Ich Joannes Schultes Comtor zcu Lemberg bekenne offintlich vor allin vnde itzlichen
so diesen brieff sehin ader horen lesende das ich mit gunst, wist vnd willen meyns
Obristen meister des Ordens Sancti Joannis von Jher(usa)l(e)m des Behemische(n) Priorats
auff Strakonitz meynes gnedigen herrens, vnd des Edlen Gestrengen Hern Frantz Reyb
mtz vom Tarcaw Stadthelder das mol yn Behem, Mehrn, Polend & Romisch kays(er)
Ma(ies)t(at) Rath vnd Comtor zur Ossind ic(etera) Empfangen hab Siebentzigk gutte gewegene
vngerische gulden, auff eyne(n) rechten vnde Redlichen widderkauff von dem
Ersamen Hern Andrea Steyer Stadtsoyl czw diser czeit vnd Schulmeister yn der
Stadt Libental welche Suma geldis ich von wegens meyns vertrawten hawses
czw Lemberg dem obgnante(n) Hern Frantz Stadtheldir an Stadt m. g. h. vberantwrt
vnd gebin hab, derhalbin Ich mit gutte(n) gewissen, vor mich alle noch kommende
Comtor czw Lemberg Globe, alle Jhar Jerlich czw gebin czehen marg zhe vj phennige
vor eyne(n) czinse, vnd globe soliche czinse nemlich czehen marg Jerbs zhe Inse vo(n)
eyne(n) Jarlichs mit gutte(n) trawe(n) on allen kriegs, bederlist, furteil, ad(er) betrieg, so
mensche(n) erdencken mochten, Auff den tag der geburth vnsers hern Jhesu Christi ader
weynacht heyligen tagen volkomlich mit enander czw geben, an czw heben auff ne
hest czwkunfftige Jar, vnd so ich ad(er) meyne nochkomme(n) Comto so vndanckbar vnd
vorgesslich offtgenante czinse auff bestimpte czeit nicht aussrichtende So sal der eegen
nante Herr Andres Steyer von Libental ad(er) seyne Erben vnd recht nochkomme(n) macht
haben soliche czins auff dem hawse des ordens czw Lemberg vnd auff allen czwge
horenden guttern, Rentten, vnd czinsen, mit geistlichen ad(er) wertlychen gerichtenn
czw suchen, Es sey owth czw Plackwitz, Boryssessaw, vnd auff allem eynkommen
dem Ordens hawss czw Lemberg zwgehorigk, nichts aussgeschlossen, Sollen ym owth
helffen, die vorgenant, wenn owth Ich Comto zcu Lemberg ad(er) meyne nochkommen
solichen czins widderumb abkauffen wollen, mogen Ich ad(er) meyne nochkomme(n)
thuen mit Siebentzigk gutte(n) gewegene(n) vngerische(n) gulden mit czlag vor sesses
ne(n) czinsen Sal vns vor yn freuntlich gestadt werd(en), des czw meher sicherheit
vnd vrkundt hab ich diesenn brieff mit des ^?^