Fr(ater) Don Nicolaus Cotoner.
Dei gra(tia) Sacræ Domus Hosp(ita)lis S(anc)ti Io(ann)is Hier(osolymitani) et Militaris Ordinis S(anc)ti Sepulchri Dominici Magister humilis pauperumque Iesu
Chr(ist)i Custos: Ven(erabi)li P(at)ro Christiano Venceslao Flaysner Nobis dilecto Sal(ute)m in D(omi)no Sempiternam. Religionis zelus, diuini cultus
peritia et obseruantia, aliaq(ue) probitatis et virtutum merita super quibus apud Nos fide digno commendaris testimonio promerentur vt
tibi reddamur ad gratiam liberales. Cum itaq(ue) vigore Statutor(um) nostror(um) et ex laudabili et hactenus obseruata consuetudine ratione superiori-
tatis qua in eodem Ordine n(ost)ro fungimur de quibuscunq(ue) beneficijs Eccl(esiast)ijs quæ a Prioratibus, Baiuliuatibus et Com(menda)rijs dependent etiam q(ui)bus
cura imminet animar(um) et per Priores, Baiuliuos et Commend(ata)rios alias prouideri consuetum est, quandocunq(ue) in Conuentu n(ost)ro ea per obitum resigna-
tionem, uel priuationem aut alio quocunq(ue) modo vacare contigerit libere disponere et prouidere possimus. Cumq(ue) nuper Beneficium siue Prioratum
Curatum Parochialis Ecclesiæ sub Inuocatione Beatæ Mariæ Virginis sub Catena in Ciuitate Praga sitæ et a Prioratu n(ost)ro Bohemiæ depen-
den(tem) vacauerit per priuationem fr(atr)is Bernardi Witte de eodem hic in Conuentu n(ost)ro factam vigore sententiæ Criminalis a n(ost)ro Ven(erabili) Concilio latæ
sub die xxij. Ianuarij proxime præteriti ad quam habeatur relatio. Hinc est quod p(ræ)fatum Prioratum Eccl(esi)æ Parochialis S(anc)tæ Mariæ sub
Catena per h(uius)mo(d)i priuationem dicti fr(atr)is Bernardi Witte vltimi legitimi eiusdem Prioratus Curati Prioris, Rectoris, et Beneficiati vacan-
tem p(ræ)sential(ite)r et ad n(ost)ram collationem donationem et omnimodam disposit(io)nem spectantem et deuolutum. Cum omnibus et singulis suis Iuribus, fruc-
tibus, redditibus, proedijs, obuentionibus, et pertinentijs ad ipsum Prioratum Curatum spectantibus et pertinentibus, seu spectare et pertinere debenti-
bus quoquo modo, et cum quibus illum d(ictu)s fr(ater) Bernardus Witte cæteriq(ue) eiusdem Prioratus Curati d(ict)æ Parochialis Eccl(esi)æ Priores, Rectores, et Beneficiati
habuerunt, tenuerunt, et possederunt seu habere tenere, et possidere quom(od)ol(ibe)t debuerunt (Reseruata ipsi fr(atr)i Bernardo tertia parte eorundem fructuum
Iurium, et obuentionum per te illi vita eius perdurante pro eius subuentatione annuatim subministranda iuxta p(ræ)fatam n(ost)ri Ven(erabilis) Concilij
sententiam) habendum tenendum, possidendum, regendum, administrandum, et meliorandum in spiritualibus et temporalibus, in eoq(ue) diuinum cultum
cum oneribus supportari consuetis et debitis rite et canonice exercendum, atq(ue) Sacram(en)ta Eccl(esiast)ica ad subditor(um) et Chr(ist)i fidelium illuc confluentium
spirituale solamen ministrandum. De n(ost)ra certa scientia, et speciali gratia tibi conferimus, concedimus, et donamus, tequefaciendo in eodem. Teque
Priorem, Rectorem et Beneficiatum in dicto Prioratu Curato Parochialis Eccl(esi)æ S(anc)tæ Mariæ sub Catena sub memorato onere quolibet anno
subministrandi dicto fr(atr)i Bernardo vita eius perdurante tertiam partem fructuum et reddituum eiusdem Prioratus constituimus, et ordina-
mus. Committentes tibi circa curam, regimen et accommodam administrationem Iurium et bonor(um) eiusdem Prioratus Curati tam in agendo quam
defendendo harum serie vices n(ost)ras. Quocirca cuicunq(ue) Ord(in)is n(ost)ri fr(atr)i primitus requisito et p(ræ)sertim Ven(erabi)li Relig(ios)o in Chr(ist)o Nobis p(ræ)chariss(im)o fr(atr)i Fran(cis)co Comiti
Wratislaw moderno, et pro tempore d(icti) Prio(ratus) n(ost)ri Bohemiæ Priori p(ræ)cipimus et mandamus, vt te, uel tuum legitimum Procur(ator)em in possessionem pacificam
et quietam d(icti) Prioratus Curati Eccl(esi)æ Parochialis S(anc)tæ Mariæ sub Catena Ciuitatis Pragæ inducat et inductum conseruet ac de fructibus, emolum(ent)is, red-
ditibus, Iuribus, et obuentionibus eiusdem tibi responderi faciat. Amoto exinde ab eodem Prioratu Curato dicto fr(atr)e Bernardo Witte, seu quouis alio
(si quis fuerit) quem Nos ut illicitum detentorem amouemus et decernimus firmiter amouendum. Inhibentes tibi ne bona imobilia aut pretiosa mobilia et
Iocalia Prioratus Curati h(uius)mo(d)i vendas, des, impignores, seu quouis modo alienes, quinimo si quæ forsan distracta sunt pro viribus recuperare studeas.
Volumus autem vt in termino per memorata Indulta Ap(osto)lica p(ræ)scripto habitum Ord(inis) n(ost)ri per fr(atr)es Capellanos obed(ienti)æ gestari solitum suscipere, ac profess(ionem) regula-
rem seruata forma Statutor(um) n(ost)ror(um) ac Ordinat(ionum) Cap(ituli) G(e)n(er)alis sit(us) ab eo ad quem spectat ad h(uius)mo(d)i curam animar(um) exercitium idoneus repertus fueris p(ro)fiteri et emittere te-
neatis. Præcipientes Vniuersis et singulis d(ict)æ Domus n(ost)ræ fr(atr)ibus quacunq(ue) auct(oritat)e, dignit(ate), officioq(ue) fungentibus in virt(ute) s(anctæ) obed(ienti)æ ne contra p(ræ)sentes n(ost)ras Collat(ionis) prouisionis et
donat(ionis) l(itte)ras aliquatenus facere uel uenire p(ræ)sumant sed eas studeant inuiolabilit(e)r obseruare. In cuius rei Test(imonium) Bulla n(ost)ra Magistralis plumbea p(ræ)sentibus est appensa.
Dat(um) Melitæ in Conu(en)tu n(ost)ro die Vigesima Quinta Mensis Augusti Millesimo Sexcentesimo Septuagesimo Quarto: