NOS FERDINANDVS TERTIVS DEI GRATIA HVNGA-
riæ, Bohemiæ, Dalmatiæ, Croatiæ, & Sclavoniæ &c. REX, Archidux Austriæ, Dux Burgundiæ, Marchio Morauiæ, Dux Luxemburgensis, & Silesiæ, Styriæ, Carinthiæ, Carniolæ, & Wirtenbergensis, Marchio Lusatiæ, Comes Habsburgensis,
sis, Tyrolis & Goriciæ &c. Ad perpetuam rei memoriam, præsentium tenore, Nostro, Hæredum, Successorum nostrorum futurorum Regum Bohemiæ nomine, omnibus ac singulis, ad quos hæ literæ nostræ peruenerint, præ-
sentibus, & futuris notum facimus, Quod, cum nuper singulari deuotionis affectu, quo erga gloriosissimam Virginem DEI matrem ob eximia in nos collata beneficia, humili mente ferimur, Slovanensem Ecclesiam, cum Mo-
nasterio Nobis, accepta convenienti satisfactione & compensatione, a tunc Abbate & Religiosis, libere & spontanea voluntate, prævio etiam consensu quorum interest, resignatam & datam iterum Religiosis eius-
dem Ordinis Divi Benedicti e Cœnobio Hispaniæ Montis Serrati evocatis, ut ibidem eidem Virgini Matri sub titulo Montis Serrati, perpetuas laudes concinant, & devota Servitute famulentur, benigne tradi curaverimus;
certam ulterius conventionem, seu Instrumentum octava die Junij, Anni currentis inter Venerabiles, devotos nobis dilectos Joannem Pennonem Abbatem Brunoviensem Ordinis S(ancti) Benedicti Visitatorem, Casparum de
Questenberg, Monasterij Beatæ Mariæ Virginis Montis Syon, vulgo Strahoff appellati Abbatem, Sacri ordinis Præmonstratensis, per Bohemiam, Moraviam & Silesiam Visitatorem, & Vicarium Generalem,
& Benedictum de Penalosa S(anctæ) Theologiæ Magistrum, & Montis Serrati Hispaniensis conventualem, nunc Slovanensem, seu Divæ Virginis de Monte Serrato Pragæ Abbatem confectum, & omnium partium
consensu firmatum fuisse: Quam conventionem, & confectum Instrumentum humiliter a partibus requisiti, etiam pro Regia authoritate nostra, maxime qua nostra interesse, vel interesse posset, ne
quid ex simili harum Ecclesiarum permutatione uni vel alteri parti futuris temporibus damni seu periculi eveniat, clementissime confirmamus, ratumq(ue) decernimus. Videlicet, posteaquam ad
Nostram benignissimam requisitionem dictus Abbas Strahoviensis jus suum, quod in Ecclesiam S(ancti) Nicolai prope forum Veteris Civitatis Pragensis sitam habuit, una cum domo eius parochiali, etiam devoto no-
bis dilecto, Adamo Benedicto Bavorowsky, Slovanensi olim Abbati (excepta tamen parochiali administratione in supradicto Instrumento reservata) cesserit, dederit, ac tradiderit. Nos quoq(ue) ex Regiæ
potestatis plenitudine, pro Nobis, hæredibus ac Successoribus Nostris, futuris Bohemiæ Regibus, ipsi Abbati olim Slovanensi, ipsiusq(ue) Successoribus quicquid juris vel prætensionis in eadem Ecclesia ac domo
parochiali S(ancti) Nicolai habemus, aut habere possemus, clementer renunciamus, & in eum transferimus: Insuper omnia Privilegia, quibus ipse & Prædecessores ejus Abbates Slovanenses legitime gauisi sunt, & qua-
licunq(ue) Nostra, uti Regis Bohemiæ approbatione, consensu, vel ulteriori confirmatione egent, in primis vero locum seu sessionem in Comitijs, prout antea habuit, gratiose indulgemus, concedimus, reservamus &
confirmamus. Vicissim autem pro hac a supra nominato Abbate Strahoviensi prædicto Abbati olim Slovanensi, facta libera, spontaneaq(ue) præfatæ Ecclesiæ S(ancti) Nicolai cessione, & traditione, ipsi Abbati
Strahoviensi, Successoribus eius, ipsiusq(ue) Ordini Præmonstratensi omne jus quod in Ecclesia S(ancti) Benedicti, Cœmiterio, eiusq(ue) pertinentijs, in antiqua Civitate prope fossam sitæ, Ecclesiæq(ue) Syonensis filiali possidemus, habe-
mus, vel habere possemus, ea, qua supra, Regia authoritate, damus, conferimus & concedimus, ac omnia supradicta perpetuis valitura temporibus rata, firma haberi volumus, absq(ue) ulla Nostra, vel Successorum nostrorum futu-
rorum Bohemiæ Regum, aut cuiuscunq(ue) hominum oppositione vel contradictione: Ac demum pro maiori supradictorum robore ac firmitate, apud Sedem Apostolicam quatenus hæc omnia eius quoq(ue) authoritate debito modo
approbentur ac confirmentur, instanter curabimus. Quorum in fidem & evidens testimonium hasce manu Nostra Regia subscriptas, Sigilli Nostri Regij appensione communiri jussimus.
Hailbron vigesima prima Mensis Julij Anno a partu Virgineo Millesimo Sexcentesimo trigesimo quinto Regnorum vero Nostrorum Hungarici decimo & Bohemici octavo.