Dieser Vertrag ist gemacht worden Zwischen Herzog Georgen
Von Brieg Vnndt die Ordens Heüßer betreffende.

Wir Ferdinandt Von gottes Genad(en) Röm(ischer) König(licher) Zue allen
Zeiten Mehrer deß Reichs In Germanien, Zue Hungern, Böhmen,
Dalmatien, Croaten, König, Ertzhertzog Zue Osterreich, Mar
graff Zue Mähren, Hertzog Zue Lützenburg Vnndt in Schlesien,
Marggraff Zue Laußnitz, bekennen, Vnndt thun kundt Vor
Meniglichen, daß vor vnß komen vnndt erschienen seindt
der Hochgeborne Vnser Ohm Fürst Vnndt Wohlgeborne
Vnser Lieber Hertzog Geörge Zue Liegnitz Vnndt Brieg
in Schlesien, Vnndt Zbinck Bercka Von der Dauba auf
Strackonitz, deß Böhmischen Priorats Obrister Meister
Vnser Cammerer Vnndt Vns einen Vertrag, So durch den
Hochgebornen Vnsern Fürsten Vnndt lieb getreuen, Hainrich
deß Heiligen Römischen Reichs, Burggraffen Zue Meissen,
Graffen Zue Hartenstain, Herrn Zue Plauen Vnndt Geraw
Vnser Rath Vnndt Cammerer, Vnndt deß Königreichs
Böheimb Obrister Cantzler Zwischen Ihenen gehandelt
Vnndt beschloßen, fürgebracht Vnndt darauff demütiglich
gebetten, daß wir denselben, Alß Röm(ischer) König(licher)
auch Vnndt Böhmischer König gnedig Zue consentiren
Vnndt Confirmiren gerueheten, Welcher Innhalt Von
Wortt Zue Wortt also Lauttet. Im Nahmen
der Heiligen Dreyfaltigkeit, Amen. Zue wissen Sey
nach dem Vnndt alß sich Irrungen, Vnndt gebrechen Zwischen
dem Durchleuchtigen, Hochgebornen Fürsten Vnndt herren
herren Geörge Hertzogen in Schlesien, Zue Liegnitz
Vnndt Brieg, an einem Vnndt dem andern, alß dem
Hochwürdigen Wohlgebornen herrn herrn Zbincko Bercka
von der Dauba auff Strackonitz Röm(ischer) König(licher) May(estät)
Cammerer, Vnndt deß Priorats in Böheimb Obristen