Sacrae Domus Hospitalis Sancti Joannis Hierosolymitani, et Militaris Ordinis Sancti Sepulcri Dominici humilis Magisterii Locumtenens.
Religioso in Christo Nobis praecarissimo Venerando Bajulivo fratri Francisco Salesio de Khevenhüller Metsch nostrae Venerandae Linguae Alemanniae, et Prioratus
Bohemiae Militi, ac Commendae Sancti Joannis a Vienna Commendatario salutem in Domino sempiternam.
Praeclara virtutum tuarum merita, multiplicesque animi tui dotes, et laudabilia obsequia per te multis abhinc annis summa cum fidei probitate, singularique prudentia Ordini Nostro
praestita, et quae in futurum te praestiturum confidimus, promerentur ut te ad excelsos gradus, et majora commoda amplioraque regimina Ordinis Nostri promoveamus. Bajulivatum seu Commendam
Nostram Capitularem Sancti Josephi in Doschutz per obitum Vendi Bajulivi fratris Francisci Antonii de Wrzan ultimi legitimi dicti Bajulivatus, seu Commendae Nostrae Capitularis Prioris
sive Bajulivi et possessoris, sive hoc, sive alio quovis modo, aut ex alterius cujuscumque persona vacantem praesentialiter et ad nostram collationem, electionem, donationem, et omnimodam dispositi
onem spectantem, et devolutam cum omnibus, et singulis praerogativis, antelationibus, praeminentiis, honoribus, et oneribus, membrisque, et praediis, ac aliis suis juribus, et pertinentiis ad eumdem Bajulivatum
spectantibus, et pertinentibus, seu spectare et pertinere debentibus, quoquomodo, et eam quibus illum dictus Vendus Bajulivus frater Franciscus Antonius Wrzan habuit, tenuit, possedit, sive habere
tenere, et possidere quomodolibet debuit, habendum, tenendum, possidendum, regendum, augmentandum, et meliorandum in spiritualibus, et temporalibus, tam in capite, quam in membris, sub annua
solutione jurium, et quorumcumque onerum communis Aerarii Ordinis nostri impositorum, et imponendorum, secundum communem cursum aliarum Bajulivatuum seu Commendarum Prioratus
Nostri Bohemiae in Capitulo Provinciali Prioratus ejusdem, vel in festo Sancti Joannis Bapt(ist)ae de mense Junii per te annis singulis infallibiliter exolvendorum, salvo etiam et reservato jure
Mortuaria et vacantiis: alias in defectu solutionis hujusmodi, secundum seriem, et tenorem stabilimentorum Ordinationum Consuetudinum, et constitutionum Capitulorum Generalium super
solutione jurium aerarii ejusdem editarum, et promulgatarum de dicto Bajulivatu seu Commenda Nostra Capitulari expresse praecipimus provideri, collatione hujusmodi de dicto Bajulivatu
seu Commenda Nostra Capitulari tibi facta in aliquo non obstante. Invicem maturo, et deliberato consilio, de nostra certa scientia, et speciali gratia ad annos decem continuos, et completos, et
ultra ad nostrum beneplacitum tibi tamquam praeminenti, digno, capaci, et optime merito conferimus, concedimus, et donamus, beneficiando in eodem. Dantes tibi in nostro Vend(erand)o Concilio, et Capi
tulo Generali cunctisque nostri Ordinis sessionibus locum dicto Bajulivatui congruentem. Committentes tibi circa curam, regimen, et administrationem, ac omnimodam dicti Bajulivatus
bonorumque, et jurium ejus defensionem, et recuperationem tam in agendo, quam defendendo, totaliter vices nostras: quocirca universis, et singulis fratribus, sororibus, et Donatis in virtute sanctae
obedientiae, ac hominibus Vassallis, et quibusvis aliis Nobis subditis in dicto Bajulivatu constitutis, praesentibus, et futuris sub sacramento fidelitatis, et homagii, quo Nobis, et Religioni Nostrae
sunt adstricti, praecipimus, et mandamus, ut tibi tamquam eorum superiori, et Bajulivo reverenter pareant, obediant, et intendant, tibique praebeant auxilium, consilium, et favorem in omnibus
concernentibus utilitatem dicti Bajulivatus, quotiescumque opus fuerit, et eos duxeris requirendos. Nec non universis, et singulis dictae Domus Nostrae fratribus quacumque auctoritate
dignitate, officioque fungentibus, praesentibus, et futuris mandamus, ne contra praesentes Nostras Literas aliquatenus facere, vel venire praesumant, quinimo juxta earum mentem studeant
inviolabiliter observare; Atque cuicumque fratri Ordinis Nostri super hoc primitus requisito mandamus, ut Te vel procuratorem tuum in pacificam, et quietam dicti Bajulivatus possessionem
inducat, et inductum conservet. Amoto ab eodem quolibet illicito detentore (si quis fuerit) quem nos tenore praesentium amovemus, et decernimus firmiter amovendum. Inhibentes tibi in virtute
sanctae obedientiae, ac sub poena stabilimentorum contrafacienti inflicta, ne praetextu donationis nostrae hujusmodi aliquid, vel aliqua de rebus, bonis, juribus, praediis, locis, et quibuslibet jurisdic
tionibus dicti Bajulivatus, vel membrorum ejusdem vendas, des, impignores, permutes, distrahas, sive in emphiteusim perpetuam, aut ad tempus concedas sine speciali nostra licentia,
Religionis, atque Capituli Generalis pro tempore existentium; Et si (quod absit) contra inhibitionem nostram hujusmodi aliquid, vel aliqua operari, seu facere te contingat, illud, et illa ex nunc pro
ut ex tunc, cassamus, annullamus, et decernimus irritum, et inane, nulliusque penitus existere valoris, vel efficaciae.
In cujus rei testimonium Bulla Nostra communis plumbea praesentibus est appensa. Datum Romae in Conventu Nostro die Vigesimaoctava Mensis Aprilis Anno Millesi
moctingentesimoquadragesimosecundo 1842.
Commend(ator) Frater Thomas de Aquino
Reg(istrata) in Cancell(aria) Num(ero) Repert(orii) 2549
Donatus Xaverius Camilleri Cancell(ariae) Secr(etarius) f(ec)it