Wir Burgermeister vnd Rathsmane des Städtleins Podtworzamb, Entbitten allen vnd einem Jeden
Insonderheit, hohes vnd Niedriges Standes, was würden, dignitet, oder wes stants die seint, denen dieser Offene Brieff
sehen oder zulesen vorkumbt, vnser freundlichen grueß vnd gantz bereitwillige dienste, beuorab, ein ieden gebühr,
gen vnd thun Kundt hiemit allermeniglichen, das vor vns In vnsern Raths erschienen Martin Steinwachs, weilandt ~Hanns~
Steinwachs, des todt gewesenen mitbürgers seligen Verlassener Sohn, Zaiger dises, vmb gehorsamblichen Zue spruches gebeten
wir daben sich vmb sein handtwerckh, so er erlernet, In andern weg Zue begeben, Vnd derwegen mit gantzem fleiß vnd
gehorsamb bittlichen angebracht vnd gebeten, wellen Ime der bürgers pflicht vnd Manhafft, darunder er bißhero gestanden,
~ver~müg vnsers Priuilegien vnd begnadung, Verwandt vnd Zuegethan, Entschlagen, Weilen wir dan einem Je
den sein vorhaben gerne gönnen, auch vnsere Zuebefördern als hindern, genaigt sein, haben wir Ime sein bittliche
begehren, kleglichen nit abschlagen, Sondern hiermit in Crafft dises Brieffs abgenanten Martin Steinwachs aller bürger
Pflicht, Recht vnd gerechtigkeit, vermüg abermals vnser Priuilegien, begnadung vnd freyheiten, Sambt aller Ime habenden
gerechtigkeit, thun Ime ledig vnd loß Zelen, Belanget derwegen hiermit ahn alle vnd an einem
Jeden insonderheit, was würden, dignitet, Standes oder wesens die seint, ahn welche vnser gedachter Martin Steinwachs mit
disem vnserm Brieff ankhomen, vnd sich Niderlassen bedacht sein mochte, sie wellen Ime, auff vnsere ahnnemen, gunst
vnd genaigten willen, beistehen vnd Ime seines handtwercks, ehrlichen haltens vnd wissentliches abscheides gewisßlichen
entschülden lassen, Entgegen wir auch solches, andern Iren theil, wegen Jedermeniglichen Insonderheit bey einem Jeden,
mit höchster alles billichen gehorsambs, Zunaigung vnd verhalten wissen, Verschulden solches auch vor vns vnd den vnsern vmb
einen Jeden der gebühr nach willig vnd erendtlich, Zue Vrkundt haben wir Ime das Städtleins Jnsigel Zue
Ende dises Vnsers brieffs mit wissentlichen anhangen an trucken lassen, Geschehen vnd gege
ben in Städtlein Podtworzamb, Montag nach Jnuocauit, Welcher war der Zwölffte tag Februarij, nach der geburt Chri
sti vnsers herrn Erlösers vnd Seligmachers, Jm Sechtzehenhunderten vnd Sechs ten Jare.