FRATER IOANES LEVESQVE DELA CASSIERE
Dei gratia sacre Domus Hospitalis sancti Joannis Hierosolymitani Magister humilis pauperumq(ue) Jesu Xpi custos. Et nos Conuentus Domus eiusdem. Religioso in Xpo nobis charissimo Fratri Christophoro a Vetenburg comende n(ost)re de Lemberg Prioratus
n(ost)ri Bohemie comendatario salutem in d(omi)no sempiternam. Rationi consona est generosis ordinis n(ost)ri militibus quos insignis morum et uite comendat probitas, uirtutes exornant amplissime, et preclarior(um) actuum gestor(um) gloria celebrat ad excelsor(um)
honorum et dignitatum n(ost)ri ordinis gradus promouere ut condignis meritor(um) premijs susceptis propensiores indies reddantur ad maiora amplioraq(ue) solerti studio promerenda et alij h(uius)mo(d)i ex(em)plo ad bene agendum feruentius animentur. Egregia itaq(ue)
tuæ prudentiæ existimatione(m), multiplicem reru(m) experientia(m) præclarasq(ue) animi tui dotes ac laudabilem obedientiam per te hactenus ordini n(ost)ro prestitam, aliaq(ue) obsequia exhibita et quæ posthac te ardentius exhibituru(m) confidimus consi
derantes, Insuper tuo salubri regimini accurataq(ue) sedulitate ac diligentia infrascriptu(m) Prioratu(m) non solum comode utiliterq(ue) regi et gubernari, p(ro)plurimaq(ue) incrementa suscipere, uerum etia(m) ad pristinum sancte obedientiæ a qua annis su
perioribus quodamodo defecisse uidebatur iugum, suoriq(ue) superiori futuris temporibus recognitionem et subiectionem reduci posse sperantes, dimissa itaq(ue) et resignata prius per te Comenda n(ost)ra de Lemberg Prioratus Straconicensis seu Boemiæ
qua(m) tenes p(ro)ut per nos dicta resignatio(n)e suscepta et admissa, si t(ame)n, et al(ite)r non cu(m) infrascripti Prioratus possessionem pacificam et quietam assequutus fueris. Prioratum predictum straconicensem seu Boemia per obitum Ven(erabi)lis quon(dam) Fr(atr)is Wen
ceslai Hasij ab hasenburg ultimi legitimi dicti Prioratus straconicensis seu Boemie dum uiueret Prioris et possessoris siue hoc siue alio quouis modo uacantem, specialiter et ad n(ost)ram collatione(m) donationem electione(m) ordinatione(m) et omnimoda(m)
dispositionem spectante(m) et deuolutu(m) cum suis cameris prioralibus, earumq(ue) membris predijs iuribus annexis pertinencijs et dependencijs omnibus et singulis ad dictu(m) Prioratu(m) prefatas cameras et quamlibet ipsaru(m) spectantibus et per
tinentibus seu spectare et pertinere debentibus quoquo modo, ac cum omni onore emolumento honore et quibuscu(m)q(ue) prærogatiuis per statuta et laudabiles n(ost)ri ordinis consuetudines Prioribus concessis et attributis. Et cu(m) quibus dictum
Prioratum prefatus Ven(erabi)lis quon(dam) fr(ater) Wenceslaus hasius a hasenburg ceteriq(ue) dicti Prioratus Priores habuerunt tenuerunt et possederunt, siue habere tenere et possidere quomodolibet debuerunt habendu(m) tenendum possidendum regendu(m) guber
nandum et meliorandum in spiritualibus et temporalibus tam in capite q(uam) in membris. Sub anua solutione responsionum et quoruncunq(ue) n(ost)ri co(mun)is ærarij iurium et onerum imponend(orum) et imponendorum dictu(m) Prioratum pro rata parte tangentium
per te singulis annis in cap(itu)lo prouinciali Prioratus eiusdem uel in festo sancti Joa(n)nis baptistæ de mense Junij in manibus Receptoris dicti Prioratus infallibiliter exoluendorum. Inuicem maturo et deliberato consilio de n(ost)ra certa scientia
et speciali gratia ad annos decem continuos et completos et ultra ad n(ost)rum beneplacitu(m) tibi tanq(uam) digno et optime merito conferimus concedimus et donamus benefaciendo in eodem. Teq(ue) legitimu(m) et canonicu(m) Priorem in dicto Prioratu eligimus constitui
mus et ordinamus, saluo et reseruato iure mortuarij et uacantis. Saluis insuper et retentis dicto n(ost)ro Mag(ist)ro quibuscu(m)q(ue) ordinationibus et preeminentijs tam per felicis memoriæ Fratrem Raimundu(m) Berengarium n(ost)re dictæ Domus Magistru(m) factis et reserua
tis in cap(itu)lo g(e)n(er)ali anno sexagesimo sexto apud Auinionem celebrato q(uam) per stabilimenta et capitulares constitutiones eidem Mag(ist)ro concessis. Retentis etia(m) et reseruatis ipsi Magistro et p(ro)ut ut si quod absit, te in solutione dictoru(m) iurium et onerum
comunis ærarij impositorum et quauis causa et ratione per Religionem imponendorum per te statuto tempore facienda deficere contingat quod prefatus Magister et futuri cum consilio procerum et Fratrum dictæ Domus possit libere disponere et
ordinare de predicto Prioratu secundum forma(m) stabilimentoru(m) n(ost)ror(um) consuetudinu(m) et capitularium constitutionum collatione de dicto Prioratu tibi facta in aliquo non obstante. Rursus cum retroactis temporibus Priores n(ost)ræ dictæ
Domus super bonis et harnesijs comendatarioru(m) indies decedentium haberent et reciperent certa iura quæ per ordinatione(m) in memorato cap(itu)lo promulgata(m) comuni ærario applicata et reseruata fuerunt. Et in compensatione(m) predictorum
iurium consuetu(m) fuerit et permissum prefatis Prioribus ultra quatuor ordinarias cameras unam aliam Baiuliam seu comendam (cum uacabit in eodem Prioratu) ad collatione(m) Prioris pertinentem accipere tibi quoq(ue) eandem Baiuliam serua
ta forma stabilimentoru(m) capiondi facultatem et licentiam impartimur. Committentes tibi curia(m) curam regimen et administratione(m) dicti Prioratus cameraru(m)q(ue) et bonoru(m) ac iurium eius defensionem recuperationem et indennitatem
tam in agendo q(uam) defendendo harum serie uices nostras. Quocirca uniuersis et singulis n(ost)ri ordinis Fratribus sororibus et Donatis in uirtute sanctæ obedientiæ ac hominibus Vassallis et quibusuis alijs nobis subditis in dicto Prioratu constitu
tis præsentibus et futuris sub sacramento fidelitatis et homagij quo nobis et Religioni n(ost)ræ sunt astricti precipimus et mandamus ut tibi tanq(uam) eoru(m) superiori et Priori reuerenter pareant obediant et intendant, tibiq(ue) prebeant auxiliu(m) consiliu(m)
et fauorem in omnibus concernentibus utilitatem dicti Prioratus quotiescu(m)q(ue) opus fuerit, et eos duxeris requirendos. Necnon uniuersis et singulis dictæ Domus n(ost)ræ fratribus quacunq(ue) authoritate dignitate officioq(ue) fungentibus p(rese)ntibus
et futuris mandamus ne contra presentes n(ost)ras literas aliquatenus facere uel uenire presumant, quinimo iuxta earum mentem studeant inuiolabiliter obseruare. Atq(ue) cuicu(m)q(ue) fratri ordinis n(ost)ri super hoc primitus requisitis manda
mus ut te uel procuratorem tuum in pacificam et quietam dicti Prioratus possessionem inducat, et inductum conseruet omni penitus contradictione remota. Amoto ab eadem quolibet alio siquis fuerit, illicito detentore quem nos tenore pre
sentium amouemus et decernimus firmiter amouendum. Inhibentes tibi in uirtute sancte obedientiæ ac sub pena stabilimentoru(m) contrafacienti inflicta ne pretextu donationis n(ost)ri h(uius)mo(d)i aliquid uel aliqua de rebus bonis iuribus predijs, lo
cis et quibuslibet iurisdictionibus dicti Prioratus camerarumq(ue) et membroru(m) eiusdem uendas des impignores permutes distrahas siue in emphiteosim perpetuam aut ad tempus concedas, des impignores permutes distrahas, uel alio quouis modo ex
tra Religionem n(ost)ram transferas, sine speciali licentia n(ost)ri Magistri Religionis atq(ue) capituli generalis pro tempore ex(istentium). Et si (quod absit) contra inhibitionem nostram huiusmodi aliquid uel aliqua operari seu facere te contingat
illud et illa ex nunc prout ex tunc cassamus adnullamus et decernimus irritum et inane, nulliusq(ue) penitus roboris ualoris uel efficaciæ. In cuius rei testimonium Bulla n(ost)ra plumbea presentibus est appensa. Datum
Melitæ in Conuentu nostro Die nona mensis septembris. Millesimo quingentesimo septuagesimo octauo. ac alijs comendis et bonis, quæ una cum Prioratu tenere non potes. app(ro)bo frater Didacus deouando Regens Cancellarie