Wir Rathmanne der stad Breßlaw, vonn kuniglicher gewalt vann Lehenen, haltende vnnd vorwesende die Haubtmanschaft des Fursten
tumb Breßlaw, Bekennen vnnd thun kundt offentlich mit diesem briue fur ydermeniglich, daß vor vns gestanden ist der Wirdige achtbar vnnd hoch
gelerte, Herr Petrus Vrockendorff, beider rechtenn Doctor, vnnd Thumherre zu Breßlaw, mit dem Erbarenn Matthesen Vrockendorff, seinem bruder,
vnnd hierzu gebetennenn vormundenn, wolgesundt leibes vnnd der synnenn, mit wolbedachtem mute, vnnd hat auf der Romischenn, Hungarischen
vnnd Behmischenn kuniglichenn Maiestat, vnsers Allergenedigstenn herrenn, beuelich, vnnd schreiben, recht vnnd redlich abgetrettenn, vnd gentz
lichenn eingereumet, den Ersamenn vnnd Namhaftigenn herrenn, Camererenn, dieser kuniglichenn stad Breßlaw, zusamptenn gemainer stadt
arm vnnd reich, das gut vnnd dorff Schimelwitz, Neumargtischenn weichbilds gelegenn, zcu allenn rechtenn, herschaftenn, Freiheiten, Nucz
schenn, Nutzbarkeitenn, ein vnnd zugehoringenn, groß vnnd klein, vil oder wenig, wie diese alles mit sunderlichenn oder gemainenn wortenn
benennt solde werdenn, vom kleinistenn bis zum grostenn, vnnd vmbnimb, darau vberall nichts außgenomenn, noch außzunemenn al
lermaßenn, er solch gut vnnd dorff Schimelwitz vonn dem wirdigenn herrenn, Comptor vnnd Conuent, zum heiligenn leichnam alhie
zu Breßlaw, inn ainer vorsatzunge vnnd pfandtschillinge, bekummenn, vnnd er solches dorauf bisher hat innegehabt vnnd besessenn, deß vnd
inn gleicherweiß, mit allenn demselbigenn rechtenn, herschaftenn, Freiheiten, Nuczschenn, ein vnnd zugehoringenn, darau vberal nichts
außgenomenn, sollenn auch die gemeltenn vnsere stadt Camerer, zusamptenn gemainer stadt, obgemelte gut vnnd dorff Schim
melwitz, furbas halttenn, geniessenn, gebrauchchenn, vnnd nach laut des aldenn briues, so vormals doruber außgangenn, vnnd nicht anders
besitzenn. Nu woller macht zuuorkaufenn, zuuorsetzenn, zuuorgebenn, oder zuuorwechselnn, gantz oder aines teiles, oder sunst
ann gemainer stad nutz vnnd fromenn zuwendenn, do das der stad am bestenn geßin vnnd zu statenn kummenn mag, Auch vorzich sich
obgenannter Herr Doctor Petrus Vrockendorff vor sich, seine Erbenn vnnd nachkummenn, aller vnnd yder an vnnd zuspruche, ad
Forderunge, so er, oder sie zu gemeltem gute vnnd dorffe Schimmelwitz gehabt, oder im kunftigenn hettenn gehabenn mugenn,
Im gaistlichenn oder weltlichenn gerichtenn, oder sunst durch ainerlei weise. Ihestetige Cession, abtretung,
Einreumunge, vnnd alles das, so vorgeschriebenn steet, habenn wir stete vnnd gantz, Vnnd bestetigenn die, vonn kuniglicher gewalt vann
Lehenenn, der wir gebrauchchenn, mit dem kuniglichenn Ingesigel der landtleute des furstentumbs zu Breßlaw, das do ist zu erbenn
vnnd zu kaufenn, vnnd ann diesenn gegennwertigenn brieff gehangenn, Gebenn zu Breßlaw, am funffzehendenn tage des monats
Martij, Nach Christi vnsers herrenn geburth funffzehenhundert, vnnd im viertzigstenn, Darbei seinnd gewest die Edlenn heinrich krei
selwitz, hanns Vckritz, George Rymbab, hanns Sommerfeldt, Wassel genanndt Trelar de hmanne, Ambrosius Senitz, Mathias Tausnitz,
vnnd hanns vnuerwundt, vnser zcu diesenn herrenn des kuniges vonn behmenn rath, Vnnd Doctor Fabianus Rindeler, vnser