Wir Ferdinand von gots genaden Römischer Künig zu allen zeiten merer des Reichs in Germanien zu Hungern Behaim ~Dalmatien~ Croatien ~etc.~ Künig Infant in Hispanien Ertzhertzog
zu Osterreich Marggraue zu Merhern Hertzog zu Lutzenburg vnnd in Schlesien Marggraue zu ~Lausitz~ ~etc.~ Entbieten den Wirdigen Vns andechtigen Erwirdigen vnnd Er
samen Vnnsern lieben getrewen ~etc.~ Allen vnnd Jeden Comenthurern Coadiutorn vnnd Verwaltern der Comenthureyen der Cronen auch der prioraten der Cron Behaim gen Stra
konitz gehorig Vnnser Künigkliche gnade vnnd alles guets. Lieben getrewen, Nachdem Wir an Eüch geschriben Vnnser genedigst begeren Vnnd darumb Vnschuldig den Wolgebornen Vnnsern
lieben getrewen Jhan den Elttern von Wartenberg fur ainen Obristen Maister der prioraten in der Cron Behaim vnnd zu Strakonitz Nachdem Wir Jme solhes als Regierunder Behaim
ischen Künig aus Künigklicher macht gerechtigkait Vnnd als Obrister Collator Jm falls Vnnserer Künigklichen Donation daruber verfertigt sein lebenlang genediglich Oberisten
gegeben zugestelt vnnd in die possession einsetzen haben lassen, Vnnd als ewer künigkliche Obrigkeit anzunemen zuerkennen darfur zuhalten, Vnnd alle schuldige gehorsam mit obediencz laist
ung Jarlicher zins dambt nutzung vnnd deputat auch annderm wie des Allters herkomen, vnnd die vorigen ordens brüder ainen Obristen Maister zu Strakonitz gethon zulaisten vnnd
zuuolgen ~etc.~ Wiewol auch die maist vnnder der vnannten han von Wartenberg von den Obristen Maister zu Rodes Confirmation auf bestettung vmbgeuast ~etc.~ So Haben
wir Eüch daneben abermals beuolhen anntwurt den Obristen gen Rodes zuschreiben, vnnd furderlich zugeben, Wie vnnd war gestalt wir offtgedachten von Wartenberg zu ainem Obristen
Maister der prioraten in der Cron Behaim gesetzt In die possession einsetzen haben lassen, Sols Ewer schreiben mit der anndern Jmbsigl gen Strakonitz gehorig so vnnder vier schlossern vnnd
gestigelt, Wie wir vorigt verstanden verzaichent damit er desto furderlicher die Confirmation erlangen müge ~etc.~ Wie dann solh Vnnser schreiben mit merern worten in sich vermügt, Nu haben aber
in Eüerm schreiben so gedachter von Wartenberg auf vnnserwegen vmb begeren gethon, Verstanden, das Jr vnnder des Hertzogthums Vnnserer Künigklichen Obristen haubtman in Ober vnnd Nider
Schlesien vnnd lieben getrewen Carln in Schlesien Hertzogen zu Münsterberg vnnd Oels ~etc.~ ambt vnnd Haubtman schaft in Schlesien gesetzt seyt, Vnnd durch anstifftung der Jetzigen Lutterischen Cristen
sein vilfaltig bedrufft, Welhs Jm der Hertzogthum Vnnser Künigklichen vnnd lieben getrewen Jochim in Schlesien Hertzog zu Münsterberg vnnd Oels ~etc.~ etlich vortaill zuuor in dem hanndel von Eüerm
gestigelt der erlangt darfur Jr Jme dermassen khain promission thun dürfft noch thun wellt, Allain Ewer stym vnnd bewilligung auf die Confirmation eüers gestigelt der vnannten Hertzog
Jochim gegeben, Bithundt gedachter Jhan von Wartenberg wellt ordenshalben das sein begeren eüers glimpfens halben dismals entschulhigen mit kleglich ~etc.~ mochte daraus der ordens haus ver
in Schlesien till schaden vnnd nachtaill entspriessen ~etc.~ So Welher eüerer waigerung Wir nit wenig beschwert tragen, Dann das wir solh priorat vnnd Maister ambt dem von Wartenberg ge
nediglich gegeben, Das haben wir als Regierunder Behaimischer Künig vnnd Obrister Collator der prioraten auch Vnnserer vorfarn Künige zu Behaim vnnd nit der Maister zu Rodes
guets recht vnnd vrsach, Vnnd ist nochmals an Eüch all vnnd Jeden in sonnderhait Vnnser Ernstlicher Beuelh willen vnnd mainung, Das Jr bey vermeidung Vnnserer sweren straff
vnnd Vngnade gedachten Jhan den Elttern von Wartenberg Nach vermüg Vnnserer voraußgeganndten fur Ewer Obrigkeit annehmet erkennet allen schuldigen gehorsam mit laistung Jar
licher deputat vnnd in annder wege Wie von Allters herkomen zulaistet, Jne an den Maister zu Rodes vmb bestettung vnnd Confirmation behilflich seyt, HierJnn thain Ewer waig
erung furwendet, Vorainge Jr Vnnsern Ernstlichen Willen vnnd mainung, Geben in Vnnser Stat Wien den Achtzehenden tag des Monats Nouembris Anno im Vierunddreissig
isten, Vnnserer Reiche des Römischen im Vierten des Hungrischen im Achten vnnd Behaimischen im Neundten
Ferdinandus