Ich heyncze Czenker Czißbencz czu Clodkunge dorf Bekenne offinleich mit disem brife allen den die yn seen adir horen lesin das ich mit gutir vornunft vnd mit wolbedach
tim mute vnd mit rate meyner frunde recht vnd redlichin czu eynen ewigin kowffe vorkawft habe vnd vorkawffe deme Erwirdigen geystlichin herrn hern Niclassen glweppil
Statheldir in polan compturor vnd pfarner nunt czu Lemberg vnd deme ganczin conuent der crwciger do selbist sente Iohannis ordins von Iherusalem vnd allen
nochkomenden compturor des selbin hawses czu Lemberg vmb dreysig mark grossen bemischer muncze polnischer czal die her mich recht vnd redlichin bezalt hat
die ich ouch czu meynen nucz vnd fromen gekart hab meyne halbe weze genant die Tumbweze in siben endin gelegin mit aller friheit der gewissheit vnd czugehorin
czu ewiglichin die entwan Niczin kelbichins gewest ist vnd doren eynen frien weg abe vnd do czukomen vngehindirt vor alle mane gleich die egenante halbe weze
czu haben vnd czu besiczen ewiglichin vnd nymerme von dem hawze do selbist czu Lemberg abe czukomen czu eynem ewigin vnd vnwedirrufflichin selegente vnd ab do
Bischofschaft adir die howptlewte adir die howptrichtir do vczint seyn vnd yn vnbewisungin getun werdin den vorbenanten hern Niclas glweppil compturor vnd pfarner
adir die nochkomenden compturor noch ym an vordern sprechin von der leen wegin die ich ym getun habe vnd steheit der obgenante halben weze so gloube ich vorge
nantir heyncze Czenker vnd alle meyne rechtin erbin vnd nochkomelingen Ihe des czu vorantwurtin vnd czu vortretin vnd ouch czu entwerin is trete an hoch adir nedir
an alle wedirrede yn guten truwen vnd alle argelist Ouch merklichin Ich vorbenantir heyncze das selegereite cristlichin begriffen vnd gereth habe das der
compturor vorbenantir herr Niclas glweppil vnd alle nochkomende compturor noch ym sullen gebin der samnunge der bruder vnd swestir do selbist czu
ir pitancien eyne halbe mark grossin Ierlichs vnd ewigis czinses uff sente Walpurgis tag sonne sie ir gerin sullen begin vnd singen des obindis vigilie
mit newen lecczin vnd eyne vnversawmpte selemesse des morgins dornoch meynen eldirn vatir vnde mutir vnd allen den meynen selen czu troste vnd czu
hulfe czu ewiglichin czu tun vnd czu haldin vnd nicht vorswimen nu vnd ewiglichin als mir her Niclas glweppil oftbenantir compturor des seynen brief
mit huffen vnd rate allir seyner bruder gegebin hat das diser kauff vnd friheit vnd alles das da obingeschrebin stet yn disem kegenwortigem brife von mir
heyncze vnd von allen meyne erbin vnd nochkomelingen ewiglichin gehalden werde an alle wedirrede vnd an alles arg des habe ich heyncze Czenker meyn
Ingesigel an dysen brief losen hengen der do gegebin ist czu Lemberg noch gotis gepurt virczenhundirt Iar dornoch yn dem dreyczendem Iare an sente Thomas
tag des heiligen ctwelfbotin den die kirche begeit vor weynachtin do bey sint gewest die Erbarn vnd wiszen meystir Iohannes curifex statschriber do
selbist meystir nicolaus gralb schulmeystir ouch do selbist vnd hile hannus meyn dener vnd Iohannes krewbs von lwow vnd andre meyne dener vnd
bisundir Erbare lewte