Frater Antonius de Paula
DEI gratia sacrae Domus Hospitalis sancti Joannis Hierosolymitani et militaris Ordinis S(ancti) Sepulchri Dominici Magister humilis pauperumq(ue) Jesu Christi Custos: Et nos Conuentus Domus eiusdem. Venerando Religioso in Christo nobis praecharissimo fratri
Guilielmo Wratislau Commendarium nostrarum de Brunas et Melberg Prioratus nostri Boemiae Commendatario salutem in Domino sempiternam. Praeclarae uirtutum tuarum merita, multiplicesq(ue) animi tui dotes, ac laudabilia obsequia
per te multis ab hinc annis summae cum fidei, probitate, singulariq(ue) prudentia Ordini nostro praestita, teque in dies sedulo praestare non desinis promerentur, ut te ad excelsos honorum gradus, et maiores amplioraq(ue) commoda, et regimina promo=
ueamus. Resignatis itaq(ue) prius per te, siue uerius per tuum legitimum Procuratorem in manibus nostris dictis Commendis de Brunas, et Melberg cum eorum membris, ac alijs bonis, quo una cum infrascripto Prioratu tenere non potes, a per nos
dictis resignationibus susceptis, et admissis si tamen, et non aliter cum infrascripti Prioratus possessionem pacificam, et quietam assequutus fueris: Prioratum nostrum Boemiae per obitum Ven(erandi) quondam fratris Rudolphi liberi Baronis de Car, siue
uerius per obitum Venerandi quondam fratris Henrici liberi Baronis de Logau ultimi legitimi dicti Prioratus Boemiae Prioris, et possessoris siue hoc, siue alio quouis modo, aut ex alterius cuiuscunq(ue) persona uacantem praesentialiter, et ad nostram
collationem, donationem, electionem, Ordinationem, et omnimodam dispositionem spectantem et deuolutum cum suis Cameris Prioralibus, tibi Commendis tibi assignatis quas pro Cameris tibi assignamus cum earum, et cuiuslibet ipsarum Membris, praedijs
juribus, et pertinentijs uniuersis ad ipsum Prioratum, et praefatas Cameras seu Commendas, et quamlibet ipsarum spectantibus, ac cum omni onere, emolumento, honore, et quibuscunq(ue) praerogatiuis per stabilimenta, et laudabiles nostri Ordinis
consuetudines Prioribus attributis, et conditis; Et cum quibus dictum Prioratum plus Venerandus quondam frater Henricus liber Baro de Logau alijq(ue) praeteriti Priores habuerunt, tenuerunt, et possederunt, siue habere, tenere, et possidere quomo=
dolibet debuerunt, habendum, tenendum, possidendum, regendum, gubernandum, et meliorandum in spiritualibus, et temporalibus tam in capite quam in membris sub annua solutione responsionum et quorumcunq(ue) nostri Ordinis iurium
et onerum impositorum, et quomodolibet in futurum imponendorum dictum Prioratum eiusq(ue) Cameras pro rata parte tangentium per te annis singulis in Capitulo Prouinciali Prioratus eiusdem, uel in festo S(ancti) Joannis Baptistae de
mense Junij in manibus Receptorum dicti Prioratus deputati, uel deputandi infallibiliter exoluendorum. Jnuicem maturo, et deliberato Consilio de n(ost)ra certa scientia, et speciali gratia ad Annos decem continuos, et completos, et ultra
ad nostrum Beneplacitum tibi tanquam Antiano, et Jdoneo conferimus, concedimus, et donamus teq(ue) faciendo in eodem legitimum, et Canonicum Priorem in dicto Prioratu eligimus, constituimus, et ordinamus. Saluo, et reseruato iure
mortuarij, et uacantiis, saluis insuper, et retentis dicto nostro Magistro quibuscunq(ue) Ordinationibus, et prouisionibus, tam per fel(icis) record(ationis) fr(atr)em Raymundum Berengarium nostro dictae Domus Magistrum factis, et in destructis in Capitulo Gene=
rali Anno sexagesimo sexto apud Auinionem celebrato, quam per stabilimenta, et capitulares constitutiones eidem Magistro concessis. Retento etiam, et reseruato ipsi Magistro, et futuris, ut si (quod absit) in solutione dictorum Jurium et
onerum Communis aerarij impositorum, et quauis causa, et ratione per Religionem imponendorum per te statuto tempore faciendae deficere contingat, quod praefatus magister, et futuri cum Consilio Procerum, et fratrum dictae Domus possit
libere disponere, et ordinare de Praedicto Prioratu secundum formam stabilimentorum n(ost)rorum, consuetudinum, et Capitularium constitutionum collatione de dicto Prioratu tibi factae in aliquo non obstante. Retentis cum retro actis
temporibus Priores nostro dictae Domus inopes bonis, et annexis Commendatariorum in eis decedentium haberent, et reciperent certa Jura, quae per Ordinationem in memorato Capitulo promulgata communi aerario applicata, et reseruata
fuerunt in compensationem praedictorum Jurium concessum fuerit, et permissum praefatis Prioribus ultra quatuor Ordinarias Cameras unam aliam Baiuiam, seu Commendam cum uacabit in eodem Prioratu ad collationem Prioris perti=
nentem accipere tibi quoq(ue) eandem Baiuiam seruata stabilimentorum forma capiendi facultatem, et licentiam impartimur. Committentes tibi curam, regimen, et administrationem dicti Prioratus Cameras bonorumq(ue), et Jurium
eius defensionem, recuperationem, et indemnitatem tam in agendo, quam in defendendo harum serie uices nostras. Quocirca Vniuersis, et singulis nostri Ordinis fratribus, sororibus, et Donatis in uirtute sanctae obedientiae, ac hominibus,
Vassallis, et quibuscunq(ue) alijs nobis subditis in dicto Prioratu constitutis praesentibus, et futuris sub sacramento fidelitatis, et homagij, quo nobis, et Religioni nostrae sunt astricti praecipimus, et mandamus, ut tibi tanquam eorum supe=
riori, et Priori reuerenter pareant, obediant, et intendant, tibiq(ue) praestant auxilium, consilium, et fauorem in omnibus concernentibus utilitatem dicti Prioratus quotiescunq(ue) opus fuerit, et eos duxeris requirendos. Nec
non Vniuersis, et singulis dictae Domus nostrae fratribus quacunq(ue) authoritate, Dignitate, officioq(ue) fungentibus praesentibus, et futuris mandamus ne contra praesentes nostras litteras aliquatenus facere, uel uenire
praesumant, quin immo iuxta earum mentem studeant inuiolabiliter obseruare. Atq(ue) cuicunq(ue) Ordinis nostri fratri super hoc primitus requisiti mandamus, ut te, uel Procuratorem tuum in pacificam, et quietam
dicti Prioratus possessionem inducat, et inductum conseruet omni penitus contradictione Amota. Amoto ab eodem quolibet alio (siquis per te) illicito detentore quem nos tenore praesentium amouemus, et declaramus
firmiter amouendum. Jnhibentes tibi in uirtute sanctae obedientiae, ac sub poena stabilimentorum contra facienti inflicta, ne praetextu donationis n(ost)rae huiusmodi aliquid, uel aliquos de rebus bonis, Juribus, praedijs, locis
et quibuslibet Jurisdictionibus dicti Prioratus, Camerarumq(ue) et membrorum eiusdem uendas, des, impignores, permutes, distrahas, siue in Emphiteosim perpetuam, aut ad tempus concedas, uel alio quouis modo extra
Religionem nostram transferas sine speciali nostri Magistri, Religionis atq(ue) Capituli generalis pro tempore existentium scitu (quod absit) contra inhibitionem nostram huiusmodi aliquid uel aliquos operari, seu facere
te contingat illud, et illos exnunc prout extunc cassamus, annullamus, et decernimus irritum, et inane nulliusq(ue) penitus existere ualoris, uel efficaciae. JN cuius rei Testimonium Bulla n(ost)ra Communis plumbea praesenti=
bus est appensa. Datum Melitae in Conuentu nostro die decima septima mensis Junij Millesimo sexcentesimo Vigesimo sexto.
Visa per Ven(erandum) de ViceCancell(arium)
Bras Brandao