Ich hanns Vmroht Rychter zw Lembergk vnnd wir nachgeschribene hanns Vmroht George Vmroht
hanns Schultes Krüger Adam Schultes hanns mews der merten dyman vnnd Endres Grentze Schepffen
vnnd geschworne schepffen das wir bekennen mit dissem brieffe das vor vns syn getretten Juge Nical gosse
ner gestanden vnnd freywilligklich mit guttem bedacht vngezwungen vnnd vnuerthot kegen dem erweysten
Erthwirdigen herrn Fauffendorff zw Plackewitz gesessen seynen erben vnnd wer dissen brieff mit seynem beuelich
haben wollen Innehaben eynt sich bewilligt zugesagt vnnd geloubt eyner marg die eynen newen schlesischen
grosschen ader kauff phennige ader heller von eynem grossen gerechnet erbkauff zinses von erbkauff recht ist
vnnd sechs marg die den grossen zw sieben phennigen gerechnet widerkeufflichen erbkauff zinses von den
herren ackerslewtin zw Lembergk wonende Im dorffe gelegen die her ehem verkaufft vff margarethe nehstkomende
zugeben vnnd also verlassin wir alle ierlich vff genanten zinstagk bey vorlust vnnd abtreten derselbigen
ackerslewtte zugeben vnnd vnuerzoglich zubezalen doch mit dissem bedingten bescheyde das genanter Nical gosse
ner seyne erben vnnd erbnemen obgemelten herrn Fauffendorff ader dieses brieffs Innehaben den vorseessen
zins vnuerzoglich schuldig bleiben wiewol die ackerslewtte von obmanschafft wege wider vmb abgetreten vnnd
entwermet hetten Mogen doch genanter herrn Fauffendorff vnnd dieses Innehaben von Ihm seynen erben
vnnd negsten die es vnnd widerkeufflichen zinse fordern manen vnnd bekumen mit welchem rechte ader mit
welchem gerichte sie wollen vor Nical gossenern vnnd allen den seynen vnwidorsprechlich das sullen Nical gosse
ner seyne erben vnnd erbnemen dem Iczigen vnnd nechstkunfftigem hern Comtor zw Lembergk do von den
Iczigen namhafften funff metzen korn vnnd also vil haber alle iar ierlich vff merten entrichten vnnd vssgeben
sey doch wenne Nical gossener seyne erben vnnd negsten die sechs marg widerkeufflichen zinse abekewffen
lossin vnnd irs guttes freyen wollen das sullen vnnd mogen sie thun vff den zinstagk mit hundert gutten hyngerischen am golde
vnnd swere gnug am gewichte vnschedelich vssgeben zinsen das sullen den herrn Fauffendorff vnnd dieses brieffs Innehaben
obgenante gutther gestatten dulden antrat vnnd vntraht haben Ende teil geliebt gelobt vnnd In allen vnnd iczlichen stucken
clauseln puncten vnnd artickeln von obmanschafft einander stete vesthe vnnd vnuerbrochlich zuhalden zugesagt vnnd geloubt
Zuurkundt vnnd merer sicherheit haben wir dissen brieff neben genanten herrn Fauffendorffs mit vnserm gewonlichen
Ingesigell hiran gehangen besigelt. Gessen vff den dinstagk nach Cantate Anno domini Millesimoquingentesimoseptimo