Ich Joge Bebran czu der olse gesessen vnd Erbh(er)r czu Lodwygsdorff Bekenne vnd
thu kunth offentliche jn desem briue allen den dy en sehen horen adir lesen das ich gegunt
vnd jrlewbit habe Joge Tevcheler genath meynem vndirsessen czu lodwygsdorff dy hal
be m(a)r(c)k geldis B(oe)mische muncze polnische czal Jerliches czinses dy Joge Tevcheler itczut
genanth den andachtigen h(er)ren den Crewczigern czu Lemberg mite pictancia off seyn er
be vnd guth vndir mir czu Lodwygsdorff gelegen off eyne wedirkawff gekawft hot dy
selbe halbe mark geldis jerliches czinses beveste vnd bestetige ich jn craft dys briues jn
allen alsir dy czinse czugeben vnd czubezalen off alle dy czinstage noch jnnehaldunge vnd
lawte des alden czinsbriues den dy woltuchtigen Jungehanns vnd francze gebruder czu
Seyfirsdoff gesessen etwen Erbher(re)n czu Lodwygsdorff mit jrem angehangende sigille vir
sigilt doruber gegeben haben vnd ap dy czinse off iglichen czinstag noch des alden briues
lawthe nicht geben noch bezalit wurde So beuele ich meyme Erbsalczen der czu der czeit
seyn wirt das her den vorgenat(en) h(er)ren den Crewczigern sal pfandis helffen dy sy g(e)stant
vorkawffen vn(d) vorsetczen sullen vn(d) mogen jnne(r)sten adir jn loden noch des alde(n) briues
lawte vnd awsweysunge vnd wenne der genan(te) Joge Tevcheler seyne erben adir neste
den genan(ten) czins wedir abelosen wellen das sullen vnd mogen sy thun mit funf mark
groscz(en) noch lawte des alden czinsbriues vn(d) mit vor sessen czinsen off dy genan(ten) czinsta
ge czuczu das sullen en Joge Tevcheler dy vorgenan(ten) h(er)ren gunen vn(d) an alle wedir rede
gutlichen gestaten des czu eynem woren bekentnisse habe ich obgenan(ter) Joge Bebran
meyn Segil vndene an desin brif gehangen Der do gegeben ist noch cristi geburte vircze(n)
hundirt jor vn(d) jndem eynvndfunfczigsten jore an d(er) mitwoche noch hedwigis