In gotis namen amen Wir Bolke von gotis gnaden Herczoge in Slesien Herre von furstinb(er)g und czur Swydnicz thun kunt
ewiclichen allen den die disen brief ansehen odir horen lezen das vor uns komen ist der erwirdige man her Hein
rich von Probisthayn abpt czu Grysow uns(er) swager und uns(er) besundir liebir Und hat mit wol vorbedachtim mute
und mit rate und mit willen syner samnunge und conuentus vorkouft recht und redelich in eime rechten koufe
uns(er)m lieben und getruwen und andechtigen hern Eneken von Hugowicz kummetuwer czum Tincze und sines or
menunge des selbin huses Sechs mark geldis an Herczogin geschoße In und uff deme dorfe Guntirsdorf in uns(er)m
weychbilde czu Namslaw mit allem rechte mit allen nucze mit allir nuczperkeit und herschaft als er sie gehabit hat
und als sie an sine voruadir und an in komen sint von uns(er)n eldirn die sie deme obgenanten clostir czu eime selge
rethe gegebin habin Und ouch mit namen umb eyne summe des geldis das deme vorgesprochen herren abpte
gar und gancz vorguldin ist Und hat in die willeclichen uff gegebin in uns(er) hende Und hat sich vorczigen von sines we
gen und von sines clostirs und ordins wegen allir ansproche und allis rechten das er odir sine nachkomelinge dar
czu gehabin mochten in keimerley wys den selbin kouf und die uflasunge habin wir gelobit und gelobin durch dinst und
gebetis das sie alle tage bedirfyt vor uns und uns(er) eldirn begen gote tun Und habin von uns(er)n furstlichen gnaden
deme obgenanten hern Eneken von Hugowicz und der samnunge czum Tincze des ordins Sante Joh(ann)is des spi
talis von Jheruzalem die selbin vorgeschribinen Sechs mark geldis czu Guntirsdorf gelegin und gerucht czu eime rech
ten ewigen selgerethe und mit namen czu einer pitancie der obgenanten samnunge des husis czum Tincze In
und iren nachkomelingen ewiclich des husis ewiclichen ungehindirt von uns und uns(er)n nachkomelingen czubesiczen czu
vorkoufen czuvorsaczen und in iren nucz und vrumen czuwenden als in allir bequembelichst wirt syn czur urkunde dis briefs
den wir vorsigelt habin lasin werdin mit uns(er)m wissen Gegebin czum Tincze an deme sunabinde vor allir heiligin tak
Nach gotis geburte Driczen hundirt jar und dar nach in deme Sechs und fumfczigistim jare da sint geczug uns(er) man
her Hannus von logow Rudiger von Czirleport uns(er) marschalk Herman Spansil Hantsch und Nitsche gebrudre von
Nebilschicz Hannus obin petir von Czedlicz uns(er) kantseler und andir erbirwirdigen uns(er) manne