Nos frater Gallus de Lemberch prior domorum Hospitalis ordinis sancti Joh(ann)is J(e)r(osol)imit(ani) per Boemiam Poloniam Morauiam Austriam et
ad vniuersorum noticiam presencium tenore volumus deuenire, quod vnum laneum agrorum ville nostre Pribicz dicte adiacentem, quem laneum
quidam Hartelivs de Porziczlicz tenuit et possedit, discreto viro Conrado dicto Czerer cum omnibus suis iuribus, libertatibus, siluis et
pertinenciis vniuersis quouis nomine ad vsufructus singulos qualitercumque nuncupatis obligauimus titulo pignoris et personaliter obligamus in
dicto Conrado et octo grossis monete pragensium grossorum denariorum pragensium sexaginta et quatuor grossos pro marca computando pro
eumdem dictum laneum agrorum tenendum et habendum libere ac quiete, absque omnibus solucionibus infrascriptis, quemadmodum et sui predecessores te
nuerunt, vtputa ab omni solucione census, decimis, collectis Regalibus, exactione, dacione, prestacione, Angariis, vecturis seu alio quouis onere
possidendum Condicione tali interposita et adiecta, videlicet quod quicumque Commendator domus dicte omni euento in Pribicz, qui pro tem
pore ibidem fuerit aut alius Commendator seu frater ordinis nostri predicti dampnum siue apud prenominatum Conradum emptum laneum
agrorum eximere velle vellet, extunc ipse Commendator eundem laneum agrorum pro summa seu quantitate dicto marcarum et octo
grossorum pecunie pragensium premissis ad exsoluendum ordini nostro prestare tenebitur et debebit, controuersia qualibet penitus quiescente
exclusis dumtaxat segetibus ibidem seminatis, pro quibus scilicet ad taxacionem duorum ydoneorum virorum ex parte ipsius Conradi et aliorum
duorum virorum ex parte ordinis nostri, ad hoc electorum, sub solucionis forma preualita, tenebimur et debemus. Si autem prefatus Conradus
tempore quocumque sepedictum laneum agrorum vendere seu obligare voluerit vel decreuerit, extunc premittit per spacium sex ebdomadarum ordini
nostro ad exsoluendum dictum laneum exhibebit, quem si exsoluere ordo noster prenominatus non poterit, tunc licebit eidem Conrado ipsum
laneum agrorum alicui persone ydonee, dicto nostro ordini competenti in summa pecunie premisse obligare, sub omnibus iuribus et condicioni
bus prehabitis, iure exsolucionis pignoris omni in quantitate pecunie vt premittitur erga quemlibet possessorem dictum laneum tenentem in hac parte
nobis reseruato. In cuius rei testimonium sigillum nostrum, necnon sigilla Religiosorum virorum et fratrum Nicolai de Wildung
militis in Strakonicz et in Klatow, et Petri in Brvna et in Purmicz Commendatorum presentibus sunt appensa. Actum et datum
in Brvna in die sancte et indiuidue Trinitatis. Anno domini Millesimo Trecentesimo Quinquagesimo primo.