Wir Ruprecht von gotis gnadin In Slezien Herczog p(re)cept(or) sand Joh(ann)es orden von Jher(usa)l(e)m zu Behemen polan(n) (et)c(etera) vnd h(er)r zu lobin zu Haynaw .
Bekenne(n) mit desim brieff vor allen die en sehen horen adir lezin das vor vns komen ist Katherina die Schultissinne zu kochindorff mit irem vormu(n)d
lucas kregin do selbist vnd hot williglichin vff gegebin in gesu(n)dikeit leibes vnd der v(er)nu(n)ft mit lachendem mu(n)de vnd frolichim anclicze alles d(er)
si ir recht hette adir gehabin mochte vff dem vorwerke vnd gutte zu kochisdorff is wer an farender habe gru(n)de adir wie das mit su(n)derlichi(n) worten
benant mochte werden nichtz vssgenomen cley noch gros Jtem zcu(n)e hannos dorgin seyn vatir hannos schultis zu kochindorff seyne willen gethon had
Jn sulcher weize vnd gestalt das der obgenan(n)t hannos zey son die helffte habin zal in dem obgenan(n)t gute vnd vorwerke zu kochisdorff vnd in allir seyn(er)
zu gehorunge is sey an gerade adir farender habe ad(ir) woran das alles gesyn mochte die mutyr habe recht doran gehad adir nicht zo zal her die
helffte habin des selbin gutis kochisdorff vnd aller seyn(er) zu gehorungen vnd zal von em komen an seyne geerbin vnd eliche nochkomelingin habin
wir von vnsir(n) furstlichin Gnaden vnd von vnsir Ampts wegin den obgenan(n)t hannos seyne erbin vnd elichin nochkomelingin die helffte des obge
nant(in) vorwerkis vnd guttis gereicht vnd geleynt lehen vnd reichin en das in crafft des brieffs zu habin zu besiczi(n) zu v(er)kauffin vnd an Jren
nucz vnd fromen zu wendin als en das wirt behagin allir beste vnsir(n) dinsten vnd rechtin allezeit vnschedelichin Des zu bekentnisse vnd ganczir
sichirheit habin wir desin brieff lossen vorsegilt werden mit vnsir(n) anhangendin Jngesegil der Gegebin ist zur olzin am dornstage noch ostirn
noch cristis geburt virczinhu(n)dirt ior Jn dem vier vnd czwenczigsten Jore Do bey seindt gewest vns(er) getruwin Gcorge falkenhayn vns(er) marschalk
h(er)r niclos strembig pharr(er) zu lobin h(er)r lorenc(z) snellenwald h(er)r Jacob czunwis vnd Casp(ar) thynapff schreib(er) dem des(er) brief von vns wart befolin