Wir Ludwig von Gottes gnaden Landtgraue zu Hessen Graue zu Catzenelnbogen Dietz Ziegenhain vnd Nidda Thun Kunth hieran offentlich bekennendt Nach dem weilandt der Hochgeborn Furst Herr Philips
Landtgraff zu Hessen vns(er) geliebter Herr Vatter lobseliger gedechtnis mit seiner gnaden halben Hoff zu Rodenhausen etwan Eberhardten von
Rodenhausen belehnt Welcher auch eitelns sein Eberh(ardts) Sohn vnnd Erffarn von vns am Viertzehenden Junij des Verschienen Funfftzehen Hundert
Neun vnnd Sechtzigsten Jahrs lehenß empfangen Vnnd aber Wir Jetzunder den andern halben theil gemelts vnnsers Hoffs zu Rodenhausen vnsern lie
ben getrewen Adolffen vnd Hans Wilhelmen vonn Rodenhausen gebrudern zu einem V(er)trew Rechten Manlehen anzeuweißen vnd zueignen aus gna
den bewilliget Das Wir darauff ermelte Adolffen vnd Hans Wilhelmen von Rodenhausen ampt vnd sonder mit berurtem halben Hoff zu Ro
denhausen sampt der Hoffraidt gartten Ackern Wiesen Bundt trifften vnd anderer zugehorigen gerechtigkeiten Wie dieselb bißda
hero von vns durch vnsern benanten Jahrlichen Zins lehenßweiß Innegehabt hatt von Newem zu rechten Manlehen belehnt haben vnd thun solchs
hiermit vnd In Crafft dis brieffs Also da s genandte Adolff vnd Hans Wilhelm sampt vnd sonders vnd Jere Man lehens Erben solichen halben
theil des Hoffs von vns vnd vnsern leibs Erben Vnnd In mangel derselben von vnsern freundtlichen lieben Brudern Herrn Wilhelmen Herrn Philipsen
vnd Herrn Georgen allen Landtgrauen zu Hessen vnd Jren leibs Erben Manlichen eiges Erben Vnnd Wan vnsers Manschen stambs Vonn allen theil
len nit mehr sein Wurd alsdann von vnsern Vettern den Chur vnd Fursten Hertzogen zu Sachssen Vermoge der Erbverbrüderung zu Rechten Man
lehen Haben tragen Verstehen Verdienen vnnd empfahen so offt vnd dick das noth Ist Vnser vnd vnser Erben getrew Man vnd vns mit hulden
Eyden vnd pflichten darumb Verbunden sein vnser bestes Werbern vnsern schaden allenthalben trewlich Warnen vnd alles ander thun was ein Man
vnnd Vnderthan seinem herrn schuldig Ist Ein Insonderheit aber das sie vff diesem Wie auch dem andern halben theil des Hoffs Vnnd also auff dem
gantzen Hoff Rodenhausen ahn vnser hoch vnd Oberkeit so Wir vns zuuorbehalten nichts entziehen lassen sonder dieselb biß ahn vns trew
lich handthaben sollen Zumal den Hans Wilhelm vor sich vnd seinen Bruder vns ein Eydt zu Gott geschworen vnd des ein sein Reuers gegeben
Hatt alles ohn geuerde Zu vrkundt haben Wir vns mit eignen handen Vnderschrieben vnd vnser Secret ahn diesen brieff wissentlich
hencken lassen Geben zu Marpurgk ahn funfftzehenden Martij Im Ihar vnsers herrn Funfftzehen hundert achtzigk vnnd Zwey