Ego Vlricus Brasiator quondam Queckonis Brasiatoris pie memorie filius Tenore presencium fateor recognoscens omnibus et singulis tam presentibus quam futuris presentes litteras
visuris lecturis seu eciam audituris Quod quia olim honeste matrone videlicet domina Katherina Mater mea karissima et Agnes eius soror germana matertera mea
dicta ambe bone memorie decem sexagenas quelibet ipsarum grossorum denariorum pragensium Religiosis fratribus Petro commendatori Nicolao priori Tocique Co
uentui fratrum Cruciferorum domus beate Marie virginis in pede pontis pragen(sis) ordinis sancti Johannis Baptiste sacre domus hospitalis vrbium pro animarum suarum re
medio salutifero dictos anniuersarios ipsarum videlicet domine Katherine matris mee predicte xvj kalendas Junij siue tercia die ante potenciane virginis et domine Agnetis
sororis sue predicte In vigilia beate Marie virginis Natiuitatis cum vigilijs et missis ac pulsacionibus seu pro omnia cum sollempnitate debita et solita prout de domibus
beate virginis moris et consuetudinis est ad pagendum dederunt legauerunt et deputauerunt ipsarum nomine testamenti Quas quidem decem sexagenas
de ipsorum fratrum consensu licencia et voluntate in vsus meos conuertendas percepi et ipsis fratribus pro eisdem decem sexagenis vnam sexagenam scilicet sexaginta grossos
denarios pragen(ses) predictos pro ea computando Census annui perpetui et liberi ab omnibus dacionibus solucionibus exaccionibus seu quibusuis alijs fatigacionibus one
ribus ac eciam a Berna Regia penitus et exempti pro me heredes et successores meos singulis septimanis vialis et tribus eximendi super domo mea lapi
dea et Brasiatorio vtriusque domus et vniuersis suis pertinencijs ad domum et Brasiatorium spectantibus quocumque censeantur nomine et super ipsius domus siue Bra
siatorij si per ignis incendium aut quemuis alium modum consumentur et destruentur Aream sitam inter domos siue Brasiatoria Johannis et Jessonis Brasiatorum
in descensu circa stratam publicam assumptam eundo de porta Ciuitatis minoris pragen(sis) que vgezdey porta nuncupatur ad sanctam Mariam Magdalenam
sub monte petrino ex parte ante retro dextrorsum et sinistrorsum penes viam que ducit de predicta domo beate virginis per fossatum ad sanctam Mariam Magdalenam super qua
quidem domo seu Brasiatorio ab ipsis fratribus duas sexagenas census habere noscuntur inter et racionabiliter meo et Dorothee vxoris mee karissime ac heredum et successorum
ac successorum meorum nomine tradidi donaui et resignaui ad habendum tenendum vsufrutuendum et possidendum eundem censum per ipsos fratres seu eorum in hac parte successores
iure hereditario perpetuo quolibet pacifice et quiete in hunc modum videlicet quod ipsius census medietas scilicet triginta grossi in festo Galli et totidem vel residua
medietas in festo Georgij festis singulis exnunc inantea sub anno quolibet occurrentibus in omnem euentu de dicta domo et Brasiatorio et suis pertinencijs
perpetuo solui debet Et si monetam presentem mutari contigerit Tunc valor predictorum grossorum impleri tenebitur pagamento tunc temporis grato patenti et vtitato
In quocumque autem dictorum festorum festo et infra octauam deinde continuam census in hac parte debitus non persoluetur Extunc super huiusmodi censu non soluto euenient
Quatuor grossi nomine pene statim Et consumentur pena super ipsum censum donec cum pena vel penis desuper accrescentibus extoto persoluatur et exsoluatur alijs singulis
septimanis Pro quibus tunc huiusmodi censu et penis non solutis ipsi fratres qui pro tempore fuerint poterint me heredes et successores meos seu ipsius domus
et Brasiatorij possessores ac inhabitatores quoslibet in ipsis domo ac Brasiatorio et suis pertinencijs tamquam in bonis suis proprijs licite impignorare
inquantum neccum fuerit et oportunum quousque ipsis de huiusmodi censu et penis desuper accrescentibus et dampnis omnibus qualitercumque exinde perceptis sa
tisfactum fuerit integraliter et ad plenum Quandocumque autem ego heredes uel successores mei alium vnius sexagene censum consimilem et equestrem ac securum
iuxta estimacionem duorum uel trium proborum virorum iuratorum in alijs bonis in Ciuitate pragen(si) vel extra Ciuitatem pragen(sem) infra vnum miliare emerimus
et comparauerimus Extunc statim memoratum Brasiatorium meum vna cum domo et pertinencijs suis vniuersis a solucione census memorati exemptum et liberum
extoto remanebit In cuius rei testimonium sigillum meum proprium vna cum sigillis honestorum virorum videlicet Eblini knoblauchij et Otlini lapicide
ciuium minoris ciuitatis pragen(sis) ad meam peticionem instanciam presentibus est appensum Datum prage In octaua sancti Laurencij martiris gloriosi Anno domini
Millessimo Trecentesimo Sexagesimoseptimo