Hanns theschentz eschacz Richter zunname der stat Schopczk vnd wir geswornne
scheppen Jacobus gertler paulus augstyn Hanns stembach peter peschalck Hanns stembach
michel seidel vnd Cristoff Langner Bekenne das vor vns jngeschritten ding
Jacob scholcz bekante das er recht vnd redlich vff einen widerkauff eyn halbe
marck Jerlicher zinses vmb funff marck gutter ganghafftig(er) moncze werr der
Lande vff seyn haus zunegst Jorgen hubinernn vnd vier gertman darczu vff sey
erbesinde zunegst Bernhart brutschn vnd jorg fuxen geleg(en) den mwnczherrn
der ordins sanct Johannis Jherosolimitani eyn ire quitancia vmb glagte en
sulchen zins vff Jacobi eynen f(er)d zugebin nestkomende ancuheben vnd vff
purificacionis marie eynen ferding vnd alzo fortann vnd ap das nicht geschege
so sal der erbrecht die zcut gemelttenn herrn zu dem hauße vnd obgenantte gutten
pfandes helffen laissen sulchs pfand versetzen ader verkauffen vor den vorfessen
zins sam alle recht dinglich domit ergangen wern vnd wen Jacob scholcz ader
der seynne sulchen zynns losen wollen mogen sie thuen mit funff marcken
obgedochter genger moncze mit mitirnissung vorfessener zinsse erlossen sal em
vorgunt werdn In Crczugnisse beczalt diesen brieff zu orkunt gebin freitag
noch exaudi Anno dom(ini) M^o v^c Tredecimo