Frater Don Raimundus de Perellos et Rocafull
Dei gratia Sacra Domus Hospitalis S(an)c(t)i Joannis Hierosol(ymitani) et Militaris Ordinis S(an)c(t)i Sepulchri Dominici Mag(iste)r humilis pauperumq(ue) Jesu Christi Custos: Et Nos Conuen=
tus Domus eiusdem Ven(erabili) Religioso in Christo Nobis p(rae)charissimo Fratri Wolfango Sebastiano Comiti de Potting Priori nostro Hungaria Priori, ac Commend(atori) de Fursten=
felt Prioratus n(ost)ri Bohemia Commend(atori) Salutem in D(omi)no Sempiternam. Rationi consonum est generosos Ordinis n(ost)ri Milites, quos insignis morum et uita commendat probitas uirtutes
exornant amplissime conspicuaq(ue) rerum pro Catholica fidei tuicione praeclare gestarum gloria celebrat ad excelsos honorum et dignitatem gradus euocare, ut condignis meritor(um)
praemijs susceptis, et nonnullam perpessi laboris sentiant retributionem, et propensiores in dies reddantur ad maiora, amplioraq(ue) solerti studio promerenda. Egregiam itaq(ue) tuae
prudentia existimationem, multiplicemq(ue) rerum experientiam, ac praeclara(m) animi tui dotes, et laudabilia eademq(ue) diuturna obsequia per te multos ab hinc annis Ordini n(ost)ro
praestita et quae in futurum te praestiturum confidimus. Animaduertentes non immerito inducimur ad ea tibi concedendum quae promotioni tua persona conuenire dignoscuntur.
Resignatis itaq(ue) prius per te seu uerum per tuum legitimum Procur(atorem) in manibus n(ost)ris dicto Prioratu Hungaria, nec non praedicta Comm(en)da de Furstenfelt a te respectiue pos=
sessis alijsq(ue) bonis, quae una cum infrascripto Prioratu iuxta formam statutorum n(ost)rorum retinere nequis: Et per nos hu(m)modi resignationibus susceptis et admissis, si tamen
et aliter non cum infrascripti Prioratus possessionem pacificam et quietam assequutus fueris Adhaerentes Antianitati, et Juri quaesito alias per Nos tibi concesso, et illud haud
serie roborantes, Prioratum n(ost)rum Bohemia per obitum Ill(ustrissi)mi quondam Fr(atr)is Sigismundi Comitis de Thun, seu uerius Ven(erabilis) quondam Fr(atr)is Ferdinandi Ludouici Lib(eri) Bar(onis) Kinsky
Comitis a Collowrat ultimi legitimi dicti Prioratus Bohemia Prioris et possessoris, siue hoc siue alio quouismodo, aut ex alterius cuiuscunq(ue) persona uacantem praesen=
tialiter et ad n(ost)ram Collationem, Donationem electionem, ordinationem, et omnimodam dispositionem spectantem et deuolutum, Cum suis Cameris Prioratibus seu Commendis
sibi assignatis, omnibusq(ue) et singulis eiusdem, et cuiuslibet ipsarum membris, praedijs, Juribus, et pertinentijs uniuersis ad ipsum Prioratum et praefatas Cameras seu Com=
mendas, et quamlibet ipsarum spectantibus, ac cum omni onere, emolumento honore, et quibuscunq(ue) praerogatiuis per stabilimenta, et laudabiles n(ost)ri Ordinis consuetu=
dines Prioribus attributis et concessis; et cum quibus dictum Prioratum dictus Ven(erabilis) quondam Fr(ater) Ferdinandus Ludouicus Lib(er) B(aro) Kinsky Comes a Collowrat, alijsq(ue) praeteriti Priores
habuerunt, tenuerunt et possiderunt, siue habere, tenere, et possidere quomodol(ibe)t debuerunt, habendum, tenendum, possidend(um), regend(um), gubernandum, et meliorandum in spiritualibus et
temporalibus, tam in Capite, quam in membris sub annua solutione responsionum, et quorumcunq(ue) n(ost)ri Communi Aerarij Jurium et onerum impositorum, et quomodol(ibe)t in futurum impo=
nendorum dictum Prioratum eiusq(ue) Cameras pro rata parte tangentium per te annis singulis in Cap(itu)lo Prouinciali Prioratus eiusdem uel in festo S(an)c(t)i Joa(nn)is Bapt(ist)ae de Mense Junij
in manibus Receptoris dicti Prioratus deputati uel deputandi infallibiliter exoluendorum. Innicem maturo et deliberato Consilio de n(ost)ra certa scientia, et speciali gratia ad annos
Decem continuos et completos, et ultra ad n(ost)rum beneplacitum. Tibi Ven(erabili) Fr(atr)i Wolfango Sebastiano Comiti de Potting tamquam digno praeminenti, capaci et optime merito conferimus, con=
cedimus, et donamus, behefaciendo in eodem Teq(ue) legitimum, et canonicum Priorem in dicto Prioratu eligimus constituimus, et ordinamus. Saluo et reseruato Jure mortuarij et
uacantis. Saluis insuper et reseruatis dicti nostro Magistro quibuscumq(ue) Ordinationibus, et praeminentijs tam per fael(icis) mem(oriae) fr(atr)em Raimundum Berengarium n(ost)rae dictae domus Ma=
gistrum factis et sibi reseruatis in Capitulo generali anno Sexagesimo Sexto apud Auinionem celebrato, quam per stabilimenta, et Capitular(es) constitutiones eidem Magistro con=
cessis. Retento etiam et reseruato ipso Magistro et futuris ut si (quod absit) in solutione dictorum Jurium et onerum Communis Aerarij impositorum et quam(uis) causa et ratione
per Religionem imponendorum per te statuto tempore facienda deficere contingat, quod praefatus Magister et futuri cum Consilio Procerum, et fratrum dictae Domus possit
libere disponere, et ordinare de ipso Prioratu secundum formam stabilimentorum nostrorum consuetudinum, et Capitularum consonum collatione de dicto Prioratu tibi facta
in aliquo non obstante. Rursus cum retroactis temporibus Priores n(ost)rae dictae Domus super bonis et arnesijs Commendatariorum in dies decedentium haberent et reciperent certa
Jura, quae per ordinationem in Capitulo promulgatam Communi Aerario applicata et reseruata fuerunt, et in compensationem praedictorum Jurium concessum fuerit, et permissum p(rae)fatis
Prioribus ultra quatuor ordinarias Cameras unam aliam Baiuliam seu Commendam cum accidit in eodem Prioratu ad collationem Prioris pertinentem accipere sibi quoque eandem
Baiuliam seruata stabilimentorum forma Capiendi facultatem, et licentiam impertimur. Committentes tibi circa curam, regimen et administrationem dicti Prioratus Camerarum, bono=
rumq(ue) et Jurium eius defensionem, recuperationem, et indemnitatem tam in agendo, quam in defendendo harum serie uices n(ost)ras. Quo circa uniuersis et singulis n(ost)ri Ordinis fratribus So=
roribus et donatis in uirtute S(an)c(t)ae obedientiae, ac hominibus Vassallis, et quibusuis alijs Nobis subditis in dicto Prioratu constitutis praesentibus et futuris sub Sacramento fidelitatis, et homagij,
quo nobis, et Religioni n(ost)rae sunt astricti praecipimus et mandamus, ut tibi tamquam eorum Superiori et priori reuerenter pareant, obediant, et intendant tibiq(ue) praebeant auxilium, Con=
silium et fauorem in omnibus concernentibus utilitatem dicti Prioratus quotiescunq(ue) opus fuerit, et eos duxeris requirendos, nec non uniuersis et singulis dictae Domus n(ost)rae fribus quacunq(ue)
auct(oritat)e, dignitate officioq(ue) fungentibus praesentibus, et futuris mandamus ne contra praesentes n(ost)ras l(itte)ras aliquatenus facere, uel uenire praesumant quinimo iuxta earum mentem studeant in=
uiolabiliter obseruare. Atque cuicunq(ue) fratri Ordinis n(ost)ri super hoc primitus requisito mandamus, ut te uel Procur(atorem) tuum in pacificam et quietam dicti Prioratus possessionem
inducat et inductum conseruet omni penitus contradictione remota. Amoto ab eadem quolibet alio si quis fuerit illicito detentore, quem Nos tenore praesentium amouemus, et decernimus fir=
miter amouendum. Inhibentes tibi in uirtute S(an)c(t)ae obedientiae, ac sub poenis stabilimentorum contrauenienti inflictis ne praetextu donationis n(ost)rae hu(m)modi aliquid uel aliqua de rebus bonis, Ju=
ribus, praedijs, locis, et quibuslibet Jurisdictionibus dicti Prioratus, Camerarumq(ue) et membror(um) eiusdem uendas, des, impignoras, permutes, distrahas, siue in Emphiteusim perpetuam aut
ad tempus concedas uel alio quouis modo extra Religionem n(ost)ram transferas, sine speciali licentia n(ost)ra Magistri Religionis, atq(ue) Capituli generalis pro tempore existentium et si (quod absit)
contra inhibitionem n(ost)ram hu(m)modi aliquid uel aliqua operari, et facere te contingat illud et illa ex nunc prout ex tunc cassamus, annullamus, et decernimus, irritum et inane nulliusq(ue)
penitus existere ualoris uel efficaciae. In cuius rei Testimonium Bulla n(ost)ra Communis plumbea praesentibus est appensa. Dat(um) Melitae in Conuentu n(ost)ro die Secunda Mensis Junij 1702

Reg(istra)ta in Cancell(ari)a

Fr(ater) Ferdinandus Collowrat Vicecancell(arius)