LEO PP. XIII.
Ad futuram rei memoriam. Omnium saluti paterna charitate intenti, sacra interdum
loca spiritualibus Indulgentiarum muneribus decoramus, ut inde fidelium defunctorum animae, D(omini) N(ostri) Jesu
Christi Eiusque Sanctorum suffragia meritorum consequi, et illis adiutae ex Purgatorii poenis ad aeternam
salutem per Dei misericordiam perduci valeant. Volentes igitur Collegiatam et Parochialem Ecclesiam sub
titulo S(ancti) Wenceslai Mart(yris) loci Veteris-Boleslaviae dioecesis Pragensis, et in ea situm Altare in honorem
SSmae Crucis dummodo praeter unum in perpetuum et aliud vi facultatis a S(ancta) Sede Ordinario forte
concessae designatum vel designandum nullum aliud inibi privilegiatum Altare reperiatur, hoc specia
li dono illustrare; de Omnipotentis Dei misericordia, ac B(eatorum) B(eatorum) Petri et Pauli Ap(osto)lorum Eius auctoritate con
fisi ut quandocumque sacerdos aliquis secularis, vel cuiusvis Ordinis, Congr(egatio)nis, et Instituti regularis
Missam pro anima cuiuscumque christifidelis, quae Deo in charitate coniuncta ab hac luce migraverit
ad praefatum Altare celebrabit anima ipsa de thesauro Ecclesiae per modum suffragii Indulgentiam
consequatur ita ut D(omi)ni N(ost)ri Jesu Christi, B(eatae) Mariae Virg(inis) Imm(aculatae) et omnium Sanctorum meritis sibi suffragan
tibus a Purgatorii poenis, si ita Deo placuerit, liberetur concedimus et indulgemus. Contrariis non obstan
tibus quibuscumque. Praesentibus ad septennium valituris. Datum Romae apud S(anctum) Petrum sub An
nulo Piscatoris die XXIV Januarii MDCCCCII. Pontificatus Nostri Anno Vigesimoquarto.
Pro Dno Card(inali) Macchi
Vidimus, Pragae, die 8. februarii 1902.
+ Leo Cardinal(is) de Skrbensky N. Marini
Archiepp(iscopu)s Pragen(sis) Sub(stitutus)