn Cadelaw
Niclas Seydlitz vonn Schmelwitz Herr Johannes agetzler beider rechten doctor Ambrosius Jenckwitz Anthonius Hencke vnnd
<transcript stopped because model output began looping; manual review required>