Frater Emmanuel Pinto, Dei
gratia Sacrae Domus Hospitalis S(anc)ti Jo(ann)is Hieros(olymitani) et Militaris Ordinis S(anc)ti Sepulcri Dom(ini) Mag(iste)r humilis, Pauperumque Jesu Xpi Custos: Et nos Con(ven)tus Domus ejusdem. Ven(erabi)li Relig(ios)o in Xpo nobis
praecariss(im)o fr(atr)i Michaeli Ferdinando Comiti de Althann Bajulivatus n(ost)ri S(anc)ti Josephi Bajulivo, ac Comdarum n(ost)rarum de Maildelberg, et de Vienna P(riora)tus n(ost)ri Bohemiae Comd(ato)ri, salutem in D(omi)no sem=
piternam. Rationi consonum est generosos ord(inis) n(ost)ri fr(atr)es Milites eximiis virtutibus, conspicuisque moribus ornatos, quos merito consortio Comiliariorum d(icti) ord(inis) n(ost)ri aggregavimus, ad potiores honorum, et digni=
tatum gradus ejusdem Ordinis n(ost)ri promovere, ut condignis meritor(um) praemiis susceptis, et nonnullam perpessi laboris sentiant retributionem, et propensiores in dies reddantur ad majora, amplio=
raque solerti studio promerenda: Egregiam itaque tuae prudentiae existim(ationem), multiplicium rerum experientiam, ac praeclaras animi tui dotes, quibus insignitus dignosceris, et apud nos, totumque ordinem summopere
re commendatis, necnon laudabilia, ac diuturna obsequia per te Religioni n(ost)rae summa cum fidei probitate, singularique prudentia hactenus praestita, et quae in futurum sis praestiturus animadvertentes, non imme=
rito inducimur, ad ea tibi concedendum, quae promotioni tuae personae convenire dignoscuntur. Renunciatis itaque prius per Te, seu verius per tuos leg(itim)os Procr(ator)es in manibus n(ost)ris d(icti) Bajul(iva)tus S(anc)ti Josephi, aliisque
Bonis quibuscumque, quae cum infras(crip)to P(riora)tu retinere nequis, retenta nihilom(inus) d(icta) Comda de Vienna vigore disp(ensation)is, et habilit(ation)is alias per te in vim Gratiarum aplicatarum obtentae, Prioratum n(ost)rum Bohemiae per obitum
v(enerabilis) d(icti) q(uonda)m fr(atr)is Emmanuelis Comitis de Kollowrat ultimi leg(iti)mi d(icti) P(riora)tus Bohemiae Prioris, et Possessoris, sive hoc, sive alio quovis modo vacantem praesential(ite)r, et ad n(ost)ram collationem, don(ation)em, electionem, ordinationem ac omni=
modam disp(ositio)nem spectantem, et devolutum, cum suis Cameris Prioralibus seu Comdis sibi assignatis, quas pro Cameris tibi assignamus, cum o(mn)ibus, et singulis ejusdem, et earum, ac cujuslibet ipsarum membris, prae=
diis, juribus, et pertinentiis universis ad ipsum P(riora)tum, et p(rae)fatas Cameras, seu Comdas, et quamlibet ipsarum spectantibus, ac cum omni onere, emolumento, honore, et quibuscumque praerogativis per Stabilimenta,
et laudabiles n(ost)ri Ordinis Consuetudines Prioribus attributis, et concessis, et cum quibus illum d(ictum) q(uonda)m Ven(erabilem) fr(atrem) Emmanuel Comes de Kollowrat aliique Ordinis n(ost)ri Priores, habuerunt, tenuerunt, et
possederunt, seu habere, tenere, et possidere quomodol(ibe)t debuerunt, habendum, tenendum, possidendum, regendum, gubernandum et meliorandum in spiritualibus, et temporalibus tam in Capite
quam in Membris; sub annua solutione Responsionum, et quorumcumque n(ost)ri Co(mun)is aerarii Jurium, et onerum impositorum, et quomodol(ibe)t in futurum imponendorum, d(icti) Prioratus, ejusque Cameras
pro rata parte tangentium, per Te annis singulis in Cap(itu)lo Prov(incia)li d(icti)us ejusdem, vel in festo S(anc)ti Jo(ann)is Bapt(ist)ae de mense Junii in manibus Receptoris d(icti) P(riora)tus deputati vel deputandi infallibilit(er) exol=
vendorum: Invicem maturo, et deliberato consilio de n(ost)ra certa scia, et sp(ecia)li gratia ad annos decem continuos, et completos, et ultra ad n(ost)rum beneplacitum Tibi Ven(erabi)li fr(atr)i Michaeli Ferdinando
Comiti de Althann, tamquam digno, praeeminenti, capaci, et optime merito, conferimus, concedimus, et donamus, beneficiando in eodem, Teque leg(iti)mum, et canonicum Priorem in dicto
Prioratu eligimus, constituimus, et ordinamus: Salvo, et reservato Jure Mortuarii, et vacantiis, Salvis insuper, et retentis d(icti) n(ost)ro Magistro quibuscumque ordinibus, et praeeminentis, tam
per fel(icis) mem(oriae) fr(atr)em Raymundum Berengarium n(ost)rae d(ictae) Domus Magistrum factis, et sibi reservatis in Cap(itu)lo G(enera)li anno Millesimo trecentesimo sexagesimo sexto apud Avinionem celebrato,
quam per Stabilimenta, et Cap(itu)lares Const(ituti)ones eidem Magistro concessis; Retento etiam, et reservato ipsi Magistro, et futuris, ut si (quod absit)
te in solutione dictor(um) Jurium, et onerum Co(mun)is aerarii impositorum, et quavis causa, et ratione per Religionem imponendorum, per te statuto tempore facienda deficere con=
tingat, quod p(rae)fatus Magister, et futuri cum consilio Procerum, et Fratrum d(ictae) Domus, possit libere disponere, et ordinare de p(rae)d(ic)to Prioratu secundum formam Stabilimentor(um)
n(ost)rorum, consuetudinum, et Cap(itu)larium Const(ituti)onum, collatione de d(icto) Prioratu tibi facta in aliquo non obstante. Rursus, cum retroactis temporibus Priores n(ost)rae d(ictae) Domus
super bonis, et arnesiis Commendatariorum in dies decedentium, haberent, et reciperent certa jura, quae per ordinem in mem(ora)to Cap(itu)lo promulgatam Co(mun)i aerario applicata, et reser=
vata fuerunt, et in compensationem p(rae)torum Jurium concessum fuerit et permissum p(rae)fatis Prioribus ultra quatuor ordinarias Cameras unam aliam Bajuliam, seu Comdam
cum vacabit, in eodem Prioratu ad collationem Prioris spectantem, accipere, tibi quoque eamdem Bajuliam, servata Stabilimentorum forma, capiendi facultatem, et licen=
tiam impertimur. Committentes tibi circa curam, regimen, et administrationem d(icti) P(riora)tus, Camerarum, bonorumque, et jurium ejus defensionem, recuperationem, et indemnitatem tam in
agendo, quam defendendo harum serie vices nostras. Quocirca universis, et singulis n(ost)ri Ordinis fratribus, Sororibus, et Donatis in virtute S(anc)tae O(be)d(ienti)ae ac hominibus Vassallis, et quibuscumque
aliis nobis Subditis in d(icto) Prioratu constis p(rae)ntibus, et futuris sub Sacram(en)to fidelitatis, et homagii, quo nobis, et Religioni n(ost)rae sunt astricti, praecipimus, et mandamus, ut Tibi, tamquam eorum Superiori,
et Priori reverenter pareant, obediant, et intendant, tibique praebeant auxilium, consilium, et favorem in o(mn)ibus concernentibus utilitatem d(icti) P(riora)tus, quotiescumque opus fuerit, et eos duxeris requi=
rendos: Necnon universis, et singulis d(ictae) Domus n(ost)rae fr(atr)ibus quacumque auct(oritat)e, dignit(at)e, off(ici)oque fungentibus p(rae)ntibus, et futuris mandamus, ne contra p(rae)ntes n(ost)ras L(itte)ras aliquatenus facere, vel venire
praesumant, quinimmo juxta earum mentem studeant inviolabilit(er) observare. Atque cuicumque ord(inis) n(ost)ri fr(atr)i super hoc primitus requisi(t)o, mandamus, ut te, vel Procr(ator)em tuum in pacificam, et quietam d(icti) P(riora)tus
possem inducat, et inductum conservet, omni penitus contrad(ictio)ne remota; amoto ab eodem quolibet alio, si quis fuerit, illicito detentore, quem Nos tenore p(rae)ntium amovemus, et decernimus firmiter amovendum. Inhibentes
tibi in virtute S(anc)tae O(be)d(ienti)ae, ac sub poena Stabilimentorum contrafacienti inflicta, ne praetextu don(ation)is n(ost)rae hu(jus)m(od)i aliquid, vel aliqua de rebus, bonis, juribus, praediis, locis, et quibuslibet jurib(us) d(icti) P(riora)tus, Came=
rarumq(ue) et membrorum ejusdem vendas, des, impignores, permutes distrahas, sive in Emphim perpetuam, vel ad tempus concedas, aut alio quovis modo extra Religionem n(ost)ram transferas sine speciali
licentia n(ost)ri Mag(ist)ri, Religionis, atque Cap(itu)li G(enera)lis pro tempore existentium: Et si (quod absit) contra inhibitionem n(ost)ram hu(jus)m(od)i aliquid, vel aliqua operari, seu facere te contingat, illud, et illa ex
nunc, prout ex tunc cassamus, annullamus, et decernimus irritum, et inane, nulliusque penitus existere valoris, vel efficaciae. In cujus rei Testim(onium) Bulla n(ost)ra Co(mun)is plumbea p(rae)ntibus
est appensa. Datum Melitae in Con(ven)tu n(ost)ro die xvii. Mensis Aug(us)ti 1769.
El Lugart(enien)te del Gr(an) Cancil(ler)