Ich hannus dawbis comptur czur olsin und dyng brudir sinte johannis ordin von irslm bekenn offintlichin in disim
brive allen den dy en sehin horin adir lesin das vor mich ist kumin der vorsichtige pecze molir und habit muntlichin und rechtlichin
vorbrocht mit wissinschaft wy das em der ersamme brudir andry lenberg stathaltir und comptur czur olsin czu den czeitin und
habit em dy mol czu bawen dy do czu dem hause czur olsin gehort gelossin und das her dy sal bawen und fertigin und denckin
vor allerley not dy man drczu habin sal is sy an preisse tranke lon schindiln nail brette meystirn mol eysin meystirrechtin ansigenome
wy dy mol czu bawen ist gewest und allis das her drouff vorbawitte und dor an legitte is sy an preisse lon schindiln nail brette
molsteyne molrad moleysin als obinbenant ist rechin und sumen uff eyn gelt was em gekost hat an preisse lon nail als obinbenant
ist das ist d' obigenante pecze molir bome mit warhafftigir wissinschaft und habit das gerechint das sy dor an vorbawt und doruff
gewogit newundczwenczig mark heler ane cwene slir doch umb des bawis willin ist em mithe gelossin dy mol czu haldin und
besiczn her und seyn erwyn und eliche nochkomelinge adir wer do von seyne wegin recht gehabin mochte also lange bis em das
em das obingenante gelt beczalit wrt also in jare und tage von eyme komptur der do ist adir seyn wrde so sal sy dy mol gutlichin
entrewmen doch sal der obigenante molir ad' seyn erwyn ad' nochkomelinge adir wer dy mol hilde dem hause czur olsin gebin
alle jar fur meldir mel cwe scheffil czu mestin czu sintil jar und wen man dy grabin feget so sal d' obigenante molir dy speise
und tranke gebin adir wer dy mol von seynewegin hilde und wasbas me vor allis gedenken do do czu der molin gehort
doch habit ma em mithe gelossin eyn gewissin des ackirs dy alde roste genant in sewicht das dy wez czu d' molin habit gehort unvorkawft
czu kume des ordins wald unschedelichin das hawlz bey dem damme den weg inethe czu bessirn doch also vil sy also her
wintirt das sal her sammirn den nochbarn unschedelichin doch was her vorbat wrde bessirn adir bawen czu nocze an der
mole adir das der mole czu frome mochte kome also gebawd czu seczn in dem hoffe eim hawlz drczugebin in des ordins wald czugebin
das habe ich obigenantir comptur an gesehin seyne gewissinschaft und mit willin und rote des visitatoris her jacob von gabenis
und der comptur dy do bey em sint gewest in der constacio czu bressalaw und habe desin briff vorsegilt mit meym anhangindin
ingesegil und bestetigit meins ordins erunge uff ewyndigkeyn eyn jar cappituler dinst tyn sal an eyn scheffil und gerechint
gegebin czur olsin noch cristisgeburt firczehinhundirt jar und dor noch in dem firundfirczigstin jare an sinte margarethen tage und
do bey sint gewest dy ersamme brudir mathias wencz jar brudir niclas spitteler pistanacz meystir niclas hawcke von
czetchewicz hannus scultis von czirchdorff franczke kretchemir czu michewicz hannus schultis von kachindorff und niclaus kretchemir
czur olsin dem desin briff befolin wart