Ich bruder Johannes dy czeit Comptor czu sande Johannes czu Troppaw Bekenne offintlych mit dyzem bryffe allen dy en werden sehen ader horen lezen
das ich mit rote der eltesten Comptern vnd auch meyner bruder dy czu der czeit woren als nemlich bruder Jeronimus von Troppaw bruder Jacop von
Jaurowicz vnd bruder Merten von Ratibor Als dy mol des ordens dy do leyt vor der Stat Troppaw vnd genant dy Spital mol durch puszlingen vor
brant wart off das ich meyne bruder vnd auch dy armen lewte yn dem Spitale das der bas halden mochte vnd dy mol rysther fertyg wurde Walen
tin molner von Czawdicz seynen geerben habe ich gegunt vnd yn crafft dyses brifes gonne dy genante mol halffen bawen vmb das drytte teyl Also das der
genante Walentin seyne geerben vnd nochkomelinge das dritter teyl der mol mogin vorkawfen off das tewreste sy mogen vnd an seynen nucz wenden Vnd auch
alles das man bawen wurde an der mol off dem were ader was off dy koste geet das zol der molner beczalen das drytte teyl vnd ich ader meyne nochkomelinge
Comptern czwe teyl es sey off erzen ader molsteyne Vnd ap der genante Walentin ader seyne nochkomelinge den her seyn drytteyl wurde vorkawffen dem Com
ptor nicht wolde folgen vnd wolde wider yn seyn vnd sich nicht losen lossen So mast der Comptor im orlaff geben also das her seyn drytteyl vorkawffe Vnd
app der molner sich mit dem Comptor vmb eyn sulches wolde enlegen sprechende das her nicht kande vorkawffen sulches zol czwyssen dem Comptor irkent
werden durch gutte lewte wolde denne yo der Comptor den molner oder sulvis derkentnis nicht haben So hot der molner off das her beczege offczog vor vnd
tast vorkawfft denne ehr das der molner mast vnd der Comptor dy mol czu em loczen wolde So sal der molner das was her vor seyn drytteyl gegeben hot ader
was erber lewte erkenten von dem Comptor off nemen Auch als der orden vnd der Comptor hot seyne lewte mit allem ffurstlichem rechte also sal auch der
molner der selbygen mol vndertanig seyn das der Comptor vmb seyne obertrettung hot mit ym czu thuen vnd czu losen vnd auch sal der selbige Walentin ader
seyne nochkomelinge nymandes halden eyn der mol den der Comptor nicht wolde haben Vnd wer das dryttoteyl der mol kaufft ader haben wirt der sal dysen
bryff haben czu eynem ewigen geczeugnis Czu orkund habe ych obengenanter Comptor das Sygel vnsers hawzes vnd auch meyn aigens an dysen brieff losen
an hengen Der do gegeben vnd geschryben yst czu Troppaw am freytage vor sande Andree Noch Cristi gebort Tawsent fyerhundert vnd yn dem newnczigstem
vnd fyrde yare