FRATER Joannes de Valeta Dei gratia sacre domus hospitalis sancti Joannis Hierosolymitani magister humilis pauperumque Jesu Christi custos Et nos Conuentus Domus eiusdem. Reli=
gioso in Christo nobis charissimo fratri Henrico de Bitzino Commende nostre in Strigau Prioratus Boemie Commendatario salutem in domino sempiternam. Preclara virtutum tuarum merita,
multiplicesque animi tui dotes, quibus insignitus dignosceris et apud nos commendaris, necnon laudabilia obsequia per te Religioni nostre prestita et que indies sedulo prestare non desinis, ac in futurum arden=
tius te prestiturum confidimus promerentur ac nos inducunt vt ea tibi concedamus que tue quieti et securitati conuenire dignoscuntur Cum itaque mensibus superioribus Venerandus Religiosus in Christo nobis
precharissimus frater Wenceslaus Hasius a Hasemburg dicti Prioratus Prior post prestitam obedientiam libenter pure et simpliciter in manibus nostris preeminentijs, prerogatiuis et facultatibus concessis
quondam fratri Jodoco de Rosemberg dicti Prioratus Boemie Priori per bone memorie fratrem Joannem de Lastico tunc Religionis huius Magistrum et Conuentum tam in exigendis responsionibus et iuribus
comunis erarij quam in conferendis Commendis (quibus magna porro licentia preteriti Priores hactenus abusi fuerunt) renuntiauerit, cesserit, ac in vtilitatem nostre Religionis et commodum publicum
reliquerit, et a se abdicauerit, ac ad normam antiquam et aliorum Prioratuum ordinis nostri reduci voluerit, prout hec diplomate ac bullis hac de causa expeditis latius constat et apparet. Et
tu qui de huiusmodi Commenda more illo antiquo, seu potius abusu, prouisus fueras, pro maiori rerum cautione per nos tibi eam conferri petieris et supplicaueris pro tuo cabimento. Hinc est quod
Commendam prefatam in Strigau cum omnibus et singulis suis membris, predijs, iuribus et pertinentijs vniuersis ad ipsam spectantibus et pertinentibus, seu spectare et pertinere debentibus quoquo modo
Et cum quibus illam hactenus habuisti, tenuisti et possedisti ceterique ordinis nostri fratres prefate Commende in Strigau Commendatarij habuerunt, tenuerunt et possederunt, siue habere, tenere et
possidere quomodolibet debuerunt habendam, tenendam, possidendam, regendam, augmentandam et meliorandam in spiritualibus et temporalibus tam in Capite quam in membris Sub annua solutio=
ne iurium et quorumcunque onerum cois erarij ordinis nostri impositorum et imponendorum secundum communem cursum aliarum Baiuliarum, seu Commendarum dicti Prioratus in Caplo prouinciali
Prioratus eiusdem, vel in festo sancti Joannis baptiste de mense Junij per te annis singulis infallibiliter exoluendorum Alias in defectu solutionis huiusmodi secundum seriem et tenorem Stabili=
mentorum, ordinationum, consuetudinum et constitutionum Caplorum gnalium super solutione iurium erarij eiusdem editarum et promulgatarum de dicta Commenda expresse precipimus prouideri col=
latione huiusmodi de dicta Commenda tibi facta in aliquo non obstante Jnuicem maturo et deliberato consilio, de nostra certa scientia, tenore presentium ad annos decem continuos et completos Et
vltra ad nostrum beneplacitum tibi pro tuo Cabimento conferimus, concedimus et donamus benefaciendo in eadem Teque Commendatarium in illa constituimus et ordinamus, Committentes tibi
circa curam, regimen et administrationem, ac omnimodam dicte Commende, bonorumque et iurium eius defensionem et recuperationem tam in agendo quam defendendo harum serie vices nostras, Quocirca
vniuersis et singulis fratribus, sororibus et donatis in virtute Sancte obedientie ac hominibus vassallis et quibusuis alijs nobis subditis in dicta Commenda constitutis presentibus et futuris
sub Sacramento fidelitatis et homagij quo nobis et Religioni nostre sunt astricti precipimus et mandamus vt tibi tanquam eorum superiori et Commendatario reuerenter pareant, obediant et intendant tibique
prebeant auxilium, consilium et fauorem in omnibus concernentibus vtilitatem dicte Commende quotiescunque opus fuerit, et eos duxeris requirendos Necnon vniuersis et singulis dicte domus nostre fratribus
quacunque authoritate, dignitate, officioque fungentibus presentibus et futuris mandamus ne contra presentes nostras literas aliquatenus facere vel venire presumant Omnino iuxta earum mentem Stu=
deant inuiolabiliter obseruare Jnhibentes tibi in virtute sancte obedientie ac sub pena Stabilimentorum contrafacienti inflicta ne pretextu donationis nostre huiusmodi aliquid, vel aliqua de rebus,
bonis, iuribus, predijs, locis et quibuslibet iurisdictionibus dicte Commende, vel membrorum eiusdem vendas, des in pignorem, permutes, distrahas, siue in emphyteosim perpetuam aut ad tempus
concedas sine speciali nostra licentia magistri Religionis atque Capli gnalis pro tempore existentium. Et si (quod absit) contra inhibitionem nostram huiusmodi aliquid vel aliqua operari seu facere
te contingit, illud et illa exnunc prout extunc cassamus, annullamus et decernimus irritum et inane, nulliusque penitus existere valoris vel efficacie Jn cuius rei testimonium bulla nostra
communis plumbea presentibus est appensa Datum Melite in Conuentu nostro Die Vigesima mensis Aprilis Millesimo Quingentesimo Sexagesimo.

[left margin:]
Collatio Commende in Strigau

[bottom left:]
Visa
In Cancellaria

[bottom right:]
M. Roms de Portalri Vicecancellarius