Clemens ep(iscopu)s seruus seruor(um) dei. Dilectis filijs Nobilibus uiris uniuersis Comitibus et Baronibus per Regnum Boemie constitutis Sal(u)t(em) et
ap(osto)licam ben(edictionem). Nuper in generali Concilio per nos uienne auctore domino celebrato post longam deliberac(i)o(n)em p(re)habita(m) et maturam acceptabilius fore altissi
mo magis honorabile fidei orthodoxe cultorib(us) ac subuencioni terre sancte utilius bona quondam domus et ordinis milicie Templi ordini hospitalis sancti Joh(ann)is
Jerosolimitan(i) co(n)cedere qua(m) ordini de nouo creando unire aut eciam applicare consilium deliberacionis n(ost)re prouidit sed quia tunc aliquib(us) asserentib(us) utilius fore bona ip(s)a
ordini nouiter creando conferre quam dicto hospitalis ordini applicare tunc n(oste)r affectus speratum effectum super hoc obtinere nequiuit. Tandem uero sic per dei gr(aci)am
actum fore dinoscitur q(uo)d iij Non(as) presentis mensis maij eodem sacro approbante Concilio Hospitali seu ip(s)ius hospitalis ordini suprad(ic)t(o) prefata bona co(n)cedenda et applica
da duxim(us) ac eciam unienda bonis eidem ordinis milicie Templi in Regnis et Terris Carissimor(um) in xp(ist)o filior(um) n(ost)ror(um) .. Castelle .. Aragonu(m) .. portugalie et .. maionicar(um)
Regum Jllustriu(m) extra Regnum francie consisten(tibus) dumtaxat exceptis que ab unione co(n)cessione et applicacione hui(us)modi ex certis causis excipienda duxim(us) et eciam excludenda
ip(s)a disposicioni n(ost)re et sedis ap(osto)lice specialiter reseruantes quousq(ue) de illis aliter pro dicte terre subsidio per n(ost)ram et dicte sedis prouidencia(m) extiterit ordinatum. Quare Nobili
tatem u(est)ram rogamus et hortamur attentius quatinus pro reuerencia Saluatoris cuius in hac parte negociu(m) promouet(ur) ac dicte sedis et n(ost)ra .. mag(ist)ro et fratrib(us) seu
priorib(us) et preceptorib(us) hospitalis eidem in terris u(est)ris constitutis et eor(um) singulis seu procuratori uel procuratorib(us) eor(un)dem q(uo)d predicta bona in eisdem Terris consisten
tia iuxta predicte n(ost)re co(n)cessionis tenorem integre et pacifice assequi ualeant et habere u(est)ri fauoris inpendatis auxilium prout extiterit oportunum et eis circa nanciscendam
habendam et retinendam possessione(m) bonor(um) ip(s)or(um) ac alias executorib(us) super execucione hui(us)modi co(n)cessionis n(ost)re deputatis et inposteru(m) deputandis super eadem execucione assistatis
efficaciter et feruenter. Sic igit(ur) in premissis uos promptos et paratos exhibeatis q(uo)d preter retribucionis eterne premiu(m) quod inde merebimini uobis laudis humane cumulus augeat(ur)
Nosq(ue) nobilitatem u(est)ram dignis co(m)mendare laudib(us) in d(omi)no ualeamus. Volumus aute(m) q(uo)d presentes litteras uobis presentatis et ostensis eisdem ear(um) latori restituatis omnino ut
alijs de quib(us) expedierit ualeant presentari. Dat(um) Liuron(i) Valen(tin)e dioc(esis) xvij k(a)l(endas) Junij pontificatus n(ost)ri Anno Septimo :~