Frater Don Raymundus de Perellos et Rocafull
Dei gratia Sacre Domus Hospit(alis) S(an)cti Joa(nn)is Hieros(olimitani) et Militaris Ordinis S(an)cti Sepulchri Dominici Mag(iste)r humilis pauperumq(ue) Jesu X(rist)i Custos. Et Nos Conuentus Domus
eiusdem Ven(erabili) Religioso in Christo Nobis procharissimo fratri Ferdinando Leopoldo Baroni Dubski n(ost)re dicte Domus n(ost)ri Ven(erandi) Prioratus Bohemie Militi Sal(ute)m in D(omi)no
sempiternam. Rationi consonum est generosos Ordinis nostri Milites quos insignis morum uita commendat probitas uirtutes exornant amplissime conspicuaque rerum pro catholica
fidei tuitione preclare gestarum gloria celebrat ad excelsos honorum et dignitatum n(ost)ri Ordinis gradus promoueri, ut condignis meritorum premijs susceptis propensiores in dies red=
dantur ad meliora amplioraque solerti studio promerenda et alij huiusmodi exemplo ad bene agendum feruentius animentur. Egregiam itaq(ue) tua(m) prudentia(m) existimationem
multiplicium rerum experientiam ac preclara(m) animi tui dotes animaduertentes Baiuliuatum nostrum Conuentualem Ven(erande) Lingue Alemanie per renuntiationem Religiosi in
Christo Nobis charissimi fr(atr)is Bernardi Ernesti Baronis de Reede ad Prioratum Dacie promoti ultimi legitimi dicti Magni Baiuliuatus Baiuliui et possessoris siue hoc
siue alio quouis modo, aut ex alterius cuiuscumque persona quomodocumque et qualitercumque uacantem presentialiter, et ad nostram collationem nomi=
nationem, prouisionem, preeminentiam, prerogatiuam, ordinationem, electionem ac pariter omnimodam dispositionem spec=
tantem, pertinentem et attinentem ac quomodocumq(ue) deuolutum dictum Magnum Baiuliuatum Conuentualem Alemanie, cum omnibus et singulis Juribus pre=
rogatiuis emolumentis antelationibus honoribus et oneribus ad eum spectantibus et pertinentibus, seu spectare et pertinere debentibus quoquomodo, locum quibus illum
p(re)fat(us) Ven(erabilis) frater Bernardus Ernestus Baro de Reede, ceterique Ordinis n(ost)ri fratres habuerunt, tenuerunt, et possederunt, seu habere, tenere, et possidere quomodol(ibe)t
debuerunt, habendum tenendum regendum et administrandum, Inuicem maturo et deliberato Consilio de n(ost)ra certa scientia harum serie tibi tamquam antiano,
capaci, et optime merito conferimus, Teque in Magnum Baiuliuum Conuentualem Ordinis n(ost)ri eligimus, et assumimus ipsiusq(ue) Ordinis Proceribus, et Consiliarijs cum uoce
actiua et passiua in nostris Capitulis tam generalibus, quam Prouincialibus in Concilijs n(ost)ri Conuentus prerogatiua sedendi et loquendi pro ueteri, et obseruata consue=
tudine aggregamus. Committentes tibi circa curam regimen et administrationem omnium rerum, que ad dictum Magni Baiuliui officium spectant totaliter uices
nostras. Quocirca vniuersis et singulis dicte Domus nostre fratribus quacunque auctoritate, dignitate, officioq(ue) fungentibus, precipimus, et mandamus, ut te pro
Magno Baiuliuo habentes, ne contra presentes nostras assumptionis electionis, et donationis litteras aliquatenus facere uel uenire presumant, sed eas studeant inuio=
labiliter obseruare. In Cuius rei Testimonium Bulla n(ost)ra Communis plumbea presentibus est appensa. Datum Melite in Conuentu n(ost)ro Die Vigesima Mensis Septembris
Millesimo, Septingentesimo secundo. /
F(rater) Luyartem de Pan Canceller
Reg(istrata) in Cancell(ari)a
F(rater) Ferdinandus Controua Vicecancell(arius)