FRATER D. ANTONIUS MANOEL DE VILHENA,
DEI gratia Sacræ Domus Hospitalis Sancti Joannis Hierosolymitani, et Militaris Ordinis Sancti Sepulchri Domi(ni) Magister Humilis, pauperumque Jesu Christi Custos;
Et Nos Conuentus Domus eiusdem; Ven(erabili) Religioso in Xpo(Christo) nobis præcharissimo Fr(atr)i Gundaccaro Popponi Comiti de Dietrichstein
Ordinis n(ost)ri Baiuliuo, ac Commendatario nostrarum de Kleindtz, et Trustenfeldt Prioratus nostri Bohemiæ Commend(arum): salutem in D(omi)no sempiternam. Rationi consonum est, Generosos Ordinis
Milites, quos insignis morum, et vitæ commendat probitas, virtutes exornant amplissimæ, conspicuaque rerum pro catholica Fidei tuitione præclarè gestarum gloria celebrat, ad excelsos
honores, gradus, et dignitates euocare, ut condignis meritorum præmijs susceptis, et nonnullam perpessi laboris sentiant retributionem, et propensiores in dies reddantur ad maio=
ra, amplioraque solerti studio promerenda. Egregiam itaque tua præsentia existimationem, multipliciumque rerum experientiam, ac præclaras animi tui dotes, et laudabilia, eademq(ue)
diuturna obsequia per Te hactenus summa cum diligentia Ordini nostro præstita, et quæ in dies sedulò præstare non desinis animaduertentes, non immeritò inducimur ad ea tibi
concedendum, quæ promotioni tuæ personæ conuenire dignoscuntur: Resignatis itaque per Te in manibus nostris quibuscumque bonis, quæ unà cum infrascripto Prioratu retine=
re nequis, et per Nos, dicta resignatione suscepta, et admissa, si tamen, et aliter non cum infrascripti Prioratus possessionem pacificam, et quietam assecutus fueris. Retentis
nihilominus per Te supradictis duabus Commendis de Kleindtz, et Trustenfeldt gratia magistralis, et melioramenti titulis per Te de præsenti respectiuè possessis, vigore Indultoru(m)
apostolicorum aliàs ad hoc per Te obtentorum. Prioratum nostrum Bohemiæ per obitum Ven(erabilis) quondam Fr(atr)is Caroli Leopoldi Comitis de Herbestein ultimi legitimi dicti
Prioratus Bohemiæ Prioris, et possessoris, siue hoc, siue alio quouis modo vacantem præsentialiter, et ad nostram collationem, donationem, et electionem, ordinationem, et omnimodam
dispositionem spectantem, et deuolutum, Cum suis Cameris Prioralibus sibi assignatis, quas pro Cameris Tibi assignamus, Cum earum, et cuiuslibet ipsarum membris, prædijs, Juribus, et
pertinentijs uniuersis ad ipsum Prioratum, et prædictas Cameras, seu Commendas et quamlibet ipsarum spectantibus, ac cum omni onere, emolumento, honore, et quibuscumque
prærogatiuis per Stabilimenta, et laudabiles nostri Ordinis consuetudines Prioribus attributis, et concessis, et cum quibus eumdem Prioratum prædictus Ven(erabilis) quondam Fr(ater) Carolus
Leopoldus Comes de Herbestein, alijque Ordinis nostri Priores habuerunt, tenuerunt, et possederunt, seu habere, tenere, et possidere quomodolibet debuerunt, habendum, tenendum, possi=
dendum, regendum, gubernandum, et meliorandum in spiritualibus, et temporalibus tam in Capite, quam in membris; Sub annua solutione responsionum, et quorumcumque nostri
Communis Ærarij Jurium, et onerum impositorum, et quomodolibet in futurum imponendorum dictum Prioratum, eiusque Cameras pro rata parte tangentium per Te annis sin=
gulis in Capitulo Prou(incia)li Prioratus eiusdem, vel in festo S. Joannis Baptistæ de mense Junij in manibus Receptoris dicti Prioratus deputati vel deputandi infallibiliter exoluen=
dorum; Jnuicem maturo, et deliberato Consilio de nostra certa scientia, et speciali gratia ad annos decem continuos, et completos, et ultrà ad nostrum beneplacitum Tibi Ven(erabili) Fr(atr)i
Gundaccaro Popponi Comiti de Dietrichstein tamquam digno Capaci, et optimè merito conferimus, concedimus, et donamus, benefaciendo in eodem, Teque legitimu(m) et canonicu(m) Priore(m)
in d(icto) Prioratu eligimus, constituimus, et ordinamus; Saluo, et reseruato Jure mortuarij, et vacantijs; Saluis insuper, et reseruatis dicto nostro Magistro quibuscumque Ordinationib(us),
et præminentijs iam per fel: mem: fr(atr)em Raymundum Berengarium nostræ dictæ Domus Magistrum factis, et sibi reseruatis in Cap(itu)lo Gen(era)li anno Sexagesimo sexto apud Aui=
nionem celebrato, quàm per Stabilimenta, et laudabiles constitutiones eidem Magistro concessis: Retento, et reseruato ipsi Magistro, et futuris, ut si (quod absit) in solutione dictorum
Jurium, et onerum Communis Ærarij impositorum, et quauis causa, et ratione per Religionem imponendorum per Te statuto tempore facienda deficere contingat, quòd p(ræfa)tus Magister
et futuri cum consilio Procerum, et fratrum dictæ Domus possit liberè disponere, et ordinare de p(rædi)cto Prioratu secundum formam Stabilimentorum nostrorum, consuetudinum, et
Capitularium Constitutionum collatione de dicto Prioratu Tibi facta in aliquo non obstante. Quonus cum retroactis temporibus Priores nostræ dictæ Domus super bonis, et ar=
rentijs Commendatariorum in dies decrescentium haberent, et reciperent certa Jura, quæ per ordinationem in memorato Cap(itu)lo promulgatam Communi Ærario applicata, et reseruata
fuerunt, et in compensationem ipsorum Jurium concessum fuerit, et permissum ipsis Prioribus ultra quatuor ordinarias Cameras, unam aliam Baiuliuæ, seu Comm(en)d(æ) cum
vacabit in eodem Prioratu ad collationem Prioris pertinentem accipere, Tibi quoque eamdem Baiuliam seruata Stabilimentoru(m) forma, capiendi facultatem, et licentia(m) impartimur.
Committentes Tibi circa curam, regimen, et administrationem dicti Prioratus, Camerarum, bonorumque, et Jurium eius defensionem, recuperationem, et indemnitatem tam in
agendo, quàm defendendo, harum serie, vices nostras. Quocirca uniuersis, et singulis n(ost)ri Ordinis fratribus, sororibus, et Donatis in virtute S(an)ctæ obedientiæ, ac hominibus vassalis,
les, et quibusuis alijs nobis subditis in dicto Prioratu constitutis, paribus et futuris sub sacramento fidelitatis, et homagij, quo nobis, et Religioni nostræ sunt astricti præcipimus, et
mandamus, ut Tibi tamquam eorum Superiori, et Priori reuerenter pareant, seruiant, et intendant, Tibique præbeant auxilium, consilium, et fauorem in omnibus concer=
nentibus utilitatem dicti Prioratus quotiescumque opus fuerit, et eos duxeris requirendos: Necnon uniuersis, et singulis dictæ Domus nostræ fratribus quacumque auctorit(at)e,
dignitate, officioque fungentibus, paribus, et futuris mandamus, ne contra p(ræsen)tes nostras l(itte)ras aliquatenus facere, vel venire præsumant, quinimò iuxta earum mentem stu=
deant inuiolabiliter obseruare; Atque cuicumque Ordinis nostri fratri super hoc primitus requisito mandamus, ut Te, vel Procuratorem tuum in pacificam, et quietam dicti
Prioratus possessionem inducat, et inductum conseruet, omni penitus contradictione remota; Amoto ab eodem quolibet alio (siquis fuerit) illicito detentore, quem nos tenore
præsentium amouemus, et decernimus firmiter amouendum; Jnhibentes Tibi in virtute S(an)ctæ obedientiæ, ac sub pœna Stabilimentorum contrafacienti inflicta, ne prætextu dona=
tionis nostræ huiusmodi aliquid, vel aliqua de rebus, bonis, Juribus, prædijs, locis, et quibuslibet Jurisdictionibus dicti Prioratus, Camerarumque, et membrorum eiusdem vendas,
des, impignores, permutes, distrahas, siue in emphyteusim perpetuam, aut ad tempus concedas, vel alio quouis modo extra Religionem nostram transferas sine speciali licen=
tia nostra, et dicti n(ost)ri Conuentus, aut Cap(itu)li Generalis pro tempore existentium, et si (quod absit) contra inhibitionem nostram huiusmodi aliquid vel aliqua aliena=