Ich Boroth von Stracho Cump(tu)r zu Tyncz Bekenne offinglich mit desym brif allin dy en sehen ad(i)r horn
lysen daz vns(er) getruw(er) vndirsas Hannos Gotsmit Schultis zu Catzin hath getretin vor mich vnd vor eyn
gehegte dyng do selbynst zu Catzin mit wolbedachtim mut mit gut(er) vornunfte vnd mit gesindim leyb
vnd hath bekant vnbetwungin by daz dy pietancze zu Tyncz hab gekawft recht vnd reddlich by em vnd auch
vor em yn vnd off dem gericht zu Catzin vnd off allir zugehorung funf mark jerlichis zynses pregisshir
grosshin polnischer zal vm funfzig mark der egenanten grosshin vnd zal dy dy pietancze lang gehabt
hath vnd auch dorob(ir) en vnuornetin briff mit eym anhengindin Jngesygil gehabt hat der do was gegebin als
man hat geschrebin nach Gots geburth M(illesimo) ccc(mo) l(x) v(n)d der was d(er) pietanczemeist(er) vo(n) Tyncz wegin der ganczin Co(n)ue(n)t
ns zu Tyncz vnd wolde dy funfzig march nyme(r) lassen sten ys were den das der egenante Hanos de(n) brife vor=
newte vnd dy pietancze dy funf march zinses bas vorsichirte des ward d(er) egenante Hanos Gotsmit mit syner
elichin frawen Annen vnd mit elichin geerbin dametn vnd Margirt zu rath ruffte syn vndessin Thomas
Jyakim edym vnd Mikusch Jyakim son vnd Mathes Stank vnd andir syn vndses dy do selbist synd mit
alir zinsin gehortin zu gerith zu Catzin vnd lyste se mit all yrm zinse is sy an getreid ad(i)r an geld andy
pietancze vor mir offegenantim h(er)n Boroth vnd vor gehegtim dyng zu Catzin dy selbin funf march zinsis
jerlich zugebin vnd zuczelden vff zwen drithalb mark vf Synte Walp(ur)g(e) tag der do nu zukunftig ist
vnd drithalb vf Synte Michels tag dornach mit solchir vndirschit wen d(er) egenante Hannos ad(i)r syn
nachkom(m)lig is wunegin wed(i)r ap zukawfin eyn mark vnd ab(i)r eyn mark io dy mark vm zehen
mark vnd daz sal em dy pietancze gutlich vnd liplich gunnen Auch ob d(er) egenante Hanos ad(i)r swer
das gericht besitz dy funf mark zinses wolde apkawfin vor den tagin so solin sy dy vorsessin zinse beczeln
nach d(er) gwe(n)hin zal Auch ap dy vorgeschrebin lewte dy funf marg zinsis nicht gebin so sal en pietan=
czemeist(er) der zu den selbin zcaitin ist ad(i)r syner glveme vff d(er) offinendin lewte gut vnd vff d(er) Schul=
tissy vnd vf and(er) zugehorung pfhendin sam alle recht dirgangin wern vnd mit den pfhandin thun
als das gewonlich ist nymande wedirsprechin(de) der vorgeschrebin zcichin zu eyn(er) vrkunde vnd bestetunge so hab
ich wirgenant(er) h(er) Boroth vo(n) lowb vnd gewalt meynes h(er)n des Meystirs meyn Jngesegil an desyn brif ge=
hengit Gegin vnd geshen nach Gots geburth dryzchen hundirt iar dornach yn dem Newn vnd Newnczig=
iar an Synt Andrean tag kegenwortig den Jrb(ir)n vnd Geistlichin Brud(i)rn Brud(i)r Jokob pfharrez Brud(i)r
petir hawskompt(er) vnd pietanczemeyst(er) Brud(i)r lorencz hoffmeist(er) Brud(i)r Stachin Brud(i)r Jokob Cze
sliz vnd Brud(i)r pesche Bachmeist(er) vnd Brud(i)r Mathes pschulgmeist(er) Co(n)uentbrud(i)rn zu Tyncz zuden
selbin zcaitin vnd auch pet(ir) Newman Johusch gelwan swysynkowt(er) pet(ir) Teytzer Nicklas Bossach
henrich Slomya vnd henrich Newman Schepphin dy lewte zu Catzin vnd auch and(i)r Jrb(i)r
lewte vil dy dorzu wadin geruft vnd geladin