In nomine domini amen. Quia temporaliter gesta vigore obliuionis de facili delabuntur, nisi litterarum et testium amminiculo perhennentur, vt memoriam habeant valituram.
Sane et vniuersis liqueat, quod nos Boleslaus dei gracia dux Slesie et dominus Legnicz ad vniuersorum tam presencium quam futurorum noticiam presencium tenore volumus deuenire,
quod veniens ad nostram presenciam non inpulsa neque coacta, diligenti deliberacione prehabita, sano consilio suorum amicorum honesta domina Margareta cum filio suo videlicet dicto Asse
usu et consensu eiusdem rite et racionabiliter vendidit duos mansos minus medio quartali in Polomeali Bylow villa sic dicta Olowi districtus reuerendo viro Heyn(rico) commenda
tori in Olsna ipsi ementi et recipienti nomine domus Olsne predicte pro decem marcis minus fertone, quas marcas predicta domina Margareta integraliter percepit et pleue
omnibus vtilitatibus, vsufructibus, pertinenciis predictorum mansorum et cum omni iure et dominio et in feudo libere et absque omni seruicio hereditarie et perpetue possidendos, abrenun
ciantes videlicet sepedicta domina et filius eius pro se ipsis pro se suisque heredibus seu legittimis successoribus omni inpetracioni et iuris accioni, que ipsis conpetere posset tam in pre
senti quam eciam in futuro, predictos mansos coram nobis et de manu presati commendatoris resignando. Nos vero ob grata seruicia predictorum nobis pluries inpensa
et adhuc in posterum inpendenda hanc vendicionem ratam et gratam habentes et precipue in salutem anime nostre necnon nostrorum progenitorum damus et tradimus pre
habitos mansos duos minus medio quartali cum omni iure et dominio, vtilitatibus, pertinenciis libere et absque omnibus seruiciis quibuscumque et specialiter a seruicio dextrari
ali predicto commendatori Heyn(rico) siue confratribus prenotate domus et nomine ipsius domus Olsne cruciferorum ordinis sancti Iohannis Ierosol(imitani) hereditarie et per
petue possidendos, vendendos, mutuandos prout ipsis vtilius et auctencius nomine sepe dicte domus videbitur expedire, deducentes specialem prerogatiuam sepe
dicto commendatori Heyn(rico) siue eius successoribus ibidem, vt de predictis mansis iure Theutunicali et non Polonicali debent ex parte
decimarum respondere. In cuius rei testimonium presens nostrum sigillum est appensum. Dati Brega anno domini Mº CºCºCº tricesimo feria secunda infra octauas epiphanie domini
presentibus nostris militibus Luthcone dicto Paskow, Gneuenito eius filio, Heynrico tale Czanlony, Thostano, Marscone dicto Duschil, Petro Gunttheri de Blankynsteyn et
Czeslao nostro notario, qui presentia habuit in commisso.