FRATER Antonius de Paula, Dei Gra(ti)a, Sacræ Dom(us) Hospitalis, Sancti Joannis Hiero(solimitani) et
Militaris Ordinis, s(anc)ti Sepulchri Dominici MAGISTER humilis pauperumq(ue) Jesu Christi Custos: Religioso
in X(pist)o nobis Charissimo Fr(atr)i Nicolao Carolo, Libero Baroni de Gaschin et Rosenberg Commendarum n(ost)rarum de
Fürstenfeld, Mäydelberg et Striga, Prioratus n(ost)ri Boëmiæ Comm(endata)rio ac pro n(ost)ro Communi Ærario, in eodem
Prioratu Receptori, Salutem in D(omi)no, et diligentiam in comissis! Serie p(ræse)ntium Tibi significam(us) qualiter
comparuit coram nobis, n(ost)roq(ue) Ven(erabili) Concilio, Procurator Causarum p(ræfa)ti n(ost)ri Ærarij, et instanter petijt citari Religi=
osum in X(pist)o nobis Charissimum Fratrem Ladislaum Zedlitz, Commendæ n(ost)ræ Viennæ p(ræfa)ti Priorat(us) Comendarium
ad comparendum personaliter in Conventu n(ost)ro, rationes et computa de administratis et gestis per eum in Receptoriæ
munere, quo in eodem Prioratu, pro dicto Ærario, functus est, redditurus. Propterea Jndemnitati p(ræfa)ti n(ost)ri
Ærarij prospicere volentes, cum delibera(ti)one dicti n(ost)ri Ven(erabilis) Concilij, tenore p(ræse)ntium tibi committimus et mandamus,
ut visis p(ræse)ntibus statim cites et moneas, ac citari moneriq(ue) facias, eundem fratrem Ladislaum Zedlitz, quatenus
in termino novem mensium, à die Jntimationis p(ræse)ntium in anteà enumerandorum; quos pro primo, ultimo et p(erem)ptorio
termino ei assignamus, compareat, et personal(ite)r hic in dicto Conventu n(ost)ro Melitæ comparuisse debeat, rationes et
computa administrationis h(uius)mo(d)i Receptoriæ, quæ hactenus (prout ex officio tenebatur) transmittere distulit,
redditurus. Alias eo termino elapso, dictoq(ue) fr(atr)e Ladislao personal(ite)r (ut p(ræ)fertur) non comparente,
procedemus contra eum, procediq(ue) faciamus ad declarationem poenarum, per Statuta n(ost)ra Aplicat(a) Inulta,
contra inobedientes, et Mandatis suorum Superiorum rebelles inflictas, usq(ue) ad privationem habitus, et Commendæ
prædictæ, quam possidet, sua contumacia in aliquo non obstante. Decernentes insuper p(ræ)missa deliberatione
Ven(erandi) Concilij, ut p(ræ)f(a)ta Commenda illiusq(ue) fructus et redditus penes te sequestrati remaneant, prout sequestrari, et per
TE, seu Personam tibi benevisam interea administrari mandam(us), donec aliter per nos, idemq(ue) Concilium provisum
fuerit. Taliter ig(itu)r in præmissis te geras, ut tua apud nos mereatur commendari sedulitas. In cujus rei
Testimonium Bulla n(ost)ra Magistralis in Cera nigra p(ræse)ntibus est impressa. Datum Melitæ in Conventu
nostro, Die ultima Mensis Januarij, Millesimo, Sexcentesimo, vigesimo nono ab Incarnatione
Visa
in Cancell(ari)a
Fr(ater) Jo(annes) Franc(iscus) Habela Vice Cancell(ariu)s.