In gottes Namen Amen. Das gedechtnus der Menschen vergehet balde ganntz vnnd gar, Damit nun Menschliche handlung, Contract, Donacion vnd letsten willen mit der zeit nicht fallen, Noch vergessen werden, Sunder von Nachkumen vnd zukunfftigen gemeynen
leuten ewig verbleiben, ist schrifft zu trost vnnd hulff gegeben vnnd erfunden worden. Solichem nach lasz Ich Hanns Rausendorff zu plackwitz bey Nurnberg gesessen, Vnbekandt, das Ich wol bedacht, zeyttig, vnnd bey gutem verstande
bin, Der tag weil man hie am leben, vnd nymant der sterbligkait orden vnd schaff entrinnen. Habe ich mit zeyttigem Rathe vorbetracht, gutter vernunfft bedacht, vnnd synnen alle meyne habe vnd gut, sunderlich zu plackwitz bey Nurn=
berg sampt allem Eigenthumb, velden, gebawen, holtzern, Odern vnd Nider gerichten, Zynssen, Wassern, muelen, fischereyen, weyden, stauden, wisen, hewssen, In pfennigen vnd gelde, was Ich haben, aller gerechtikaiten, woran
die oder das sein mocht, grosz oder clein, oder wenig, benant vnd vnbenant, keyns hier In von wort herein gesetzt auszgeschlossen, wie das das wol an mich gestammet, vnd durch eynen auffrichtigen kauff geblichen von Erschaffen vnd kauffen kumen,
dorfte, meynen kindern an Inen gebracht, mich furbaß nymmer meher darumb anzusprechen, Durch sich noch ex eckem oder erbguttern, Nach meynem tod von eynem yeden, geystlich noch weltlich, Recht noch gewalt, In keynerley weysse
Zu kriegenn, zuncken, Vnde also lange zeit zu thun vnd lasse menniglich vngehindert erhalten. Got dem almechtigen, seyner wirdigen mutter Marie, gen sandt Iohans, vnd dem heyligenn Iohanni dem teuffer vnd allen lieben heyligenn
gotz zu sunderm preiß, vnde zu sunderlichen In meyn entledigung, des wirdigenn hern Wolffgang Rymers Commendators deßmals statthalter, vnde seyner bruder des Ordens sandt Iohannis Iherosolimitan vnde aller kunfftiger Comtor
vnd bruder daselbst, In alle der masse, form, weysse vnd begradung, wie es meyn furfarn vnde ich erlangt, gebraucht, vnde besessen, Lautt eyns koniglichen brieffs, Welchen sampt andern alwat bemelten Orden vngeverret vnd stetlich vberge=
geben, Dem Edlen Wolgebornen herren, hern Ihan von Rosenberg, hern auff Strackonitz, durch Behemen, Polenn, Slesien, In teutschenn meister, v. deßmals obersten steyr graden, vnde sunderlich deß Ordens hauß zu Nurnberg
Zu eynem testament vnde plengelt, vnde zum teyle verkaufft, Williglichen vnd allenthalben vngeferlich, erblichen zugeeygent, vnde geben, Zueygen, vnde gebe hiemit nu vnde ewiglichen bey solichem Orden vnd hauß zu Nurnberg
Zubleibenn, Zunymessen, vnnd Zungebrauchenn, Darumb ich dan alle meyne macht, Zymlichenn meynen machtigenn, von geberlich volkumlich vbergeben, Solich meyne habe vnde gut fur dem Allerdurchleuchtigstenn furstenn
vnnd herren, hern Ludovico, zu hungern vnnd Behemen konig, frey vnde ledig, In koniglichenn Ires ayt gewalt, auffzulassen, vnnd als den bemelten Ordenn, vnnd kunfftigenn Comtor zymorlichen Zubesitzenn
vnd Zuerlangenn, Wie dan alweg gots lob erlangt vnnd ergetzt werden. Bleibend bey meynen gutten trewen, meyn Ehestatlichen frawen alle sulche handlung, gebunge, kauff vnd aufflassunge, stete, veste vnd vnwiderruefflich zuhalten,
an eynichen behelff oder intrag, so menschen list, oder vernunfft mocht ertrachten oder besinden, Dagegen vnd geberlicher widerstatung, mir vnd meyner lieben haußfrawen, vnde allen meynen geschlecht, Rwanter orden vngeverret, vnde
kunfftiger Comtor zu Nurnberg, von den ermelten hern vnde obristen zu Strackonitz fur sich vnde alle nochkommende bewilligt vnde zugelassen, beschehet, Damit alle Iar Ierlichen noch endunge meynes lebens, sullen zu dem dinst
gotz, der wirdigenn brudern des Ordens sandt Iohans zu Nurnberg, drey mess zu Erenn von dem hern Comtor eßigenn vnde kunfftigenn gelesen werden, die fur so all Iar Ierlichen fallen gulden Iherer zederung, mit
veßern vnde plengssen, vor meyn vnde meyner furfarn selen, vnde das gantze geschlecht, Wo aber mocht helden oder mocht halden wolden, sal der hern Comtor macht haben, yn eyn ander gut, wem armen leuten zu gut zu wenden,
Dennoch abermals von angemelten hern Comtor sal werden lawten auff der bruderschafft Marie, vnd auff der bruderschafft des heyligenn grosmutter Anne, oder andern armen haußleutten, do sie In hospitalen, In siechheussen oder
sust armen leutten, do es am notigstenn der Orden erkennet, sal zu ewigen zeitten Ierlichen vier fuder weys brot außgeteylet vnd gegeben werden, Vnde den Crentzern Ierlichen In der bruderschafft eynen stegen liecht zu meynem gedechtnus
vnde furderunge, fur meyner furfarn selen, vnd das gantze geschlecht, Auch sullen die wirdigenn hern ewigenn zeittenn alle Iar Ierlichen zu vier maln, als auff alle vnde quatember, eyn gedechtnus, mit eynem gantz gesungen
Inhabenn vorbundenn sein, als des abends mit eyner singenden vigilien, vnde volgenden morgens mit singender selen messen, wie beym orden gewonet, Dozu alleweg armen leuten vier zwelff groschen brot sal gegeben werden, Auch
ist eyn brieffe vnnde handlunge sunderlich beredt, das bemelter Orden vnde Comtor zu Nurnberg noch endunge meynes lebens, Erstlich vnde hinfur, darob stetig bleibenden meynen brudern, vnd dreyen meynen schwestern, gleich
Iedes Iar zu teylenn, sal funfftzig guldenn Nurnbergisch werung, vnnd mir alleins zu meynem leibgeding, vnd gutter lenge, der benant hern Comtor vnnd kunfftige alle Iar Ierlichen dreyhundert weysig gulden Nurnbergisch
werung, bey eynem Ierlichen zins, als auff Iohannis baptiste, vnde als Weyhenachten, teylhafftig, vnde zu teylenn, vnde Iedes Iar Ierlichen, stetig, veste, vnnd vnwiderrufflich, zu geben, vnnd auch vorbundenn sein, Sunder meyne bruder vnde schwestern
Comtorn, In gut ansehen zu haldenn sein, Vnnd zu ewigenn zeittenn dem Testament zu gut bey dem Orden bleibenn, Auch hierdurch der Orden, lieben, nutz, vnd zunemung gescheen, vnnd beholffen sein, so auff sulchenn guttern
vorstreckenn benemmen, vnde auff sich, vnnd volgend Comtor deß hauß zu Nurnberg, als der gutter besitzer gezogen, So sal auch eyn Ier Ordenn offentlich zu Nurnberg auff den Iudengassen, In allen gutigkeitt
furssig zu ewigenn zeittenn fur meyne sele, vnd meyner liebenn haußfrawenn selenn, vnd das gantze geschlecht, gantz vorordnunge des Ordens gebetten werden, Vnd damit auch meyn liebe haußfraw, ab ich ehr dan sie ab
ging, von billich ehr vorstrafft wurde, noch meynem tode bey eyn leibgeding, sal sie der Ordenn eßiger vnde alle nochkommende Comtor, mit eyner erlichen wonuge, vnde speysse, vnd trang, fur eyn leibgeding vorsorgenn,
Dabey sal der hern Comtor vnde Ordenn, mich sampt meyner liebenn haußfrawen, als der Ordenn vnderthonen, In anliegenden notsachen, In schutz nehmen, vnd handthabenn, Sunder alie gnade sal der frawen bleiben,
Vnde noch eynem tode, wendem was so andacht thun, Got Vnde so ich vnd meyn liebe haußfraw, In got entschlaffenn, sal eßiger vnde kunfftiger Comtor, vns zu erdenn, vnd Christlichem begrebnus lassen bestatten,
Damit alle dinge, von birst gegeben, vnde verschriebenn sullen vnwiderruefflich, vngeferlich bestent haben, Alleine ich bey meynem leibgeding sulcher gutter, do ich ym oberdorff besessen, Doch den guttern, vnde sulcher
geschaffte, gaben, vnde testament, eyn schade noch genyessen, vnd bey lebetage do von enthaldten, Sunder noch endunge meynes lebens, gantz, gantz, (von wordent) vnde In kauff gemacht vnd beret, sal vnwiderruefflich
an eynichen Intrag, gehalten werden, vnde zu allen obgenanten stucken, vnd geschafftenn allenthalben, sal der hern Comtor eßiger, vnnd kunfftiger, an sich selbs angenummen, vorpflicht, vnd vorbundenn sein,
Auff sulchs, vnnd warer stetigenn aller, als kauffs, testaments, vnd gebenn brieffung, Habe ich obgenannter Hanns Rausendorff, wolbedacht, wolmeyende, allenthalben, vnd gutter vernunfft, auch mit sunderem
gutten vordern willen, vnd vorwissenn meyner lieben haußfrawen, so vil sie doran gehabt, oder hette mogen haben, sulchs obgemelt meyn gut plackwitz, sampt gantzen, In mir allenthalben, stetig, vnde freyheitten,
wie oben verschriebenn, Dem Wolgemeltenn hern Wolffgango, deßmals statthalter, vnd Comtor zu Nurnberg, an stadt deß Edlenn Wolgebornen hern, hern Ihan von Rosenberg, oben angezeygt, Dem Ordenn
vnd volgendem Comtorn, eyn vngezelt, Zunymessen, brauchent, zu thun, zu lassen, In mit meyner eygen hant vberreicht, gegeben, vberantwurt, vnd In volkummen besitz, vnd gewere, habe kummen lassen,
Darczu, vnnd darumb, dan die eremilte wirdige hern Wolffgangs, Rymers, Comtor zu Nurnberg, Vnd statthalter, Nebenn den wirdigenn, vnde hochgelertenn, Edlen, vnnd Veste, meynen hern, Doctor Iohannes
Cromer, der durchleuchtigstenn fursten, fraw Altarie, konigin zu hungern, Behemen, Caplan, vnd Iohannes Saltz, Comtor zu Briegenn, Heynrich Zindell von Ruckwalt, Iorg Pelczweich, von der Iordenn
metz, Melchior eberhart, von der Eger, Iorg liedern von kuntzendorff, Cristoff Rausendorff, hern Vlrichs, Gertwig, Comtor zu Ruckenback, Magister Melchior haussner, Burger zu Zittaw, vnd
hern kastelner, ayt offennbarschreiber, Vnd lorenz wittner, stattschreiber zu der weydenn, zu diessem handel, als gezeig, sunderlich erfordert, vnnd gebetten, von mir gnuogsam empfangen, Auß sunder der
Edlenn Wolgebornenn hern, hern Ihan von Rosenberg, hern auff Strackonitz, zu lassen, vnnd vngemelt, Solichs, an die geberlich von mir angenummen, mit hand, vnd munde, bey gutten trawenn,
vnnd waren worten, gots, sulchs Testament, Donacion, kauff, vnnd letsten willenn, In aller form, vnd weysse, wie vormerckt, Vnd verschriebenn, trewlich, vnnd vngeferlich, zu haldenn, vnnde
Zuvollziehn, alles an eynichen geferde, vnde bessern, dieweyl so moglich, sunderhindern, oder sunderdenkhen, Des zu warer, ewiger befestunge, Habe ich sulchs geschaffte, bemelte, In pergamenen brieff verschriebenn, Vnde fur mich, alle
meyne erben, vnnd erbnemmen, wissendtlich, mit anhangendem meynem angeborenem Insigel besigelt, lassen, Dargegen, mir, dan vnder wemelt, benanter hern Comtor, eynen solichen brieff allenthalben, eynes lauts,
vnnde gleychmessig, vnder des haußes zu Nurnberg, vnnde der hern, hern Ihan, steyr, sampt andern hern Insigel, gegeben, Allerbiederseit trewlich, vnwiderruefflich, vngeferlich, zuhaltenn, In beweissenn, oder
erkantnus, hern, Iestheenn zu Nurnberg, vff der eger, sandt wirdigenn hern Commendators hoff, Montag, nach sandt Anne, Iarts christi, vnsers lieben herren geburt, Im funfftzehenhundertten, vnnd zweyvndzwain=
zigstenn Iare.