180b
virtute Sanctae obedientiae, ac hominibus Vasallis, et quibuscunque
aliis Nobis subditis in dicto Prioratu constitutis praesentibus et futuris
sub Sacramento fidelitatis et homagii, quo Nobis et Religioni nostrae
sunt astricti, praecipimus, et mandamus, ut Tibi tanquam eorum
Superiori, et Priori reverenter pareant, obediant et intendant,
Tibique praebeant auxilium, Consilium et favorem in omnibus concer
nentibus utilitatem dicti Prioratus, quotiescunque opus fuerit,
et eos duxeris requirendos. Nec non universis et singulis dictae
Domus nostrae fratribus quacunque auctoritate, dignitate, officioque
fungentibus, praesentibus et futuris, mandamus, ne contra praesentes
nostras Literas aliquatenus facere, vel venire praesumant, quinimo
juxta earum mentem studeant inviolabiliter observare. Atque
cuicunque Ordinis nostri Fratri super hoc primitus requisito man
damus, ut Te, vel Procuratorem tuum in pacificam et quietam
dicti Prioratus possessionem inducat, et inductum conservet, omni
penitus contradictione remota: Ammoto ab eodem quolibet alio,
si quis fuerit, illicito detentore, quem Nos tenore praesentium amo
vemus, et decernimus firmiter amovendum. Inhibentes Tibi in
virtute Sanctae obedientiae, ac sub poena Stabilimentorum contrafa
cienti inflicta, ne praetextu Donationis nostrae hujusmodi aliquid,
vel aliqua de rebus, bonis, juribus, praediis, locis et quibuslibet ju
risdictionibus dicti Prioratus, Camerarumque, et Membrorum ejusdem
vendas, des, impignores, permutes, distrahas, sive in emphyteusim
perpetuam, vel ad tempus concedas, aut alio quovis modo extra Religio
nem nostram transferas sine speciali nostra licentia, nostri Magistri
Religionis, atque Capituli Generalis pro tempore existentium; Et si /
quod absit / contra inhibitionem nostram aliquid, vel aliqua operari,
seu facere te contingat, illud et illa ex nunc pro tunc cassamus, an
nullamus, et decernimus irritum et inane, nulliusque penitus existere
valoris et efficaciae. In cujus rei Testimonium Bulla nostra Comunis
plumbea praesentibus est appensa. Dat(um) Melitae in Conventu nostro
die 3. Mensis Julii 1789.
Et quia ita se habet veritas: Ideo in hujus rei Testimonium Bulla nostra Ma
gistralis in cera nigra praesentibus est impressa. Dat(um) Melitae in Conventu nostro
Die, Mense, et Anno supradictis. L. S.
Registrata in Cancellaria
Bajulivus Fr(ater) Ludov(icus) d'Almeyda Portugal Vice Cancellarius