Frater Don Raymundus de Perellos, et Rocafull
Dei gratia Sacrae Domus Hospitalis Sancti Joannis Hieros(olimitani) et Militaris Ordinis Sancti Sepulchri Dominici Magister humilis, pauperumque Jesu Christi Custos: Et Nos Conuentus
Domus eiusdem Venerando Religioso in Christo nobis praecharissimo fratri Carolo Leopoldo Comiti de Herberstein Ordinis n(ost)ri Magno Baiuliuo, ac Commendarum nostrarum de Losen, de Tropau
de Fussenfeld, et de Meilberg Prioratus nostri Bohemia Commendatario Salutem in Domino Sempiternam. Eximia insignium uirtutum tuarum merita, militaris fortitudo, tuaque Singularis pru:
dentia, ac rerum experientia, ac praeclara animi tui dotes, quibus praeditus existis, et apud nos, nostrumque Ordinem summopere commendaris, nec non laudabilia, proficuaque obsequia
per Te Nobis Religionique nostrae in quamplurimis tibi datis munijs summa cum fidei probitate, Singularique prudentia, exactissimaque diligentia praestita, et ea potissimum, quae post
obtenta priuilegia obsequij bene, ac laudabiliter cum ingenti tui nominis laude, nostrique Ordinis utilitate, et gloria facta, per duo Capitaneatus binarum Triremium Religionis nostrae, uerum
etiam Generalis Praefectura dictarum Triremium per integrum biennium nullis parcendo propriae personae laboribus, tuaque uitae discriminibus, et sumptibus cum maxima tua laude
praestitisti, quaeque in dies non minori diligentia, quam integritate praestare non desinis, nos hortantur, ut ea tibi concedamus, quibus tutius, et commodius ad maiores gradus, et honorificas di:
gnitates, et redditus ascendere possis et ualeas. Sane Reuerendi sexdecim Capitulares in nostro Sacro generali Capitulo anno 1597. ab Incarnatione celebrato inter alia infrascriptam Sanxe:
runt, et publicari fecerunt Ordinationem, illamque in subsequentibus, et ultimo nostro Generali Capitulo confirmauerunt, et declarauerunt in hunc qui sequitur modum. Item hann' ordinato
e Statuito, che tutti quelli che faranno Stati Generali, e Capitani delle Galere, et haueranno finiti li loro carichi di doi anni compiti, se faranno stati approbati, e giudicati dal Maestro, e Consiglio
di hauerli ben esercitati, Eui Gran Maestro, e Consiglio in uirtu Capituli Generali: possino dar il decreto, e priuilegio di poter conseguire, ancorche si trouino fuori di Conuento qualsiuoglia
Dignita Commende di Cabimento, miglioramento, e gratia Magistrale, officio, e beneficio, pensioni, et esser tractati, e priuilegiati, ne piu, ne meno come se si trouassero sempre presenti in Con:
uento. Dichiarando pero che l'approbatione da farsi in Consiglio sia Solamente con lo scrutinio delle Palle senza dichiararsi in uoce, e che il detto priuileggio non suffraghi loro, ne facci
capace ad altro, che alle cauane in tutto, o in parte, che li mancassero, e per assenza di Conuento, ma non in quanto alla residenza cosi decennale, come quinquennale si di Conuento, come
delle Commende, la qual percio potra fornire tanto in Conuento, quanto fuori di esso. Nobisque propterea humiliter supplicari feceris, ut ita te porrigere declarare mandaremus, ac in tui
fauorem omnes gratias, et priuilegia iuxta suprainsertam Ordinationem Capitularem super hoc conditam decerni, et denuo tibi concedi dignaremur. Nos itaque praemissorum meritorum intui:
tu, et contemplatione Suasi, Teque Specialibus fauoribus, et gratijs prosequi uolentes huiusmodi Supplicationibus inclinati. Adhaerentes auctoritati, et facultati per Supradictam Ordinationem
Capitularem nobis attributa. In uicem maturo, et deliberato Consilio de nostra certa Scientia, nemine discrepante, omnique meliori uia, modo, Jure, et forma, quibus melius, et ualidius facere
possumus, et debemus, tenore praesentium Te Ven(erandum) Magnum Baiuliuum Frem Carolum Leopoldum Comitem ab Herberstein de Nobis Religioneque nostra, quam optime meritum bene, laudabili:
ter, et strenue, ac non minus, quam in alijs gloriose in praefata Triremium ipsius Ordinis nostri Generali Praefectura per biennium integrum gessisse declaramus; Ideo Tibi auctoritatem, facul:
tatem, ac omnimodam potestatem damus, et de nouo concedimus consequendi, et adipiscendi tamin Conuentu nostro, quam extra Conuentum ipsum, et in partibus Occiduis, quamcunque aliam
Dignitatem Magna Crucis, Videlicet Prioratuum Bohemia, et Hungaria iuxta turnum tuae antianitatis, Statusque nostri, et laudabiles Ordinis nostri consuetudines ad te spectantem, uel quam
quam uigore Statuti quinti de Electionibus duxeris acceptandam, quandocunque uacare contigerit, uel si de praesenti uacet per cessum, uel decessum, seu aliam quamlibet dimissionem illorum
qui Prioratus huiusmodi habent, et possident, seu tunc temporis habebunt, et possidebunt, quorum nomina, et cognomina hic pro sufficienter expressis haberi uolumus, nec non Commendas pro
melioramento, ex gratia magistrali, ac quacunque alia Officia, et beneficia ad te quomodocunque pertinentia, et in futurum pertinere debentia, prout si personaliter in eodem Conuentu
resideres. Dummodo tamen in reliquis iuxta formam dictorum Statutorum capax existas; Atque insuper iuxta declarationem huiusmodi nostri priuilegij per decretum a nostro Con:
cilio die 19. Decembris 1604. emanatum decernimus quod quinquennali residentia in Commendis facienda ex priuilegio praedicto frui et gaudere debeas, ac si personaliter in eisdem resi:
deres. In uim cuiusquidem facultatis auctis, et potestatis casu uacationis, ut praemittitur, contingentis possis et ualeas per te siue per tuos legitimos Procuratores / Dimissis prius, et
resignatis quibuscumque, quae secundum formam Statutorum nostrorum, una cum Dignitate tenere non poteris / Sumere, habere, consequi, atque autoritate praedicta in ipsius posses:
sionem pacificam, et quietam intrare, et adipisci; Saluis tamen, et reseruatis quibuscumque Juribus nostri Communis aerarij impositis, et imponendis, proloque mortuario, et uacante,
nulloque praeiudicio ipsi aerario quoquomodo per praesentes generato: Praecipientes Vniuersis et Singulis dictae Domus nostrae fratribus, quacunque auctoritate, dignitate, officioque
fungentibus, praesentibus et futuris, in uirtute Sanctae obedientiae, ne contra praesentes nostras literas aliquatenus facere, uel uenire praesumant, Sed eas studeant inuiolabiliter obseruare. In
Cuius Rei Testimonium Bulla nostra Magistralis plumbea praesentibus est appensa. Dat(um) Melitae in Conuentu nostro die decima octaua Mensis Maij Anno ab Incarnatione Domini
Millesimo Septingentesimo Octauo.
Reg(istra)ta in Cancell(ari)a
fr(ater) D(on) Ferdinandus Contreras Vicecancell(arius)