Wir ferdinand von Gottes gnaden Romischer künig Zu Allen Zeitten Merer des Reichs Inn Germanien Zu Hungern Behaim Dalmatien Croatien(e)t(c) künig
Infant Inn Hispanien, Ertzhertzog Zu Osterreich, Marggraue Zu Morhern, Hertzog Zu Lucemburg vnnd Inn Slesien, Marggraue Zu Laußitz (e)t(c) Bekhennen vnnd thun khundt mennig
lich das vor vnns khommen vnnd erschinen sindt der Hochgeborn, vnnser Ohaim, fürst vnnd wolgeborn, vnnsere liebe getrewen Georg Hertzog Zu Lignitz vnnd Brigg Inn Slesien, vnnd Zbincko Berka
von der Daube, auf Stradonitz des Männlichen Prieorats Obrister Maister, vnnser Cämmerer, vnnd vmb ain vertrag so Zwischen den Hochgebornen vnnsern fürsten vnnd lieben getrewen Hainrich
des hailigen Römischen Reichs Burggraue Zu Meissen, Grauen Zu Hartenstain, Herrn Zu Plawen vnnd Gera(e)t(c) vnnsern Rath, Cämmerer vnnd des khünigreichs Behaim Obristen Cantzlern
Zwischen Inen gehandelt vnnd beschlossen vorgebracht, vnnd darauß diemütig gebetten, das wir denselben alls Römischer, Hungrischer vnnd Behaimischer khünig gnedigist Zu Consenntirn
vnnd Confirmiern gerüchten, welchs Innhalts von wort Zu wort also lautt, Im namen der hailigen Dreyfaltigkhait Amen, Zuwißen seye Iederman vnnd All(e)n, sich Irrunngen vnnd
gebrechen Zwischen dem durchleuchtigen vnnd Hochgebornen fürsten vnnd herren, Herrn Georgen Hertzogen Zu Lignitz vnnd Brigg Inn Slesien an ainem, vnnd dem Hochwirdigen Wolgebornen
Herren, Herren Zbincko Berka von der Daube auf Stradonitz Röm(isch) k(üniglicher) M(ajestä)t Cämmerern vnnd des Prieorats Zu Behaim Obrister Maister anndernthails, seiner gnaden Commendatorn vnnd ordens ver
wandten, der Commendterey, vnnd heüser Oels, Liny, Brigg vnnd lossaw, auch Iren all(e)n vnnderthanen vnnd güettern annderthails, Zuegetragen vnnd erhalten, Inn dem das der Hochgedacht Hertzog
sich etzlicher gerechtigkhaitten, an den genanndten Commendtereyen Iren khirchen, heüßern, vnnd vnnderthanen, angemaßt, darab aber der Herr Maister vnnd Commendatores, seiner fürstl(ichen) gnaden
nicht Zuegethan noch einreümen, sonnder gegen I(rer) fürstl(ichen) gnaden, ganntz frey vnnd von derselben Cämmer fürstl(ichen) gnaden vnbeschwerdt bleiben wöllen, Alls seindt sie allersaits durch den auch durch
leuchtig Hochgebornen fürsten vnnd herren, Herrn Hainrichen des hailigen Römischen Reichs Burggrauen Zu Meissen, Grauen Zu Hartenstain, Herrn Zu Plawen vnnd Gera(e)t(c) Röm(isch) k(üniglicher) M(ajestä)t
Rath Cämmerer vnnd des Khünigreichs Behaim Obrister Cantzlern, Inn I(rer) fürstl(ichen) gnaden, mit Iren all(e)n wißen vnnd güeten willen, der sachen Zwar Zwiespalt, gründtlich vnnd enttlich ver
glichen, verainigt vnnd vertragen, Also das E(r)n(en)t(e) Commendatores, I(re) khirchen, heüser vnnd vnnderthanen hinfüro gegen den Hertzogen Zu Lignitz vnnd Brigg Ietzigen vnnd Zuekhünfftigen
aller vnnd Ieder vnndterthenigkhait, I(rer) fürstl(ichen) gnaden, I(rer) fürstenthumb, vnnd dem Iüngsten Slesischen huldungen, besuchung der Hertzogen außgeschriebenen lanndtäge, steüren, dienste vnnd annders
ganntz frey sein vnnd bleiben sollen, Vnnd Hertzogen darwider, es sey bey leben oder nach absterben, der Commendatorn, oder derselben Ambtleütten, vnnd verwaltern, gar nichts Zuegebieten, Zuebe
uelen, Zuerichten Zueschaffen, noch Zuerkhennen haben sollen, Sonnder S(ie) sollen I(rer) gueten ganntz frey, I(rer) fürstl(ichen) gnaden gefallendt, geniessen vnnd gebrauchen, Wierden aber I(re) fürstl(iche)
gnaden lanndtäge Inn der khüniglichen M(ajestä)t Zu Behaim, Alls Obrister Hertzog Inn Slesien, I(re) geschefften außschreiben, so sollen die Commendatores, dieselbige Zuebesuechen, vnnd die khüniglichen steüren,
des Hertzogs steüer einnemmern Zueanttwurtten schuldig sein, Wann aber vnnd offt das fellen, die Hertzogen Zu Lignitz Obgemellte Commendatores vnnd I(re) vnnderthane vor sich selbs, mit
khainen steüren Zuebelegen macht haben, Zu geschefften, wann auch ainer außwunder, fürstl(ichen) gnaden Inn I(re) Regiment des fürstenthumbs Brigg eintritt, so sollen sie die erste steüer gleich andern
seiner f(ürstlichen) g(naden) vnnderthanen, erlegen, vnnd darneben bey derselben fürsten leben vnnd regierung den Hertzogen Zu Brigg vnnd Lignitz gar kain steüer weitter Zueanttwurtten schuldig noch pflicht
tig sein, vnnd es solchs von Inen nicht geschehe, vnnd der Obrist Herr Maister die Zeit Inn landt bloß were, So sölle durch sein gnad, oder Inn abwesen derselben, durch den Commendteür, oder desselben
haubtman, aüch seiner f(ürstlichen) g(naden) Zureden, darzue menniglich verholffen werden, wie dann Inn gleich fellen, mit der khüniglichen steüer, aüch geschehen sölle, Vnnd Im fall das die
Hertzogen Inn Brigg Inn I(rem) lanndt von Iemandt vberzogen, vnnd bekrieget wierden, Vnnd S(ie) von den Commendatorib(us) Obberüertten heüßern, die Ritt(er)diennst, vnnd folg begeretten,
vnnd I(re) f(ürstliche) g(naden) die S(ie) Zu I(rem) lanndt, vnnd leütten Ritt(er)lichen Ordens S(anct) Iohannis Hierosolimitani nicht mer, da sölle aüch I(re) f(ürstliche) g(naden) I(re) f(ürstliche) g(naden) vnnd I(re) heüser, I(re) besatzung, vnnd
versehen, dieselbige gleich I(rer) f(ürstlichen) g(naden) vnnderthanen gethan vnnd gelaist werden, Das sölle Hochgedacht khünig von Behaim, vnnd gemain Orden, klar außgeschlossen sein, Vnnd
weil Hochgenannter Hertzog Georg seiner f(ürstlichen) g(naden) des landts Brigg Ietziger Zeit Baider, hat der Herr Maister sein gnad auf I(re) beger vnnd ansuechen, I(rer) fürstl(ichen) gnaden guetwillig gewilliget, das
mehr ernennter Ordenns heüser vnnderthane seiner f(ürstlichen) g(naden) Zu dissem Bawt von Dato Zway Iar lanng vnnd nicht lennger gleich seiner f(ürstlichen) g(naden) vnnderthanen, mit fieren vnnd handtbarckhafft dienen
sollen, Dargegen sollen aüch die Hertzogen Zu Lignitz den Orden, vnnd den Iren, Inn vorsteenden beschwerungen, hülff fürdderung Rath vnnd gewaltigkhait Zuerzaigen schuldig sein, Lats
dann aüch ains ebermalten Irrungen, sich Zuegetragen, das der Herr Maister Dergleichen der Cämmer Zue Liny, vnnd etzliche darzue geherend, vnnd wie baid Inn schaden vnnd vnrechten gespüret
hat der Herr Maister Hochgedachten baiden f(ürstlichen) g(naden) Zu ehrn vnnd gefallen, sölchen all(e)n anrechten, vnnd was sich darvnnder Zuegetragen, aüch begeben, vnnd fallen lassen, Alls aber der Herr
Maister, sich sambt mehrer artickl, was Hertzogthümber, güettern vnnd anndern Belanngenndt, für sich vnnd seine Commendatores vber Hochgedachten Hertzogen beschwerdt, fall darzue Iedes taills
Zwe Personen derhalben gnedig Zuesammen Züeröden, sich geben, vnnd Ordnen, vnnd wo dieselbigen gebrechen, durch S(ie) vnvertragen, verbliben, so sollen dieselben, vier Personen, macht haben, darzue
rechtlich Zueschreiten, Solichs alles obsteet haben baid taill, Alls Hochgedachter Hertzog Georg, vnnd der Herr Maister einannder, Vnd I(re) erben vnnd nachkhumben, stet, vesst, vnzerbrochen, Zuehallten, Zuegesagt, vnnd
versprochen, Vnd wir anngesehen vnnd bedenckhendt, das sich aüch in vnnserm anngemaste haillige dienste, ist vnnd vnnsern vorfarn, von baiden taillen offt nützlich
geschehen, vnnd hinfüro wol geschehen soll, vertrag, vnnd darinnb bliben vertrag, mit Zeitlichem guetter vorbetrachtung, vnnd beschlußung vnnser Räthe des Khünigreichs Behaim, vnnd lieben ge
trewen Rath, ganndtz Zuesammen khom(m)en, vnnd bewilliget, Consenntirn, Confirmirn, vnnd bestetigen, denselben, Inn all(e)n I(re)n, artickh(e)ln, puncten, vnnd beschaidenhait, Alls Obrister Hertzog Inn Slesien, vnnd
alls Obrister Hertzog Inn Slesien, Krafft diß brieues, Zue ainer steten vnnd wöllen, das der Inn all(e)n seinen artickh(e)ln, vnnd puncten, von Iederman, von vnnd Inn I(re)n,
bruchloß gehallten werden soll, Vrkundt besigelt mit vnnserm khüniglichen anhangenden Innsigel, Geben ist auf vnnserm khüniglichen Schloß Prag den vier
vnndzwaintzigisten tag Ianuarij, Nach Christ vnnseres lieben Herren geburt, tausent fünffhundert vnnd Im Zwayvnndfunfftzigisten Iaren, vnnserer Reiche des Römischen Im Zway
vnndzwaintzigisten, vnnd der anndern All(e)n Im Sechsvnndzwaintzigisten.
Ferdinand