Frater Don Raymundus de Perellos et Rocafull
Dei gratia Sacrae Domus Hospitalis S(ancti) Joannis Hierosolymitani Militiae Ordinis S(ancti) Sepulchri Dominici Magister humilis pauperumque Jesu Christi Custos Ad Nos Comendatorem Domus Nostrae
in Christo Nobis Charissimo fratri Gundacaro Poppo Comiti de Dietrichstein nostrae dictae Domus Ven(erabilis) Prioratus nostri Bohemiae Militi salutem in D(omi)no sempiternam. Morum et vitae ho=
nestas multiplicesque animi tui dotes, nec non laudabilia obsequia per te religioni nostrae praestita et quae in futurum te praestiturum confidimus promerentur, ut te ad commoda, honorumq(ue) Ordi=
nis nostri regimina promoveamus, Vacantem itaque, seu Comendam nostram de Brin et Kracowitz eiusdem Prioratus Bohemiae per renunciationem Religioni in Christo Nobis Charissimi fratris
Joannis Ferdinandi Comitis de Herberstein ad aliam Commendam pro suo melioramento promoti ultimum legitimum dictae Commendae de Brin et Kracowitz Commend(atorem) et possessoris, siue
hoc, siue alio quouismodo uacantem praesentialiter, et ad nostram collationem, donationem et omnimodam dispositionem spectantem et deuolutam cum omnibus et singulis suis membris, praedijs,
et pertinentijs uniuersis ad ipsam spectantibus, et pertinentibus, seu spectare, et pertinere debentibus quoquomodo, et cum quibus illam prius Commend(ator) fr(ater) Joannes Ferdinandus Comes de Herberstein
habuit, tenuit, et possedit, seu habere tenere, et possidere, quomodolibet debuit, habendam, tenendam, possidendam, regendam, augmentandam, et meliorandam in spiritualibus, et temporalibus
tam in capite, quam in membris sub Annua solutione Jurium, et quorumcumque onerum Communis Aerarij Ordinis nostri impositorum, et imponendorum, secundum communem cursum aliorum
Baiuliorum, seu Comendarum dicti Prioratus in Capitulo Prouinciali Prioratus eiusdem, uel in festo S(ancti) Joa(nn)is Bapt(ist)ae de Mense Junij per te annis singulis infallibiliter exoluendorum. Sal=
uo, et reseruato Jure Mortuarij, et Vacantis. Alias in defectu solutionis huiusmodi secundum seriem, et tenorem stabilimentorum Ordinationum, Consuetudinum et commissionum Capi=
tulorum generalium super solutione Jurium Aerarij eiusdem editarum, et promulgatarum de dicta Comenda expresse praecipimus prouideri collatione huiusmodi de dicta Comenda tibi facta
in aliquo non obstante. Jnuicem maturo, et deliberato Consilio de nostra certa scientia, tenore praesentium ad annos decem continuos, et completos, et ultra ad nostrum beneplacitum, Tibi pro tuo stabi=
mento conferimus, concedimus, et donamus, benefaciendo in eadem, Teque Comend(atorem) in illa constituimus, et ordinamus. Committentes tibi circa curam, regimen, et administrationem, ac omnimodam
dictae Commendae bonorumque, et Jurium eius defensionem, et recuperationem tam in agendo, quam defendendo harum serie uices nostras. Quo circa Vniuersis et singulis fratribus, sororib(us)
et donatis, in uirtute S(anct)ae obedientiae, ac hominibus, vassallis, et quibusuis alijs Nobis subditis in dicta Comenda constitutis praesentibus et futuris sub sacramento fidelitatis, et homagij quo
Nobis, et Religioni nostrae sunt astricti praecipimus, et mandamus, ut tibi tanquam eorum superiori, et Commend(atori) reuerenter pareant, obediant, et intendant; Tibique praebeant auxilium, con=
silium, et fauorem in omnibus concernentibus utilitatem dictae Commendae, quotiescunque opus fuerit, et eos duxeris requirendos. Nec non Vniuersis et singulis dictae Domus nostrae fra=
tribus quacunque auct(oritat)e, Dignitate, officioque fungentibus, praesentibus, et futuris, mandamus, ne contra praesentes nostras litteras aliquatenus facere, uel uenire praesumant quinimo iuxta earum
mentem studeant inuiolabiliter obseruare. Atque cuicunque fratri Ordinis nostri super hoc primum requisito mandamus, ut te uel procuratorem tuum in pacificam et quietam dictae Com=
mendae possessionem inducat, et inductum conseruet omni penitus contradictione remota. Amoto ab eadem quolibet illicito detentore, si quis fuerit, quem Nos tenore praesentium amouemus,
et decernimus firmiter amouendum. Jnhibentes tibi in uirtute S(anct)ae obedientiae, ac sub poenis in stabilimentorum contrafacienti inflictis ne praetextu donationis nostrae huiusmodi aliquid
uel aliqua de rebus bonis, Juribus, praedijs, locis, et quibuslibet Jurisdictionibus dictae Comendae uel membrorum eiusdem uendas, des, impigneres, permutes, dimittas, siue in emphyteusim
perpetuam, aut ad tempus concedas, sine speciali nostra licentia Magistri Religionis, atque Capituli generalis pro tempore existentium, et si (quod absit) contra inhibitionem nostram huiusmodi aliquid
uel aliqua operari, seu facere tentaueris illud et illa ex nunc prout ex tunc cassamus, annullamus, et decernimus irritum et inane, nulliusque penitus existere ualoris, uel efficaciae. Jn Cuius
rei Testimonium Bulla nostra Magistralis plumbea praesentibus est appensa. Dat(um) Melitae in Conuentu nostro Die prima Mensis Junij 1702.
Fr(ater) Jo(annes) Canciller
Reg(istrata) in Cancella(ria)
B(ar)t(ho)lomeus fr(ater) D(on) Ferd(inandus) Contreras Vicecanc(ellarius)