Paulus ep(iscopu)s s(er)uus s(er)uor(um) dei Venerabili fratri .. Ep(iscop)o T~l~onen(si) et dilectis filijs .. Abbati Monasterij beate Marie in Corona Pragen(sis) dioc(esis) ac .. Decano eccl(es)ie Pragen(sis)
Sal(u)t(em) et ap(ostoli)cam ben(edictionem). Religionis zelus uite ac mor(um) honestas aliaq(ue) laudabilia probitatis et uirtutum merita super quibus dilectus filius Johannes de Swamb(er)k frater hospitalis sancti Johannis
Jerosolimitan(i) apud nos fidedigno com(m)endatur testimonio nos inducunt ut sibi reddamur ad gratiam liberales. Exhibita siquidem nobis nuper pro parte dicti Johannis petitio continebat q(uo)d nuper Prioratu
generali Bohemie Hospitalis predicti quem quondam Jodocus ip(s)ius Prioratus Prior dum uiueret obtinebat per obitum eiusdem Jodoci qui extra Roman(am) Curiam diem clausit extremum uacante
dilecti filij Vniuersi Preceptores et fratres domor(um) eiusdem hospitalis infra limites dicti Prioratus consistentes ad quos electio Prioris eiusdem Prioratus cum pro tempore uacat de antiqua et
approbata ac hactenus pacifice obseruata consuetudine pertinet ip(su)m Johannem qui professionem per fratres dicti hospitalis emitti solitam emiserat regularem in ip(s)ius Prioratus Priorem concorditer
elegerunt. Cum autem sicut eadem petitio subiungebat prefatus Johannes dubitet electionem huiusmodi ex certis causis uiribus non subsistere et sicut accepimus Prioratus ip(s)e adhuc ut prefert(ur) uacare
noscatur. Nos dicto Johanni premissor(um) meritor(um) suor(um) intuitu sp(eci)alem gratiam facere uolentes cumq(ue) a quibuscumq(ue) excom(m)unicationis suspensionis et interdicti ac alijs eccl(es)iasticis sententiis censuris et
penis a iure uel ab homine quauis occasione uel causa latis quibus forsan quomodolibet innodatus existit quo ad effectum presentium duntaxat consequendum har(um) serie absoluentes et absolutum fore cen
sentes necnon omnia et singula beneficia eccl(es)iastica p(er) fratres dicti Hospitalis teneri solita que dictus Johannes ex quibusuis dispensationibus ap(ostoli)cis obtinet et expectat ac in quibus et ad que ius
sibi quomodolibet competit quecumq(ue) quotcumq(ue) et qualiacumq(ue) sint eor(um)q(ue) fructuum reddituum et prouentuum ueros ualores annuos ac huiusmodi dispensationum tenores presentib(us) pro expressis habentes discretioni
u(est)re per ap(ostoli)ca scripta mandamus quatinus uos uel Duo aut Vnus u(est)r(u)m per uos uel alium seu alios Prioratum predictum cui cura non imminet animar(um) cuiusq(ue) fructus redditus et prouentus
Centum et Quinquaginta florenor(um) auri Vngaricalium secundum comunem extimationem ualorem annuum ut idem Johannes asserit non excedunt siue ut premittitur siue alias quouis modo aut ex
alterius cuiuscumq(ue) persona seu per liberam resignationem dicti Jodoci uel alicuius alterius de illo extra predictam Curiam etiam coram Notario publico et testibus sponte factam uacet etiam si tanto tempore uaca
uerit q(uo)d eius collatio iuxta Lateranen(sis) statuta Concilij ad sedem ap(ostoli)cam legitime deuoluta ip(s)eq(ue) Prioratus dispositioni ap(ostoli)ce sp(eci)aliter reseruatus existat et super eo inter aliquos lis cuius statum presentibus
haberi uolumus pro expresso pendeat indecisa dummodo tempore dat(e) presentium non sit in eo alicui sp(eci)aliter ius quesitum cum omnibus iuribus et pertinentijs suis eidem Johanni auctoritate n(ost)ra conferre et assignare
curetis Inducentes eum uel procuratorem suum eius nomine in corporalem possessionem Prioratus iuriumq(ue) et pertinentiar(um) predictorum et defendentes inductum amoto exinde quolibet illicito detentore
ac facientes ip(su)m Johannem uel dictum procuratorem pro eo ad Prioratum huiusmodi ut est moris admitti sibiq(ue) de illius fructibus redditibus prouentibus iuribus et obuentionibus uniuersis
integre responderi. Contradictores per censuram eccl(es)iasticam appellatione postposita compescendo Non obstantibus felicis recordationis Bonifatij p(a)p(e) .viij. predecessoris n(ost)ri et alijs ap(ostoli)cis Consti
tionibus necnon statutis stabilimentis et consuetudinibus eiusdem hospitalis iuramento confirmatione ap(ostoli)ca uel quauis alia firmitate roboratis contrarijs quibuscumq(ue). Aut si aliqui super prouisionibus
sibi faciendis de Prioratibus huiusmodi sp(eci)ales uel alijs beneficijs eccl(es)iasticis in illis partibus generales dicte sedis uel Legator(um) eius litteras impetrarint etiam si per eas ad inhibitionem reseruationem
et decretum uel alias quomodolibet sit processum quibus omnibus prefatum Johannem in assecutione dicti Prioratus uolumus anteferri sed nullum per hoc eis quo ad assecutionem Prioratuum
uel beneficior(um) alior(um) preiudicium generari. Seu si dilectis filijs Magistro et Conuentui fratribus dicti hospitalis uel quibusuis alijs com(m)uniter uel diuisim ab eadem sit sede indultum q(uo)d ad receptionem uel proui
sionem alicuius minime teneantur et ad id compelli aut q(uo)d interdici suspendi uel excom(m)unicari non possint q(uo)dque de Prioratibus huiusmodi uel alijs beneficijs eccl(es)iasticis ad eor(um) collationem prouisione(m)
presentationem seu quamuis aliam dispositionem coniunctim uel separatim spectantibus nulli ualeat prouideri per litteras ap(ostoli)cas non facientes plenam et expressam ac de uerbo ad uerbum de indulto
huiusmodi mentionem et qualibet alia dicte sedis indulgentia generali uel sp(eci)ali cuiuscumq(ue) tenoris existat per quam presentibus non expressam uel totaliter non insertam effectus huiusmodi gratie
impediri ualeat quomodolibet uel differri et de qua cuiusq(ue) toto tenore habenda sit in n(ost)ris litteris mentio sp(eci)alis. Nos enim exnunc irritum decernimus et inane si secus super hijs a quoqua(m) qua
uis auctoritate scienter uel ignoranter contigerit attemptari. Dat(um) Rome apud Sanctummariam Anno Incarnationis dominice Millesimoquadringentesimosexagesimoseptimo
Quarto Non(as) Martij Pontificatus n(ost)ri Anno Quarto.