In nomine domini amen Anno jncarnacionis eiusdem millesimo quadringentesimo nonagesimo quarto die vero lune tricesimaprima Januarij pontificatus sanctissimi in christo patris et domini nostri domini Alexandri diuina prouidencia pape sexti Anno eius secundo In mei notarij publici testiumque subscriptorum ad hoc specialiter
vocatorum et rogatorum presencia personaliter constitutus venerabilis ac magnificus dominus dominus Joannes de Schwanberg miles ac per prouincias Bohemie Morauie Slesie Polonie Austrie Styrie Carinthie et Carniole ordinis sancti Joannis hierosolimitani de suo ac venerabilis Conuentus sui domus Strakonicen(sis)
nomine et in personis tenens quoddam mandatum siue priuilegium pie memorie Pauli pape secundi pergameno scriptum et sigillo plumbeo filatis canapeis cordulis appendenti in qua scriptura ymago papal(is) ex vna et ex altera parte capita sanctorum apostolorum Petri et Pauli cum litteris S(anctus) P(etrus) S(anctus) P(aulus) impressa erat sanum et integrum non viciatum non cancellatum nec in aliqua sui parte suspectum sed omni prorsus vicio et suspicione carens prout in eo prima facie apparebat Cuius quidem mandati siue priuilegij tenor de verbo ad verbum sequitur et est talis Paulus episcopus seruus seruorum dei venerabilibus fratribus Archiepiscopo Pragen(si) et Olomucen(si) ac dilecto filio Abbati Monasterij Beate marie in corona pragen(si) ordinis Cistercien(sis) salutem et apostolicam benedictionem Religionis zelus vite ac morum honestas aliaque laudabilia probitatis
et virtutum merita super quibus dilectus filius Joannes de Swanberg frater hospitalis sancti Joannis Jherosolimitani apud nos fidedigno commendatur testimonio nos inducunt vt sibi reddamur ad graciam liberales Exhibita siquidem nobis nuper pro parte dicti Joannis peticio continebat quod nuper prioratu generali Bohemie hospitalis
predicti quem quondam Jodocus eiusdem prioratus prior dum viueret obtinebat per obitum eiusdem Jodoci qui extra Romanam Curiam diem clausit extremum vacante dilecti filij conuentus preceptores et fratres domus sancti Joannis in Strakonicz in qua dictus prioratus consistere dinoscitur ad quos eleccio prioris eiusdem prioratus cui pro tempore vacat
de antiqua et approbata ac hactenus pacifice obseruata consuetudine pertinere noscitur qui professionem per fratres dicti hospitalis emitti solitam emiserat regulariter et expresse pro eorum et dicti prioratus priore concorditer elegerunt Cum autem sicut eadem peticio subiungebat prefatus Joannes dubitet eleccionem huiusmodi ex certis causis viribus non subsistere et
sicut accepimus prioratus ipse adhuc vt prefertur vacare noscatur Nos volentes eundem Joannem premissorum meritorum suorum intuitu fauore prosequi gratioso ipsumque a quibusuis excommunicationis suspensionis et interdicti ac alijs ecclesiasticis sentencijs censuris et penis a iure vel ab homine quauis occasione vel causa latis si quibus forsan quomodolibet
innodatus existit quo ad effectum presencium dumtaxat consequendum harum serie absoluentes et absolutum fore censentes necnon omnia et singula beneficia ecclesiastica cum cura et sine cura que dictus Joannes eciam ex quibusuis dispensacionibus apostolicis obtinet et expectat ac in quibus et ad que ius sibi quomodolibet competit
quecumque quotcumque et qualiacumque sint eorumque fructuum reddituum et prouentuum veros annuos valores ac huiusmodi dispensacionum tenores presentibus pro expressis habentes discrecioni vestre per apostolica scripta mandamus quatinus vos vel duo aut vnus vestrum per vos vel alium seu alios prioratum predictum cuius cura imminet animarum
cuiusque fructus redditus et prouentus Centum et Quinquaginta florenorum auri de camera secundum communem extimacionem valorem annuum vt ipse Joannes asserit non excedunt siue vt premittitur siue alias quouis modo aut ex alterius cuiuscumque persona seu per liberam resignacionem dicti Jodoci vel alterius cuiusuis de illo extra Romanam Curiam
etiam coram notario publico et testibus sponte factam vacet eciam si tanto tempore vacauerit quod eius collacio iuxta Lateranen(sis) statuta Concilij ad sedem apostolicam legitime deuoluta ipsaque prioratus disposicioni apostolice specialiter reseruatus existat et super eo inter aliquos lis cuius statum presentibus haberi volumus pro
expresso pendeat indecisa dummodo tempore dat(e) presencium non sit in eo alicui specialiter ius quesitum cum omnibus iuribus et pertinencijs suis eidem Joanni auctoritate nostra conferre et assignare curetis Inducentes eum vel procuratorem suum eius nomine in corporalem possessionem prioratus iuriumque et pertinenciarum predictorum et defendentes
inductum amotis quibuslibet illicito detentoribus facientes ipsum Joannem vel dictum procuratorem pro eo ad prioratum huiusmodi vt est moris admitti sibique de illius fructibus redditibus prouentibus iuribus et obuencionibus vniuersis integre responderi Contradictores per censuram ecclesiasticam appellacione postposita compescendo
Non obstantibus felicis recordacionis Bonifacij pape viij predecessoris nostri et alijs apostolicis Constitucionibus necnon statutis et consuetudinibus eiusdem hospitalis iuramento confirmacione apostolica vel quauis alia firmitate roboratis ceterisque contrarijs quibuscumque Aut si aliqui super prouisionibus sibi faciendis de
prioratibus huiusmodi speciales vel alijs beneficijs ecclesiasticis in illis partibus generales dicte sedis vel legatorum eius litteras impetrarint eciam si per eas ad inhibicionem reseruacionem et decretum vel alias quomodolibet sit processum quas quidem litteras prefato Joanni in assecucione dicti prioratus volumus anteferri sed
nullum per hoc eis quo ad assecucionem prioratuum et beneficiorum aliorum preiudicium generari Seu si venerabili fratri nostro Episcopo Pragen(si) et dilectis filijs capitulo ecclesie Pragen(sis) vel quibusuis alijs communiter vel diuisim ab eadem sit sede indultum quod ad recepcionem vel prouisionem alicuius minime teneantur et ad id compelli aut excommunicari suspendi
vel interdici non possint quodque de prioratibus huiusmodi vel alijs beneficijs ecclesiasticis ad eorum collacionem prouisionem presentacionem seu quamuis aliam disposicionem coniunctim vel separatim spectantibus nulli valeat prouideri per litteras apostolicas non facientes plenam et expressam ac de verbo ad verbum de indulto huiusmodi
mencionem et qualibet alia dicte sedis indulgencia generali vel speciali cuiuscumque tenoris existat per quam presentibus non expressam vel totaliter non insertam effectus huiusmodi gratie impediri valeat quomodolibet vel differri et de qua cuiusque toto tenore habenda sit in nostris litteris mencio specialis Nos enim
exnunc irritum decernimus et inane si secus super hijs a quoquam quauis auctoritate scienter vel ignoranter contigerit attemptari Dat(um) Rome apud Sanctummarchum Anno Incarnacionis dominice Millesimoquadringentesimoseptuagesimo Quarto Non(is) Martij pontificatus nostri Anno Quarto Post cuius quidem mandati siue priuilegij
Quod cum apparet sanum et integrum non viciatum non in pergameno nec sigillo maculatum nec cancellatum omni prorsus carens suspicione lecturam meique notarij subscripti ad instanciam dicti domini Joannis de Schwanberg prioris etc(etera) in hanc publicam formam transumptum et in formam
publici instrumenti est redactum presentibus testibus venerabilibus honorabilibus generosis ac nobilibus viris et dominis Przibislauo diuina prouidencia abbate in Monasterio sancte corone Wltaue Cistercien(sis) ordinis Wenceslao decano ecclesie sancti Egidij in Praga Johanne de Czaslawig Bartholomeo de Wolejna omnibus presbiteris Johanne de Rzepandicz de Werba precone per Bohemiam de Bessicz Alexandro per Myelczano fabro de Zucha et alijs compluribus fidedignis ad premissa specialiter vocatis et rogatis Acta sunt hec anno indiccione die mense pontificatu et loco vbi supra
Nominatim in domo et Castro Strakonicen(si) In superiori stupha magna et communi
Et Ego Stephanus natus quondam Jacobi de Krumlow clericus pragen(sis) dyocesis publicus
Sacris Apostolica et Imperiali auctoritatibus Notarius Quia predicti mandati siue priuilegij exhibicioni leccioni et omnibus
alijs et singulis premissis dum sic vt premittitur fierent et agerentur vna cum prenominatis testibus presens
interfui Eaque omnia et singula sic fieri vidi et audiui Jdeo hoc presens publicum instrumentum
manu mea propria conscriptum exinde confeci et in hanc publicam formam
redegi signoque et nomine meis solitis et consuetis consignaui rogatus et requisitus in fidem et
testimonium omnium et singulorum premissorum