Ich Rudolf von Kadelburg vogt vnd Richter ze Clingnow an des Erwirdigen mins genedigen herren stat p(ri)olf(er)t hainrichs von costentz tůn chund allen den die disen prieff
anschent lesend oder horend lesen daz ich an vnser frowen abend zer liechtmess in der stat ze clingnow offenlich ze gerichte saz vnd chomen fur mich vor gerichte vnd in gerichtes
wise der Edel frie herre her Thuring von prandys Riter der Elter an ainem tail vnd frow katherina von Wiffenburg des obgenanten hern Thurings von prandys Elichen husfrow
mit hern hugen von Gůtenburg ainem frien herren vnd Riter als mit irem rechten vogte wan es ir da ze mal vor gerichte mit willen vnd gunst des obgenanten h(er)n Thurings
ir Elichen mannes ze vogte geben ward an dem andern taile vnd chomen ze gemåle vor mich vor gerichte vnd in gerichtes wise der obgenant her Thuring von prandys wolbedacht
sins an wimgenlait vnd mit gesuntem libe mit Johansen dem gretzer gen(ant) Bueltzer ainem burger von clingnow als mit sinem fursprechen waz in och der selb Johans gretzer da ze
male ze gerichte mit dem rechten ze fursprechen gegeben ward vnd laite fur er durch nutz vnd notdurft vnd fur künftigen gebresten schaden vnd chrieg sin erben genzlich in ain fri
vnd willen chomen wære daz er zů disen ziten besæzen vnd Jme herti vnd in zů gehorte es wære von lehen aigen Erbe pfantschaft oder pfantschilling bůwschatz vnd bůwenuetz besůcht vnd
vnbesůcht daz es ze disen ziten Jme herti vnd in zů gehorte oder har nach iemer gewunnen mochte es wære dan lútzel oder vil wa es danne gelegen wære da bi sin mainung wille
vnd ordenung wære vnd mocht wære daz got wolt in gebieten daz er ee von dir welte vnschiet ee sin elgemåhel diese husfrowe frow katherina von Wiffenburg wære er denn chinder
Jm liesse nach sinem tode als vörgescriben stat daz in da alles ane alles sumen hindern vnd irren volgen vnd werden solte der obgenanten frow katherinen von Wiffenburg siner
Elichen husfrowen vnd daz si och daz selb gůt vnd erbe ze ende ir wille stætlich vnd Ewiklich Jme haben vnd niessen solte ir handen nutz vnd gewalt ane menglichs sumen vnd
hindern vnd och mit den gedingen wenne si nicht me wære daz daz selb gemechte vnd erbe genzlich wideruallen vnd werden solte lediklich ane allermenglichs sumen vnd hind(er)n
von chinden die si bi ain ander hand vnd chnaben sind vnd nicht den tochteren wan och die tochteren ir erbes genzlich vsgerihtet sind nach des landes gewonhait vnd recht
vnd laite der obgenant Johans gretzer fursprech des egenanten h(er)n Thurings von prandys da ze mal mit ainer vrteil ze erlútende wie der selb h(er) Thuring sinen willen vnd
mainung als vörgescriben stat vollefůren vnd vollbringen mochte daz es im vnd har nach chraft vnd macht haben mochte vnd solte an vmb antwurtet offen den aid vmbgesagter
vnd wært och an vmb erteilet offen den aid wa der obgenant h(er) Thuring zů gretzer da gestůnd an gerichte vnd sich alles sins gůtes aigens lehens vnd erbes so er da ze mal hetti oder
har nach iemer gewunnen mochte als vörgescriben stat verzige vnd vfgæbe genzlich in des obgenanten h(er)n huges hand von Gůtenburg zů der Egenanten katherinen von Wiffenburg hande
wan si och da ze male vor gerichte der selb h(er) huge ze ainem rechten vogt gegeben ward daz es denne von baiden tailen im vnd har nach wol chraft vnd macht haben solte vnd mochte
da selb vollefůrte och genzlich der selb h(er) Thuring mit der hand mit munde mit worten vnd werchen vnd mit alle den geziere so dar zů horte vnd notdurftig waz von rehtes oder
von gewonhait och offnet da gemåle vor mir in gerichtes wise der obgenant h(er) huge von Gůtenburg vogt der obgenanten katherinen von Wiffenburg vnd von der selben katherinen
gretzer vnd in irem namen mit hainrich Gesterer den man nennet p(ro)bst burger ze clingnow als mit sinem fursprechen der Jnen och da ze mal vor gerichte ze fursprechen geben ward
vnd sprach sider der obgenant h(er) Thuring von prandys ir elich man ir also fruntlich tugentliche vnd getruwlich versorgt vnd bewårt hetti nach sinem tode so wære och ze gelicher wise
ir wille vnd mainung genzlich och mit ainst wære daz si ee verschi von dir welte dan ir egenanter elich man h(er) Thuring wær si danne chinder ir liesse nach ir tode daz si ietz besessen
vnd Jme herti vnd in ir gehorte oder har nach gewunnen mochte an aigen lehen Erbe pfantschaft vnd pfantschilling wie es denne genemmet vnd wa es gelegen wære vngeschaiden
daz och daz alles genzlich ane allermenglichs sumen vnd hindern volgen vnd werden solte dem obgenanten h(er)n Thuringen von prandys irm Elichen manne gesinen handen vnd
in sinen nutz vnd gewalt aines ze ende siner wille vnd och mit den gedingen wenne der selb h(er) Thuring nicht mere wære daz och denne nach sinem tode daz selb gůt vnd gůte
genzlich werden vnd volgen sol stætlich vnd Ewiklich den chinden die si bi ain ander hand vnd die chnaben sind vnd nicht den tochteren wen aber daz die chnaben och abgiengen vnd
nicht wæren so sol daz selb erbe denne geuallen hin an vnser baider rechten Erben daz ward och da ze mal vollefůrt vnd vollebracht mit dem rechten vnd mit gesunnere vrtaile als
vor mir in gerichtes wise an vmb vff den aid erteilet ward daz es och im vnd har nach wol chraft vnd macht haben sol vnd mag vnd stæt beliben ane alles wandelon vnd wider
růffen von allen gaistlichen vnd weltlichen Richtern vnd ist ze wissend daz ellú disú vörgescriben dinge gedinge vnd gemecht volbracht vnd vollefůrt sind mit aht der behugte vnd
gewonhait worten vnd werchen mit geziere vor gerichte vnd in gerichtes wise vnd mit alle den dingen so von reht oder von gewonhait des landes oder der stat da zů horte
vnd notdurftig waz ane alle geuærde vnd als disú vörgescriben dinge ze ainem enden chomen sind vnd meren stæticheit hab ich der obgenant Rudolf kadelburg vogt ze clingnow von
der vörgescriben baider tail bete wegen erbeten den obgenanten minen herren p(ri)olf(er)t hainrich von costentz daz er sin p(ri)olf(er)tlich Jnsigell gehenket hat an disen gegenwurtigen prieff
fur mich wånd och ich von sinen vnd sins gerichtes wegen vmb d(er) stat vnd gerichtes da gemecht was als vörgescriben stat des och wir d(er) obgen(ant) p(ri)olf(er)t hainrich von costentz offenlich
veriehen daz wir von bete wegen des Egenanten Rudolf von kadelburg vns(er)s vogtes vnd d(er) obgenanten baider tailen wegen ze merem vrkúnd vnd zúgnuss vns(er) p(ri)olf(er)tlich Jnsigell an disen
vnser Jnsigell gehenket hand an disen prieff Wir Thuring von prandys obgenant hugo von Gůtenburg vogt der obgenanten frow katherinen von Wiffenburg vnd ich die selb frow
katherina von Wiffenburg ege(nant) bekennen vnd veriehen fur vns vnd alle vnser erben daz ellú disú vörgescriben dinge vnd gedinge so hie vor an disem prieff mit worten stand wol
gerichtet vnd in gerichtes wise mit vnser aht wissend wille vnd gunst ordenung vnd verhengmuss beschehen sind volbracht vnd vberwundenlich vnd mit gůter vorbetrachtung
vnd der selben dingen ze ainer noch meren stæticheit hab ich der selb Thuring fur mich vnd min erben vnd ich der obgenant hugo von Gůtenburg vogt der obgenanten katherinen
von Wiffenburg fur si vnd all ir erben vnd nachkomen vnserú aigenú Jnsigell gehenket an disen prieff vnd sind die die gůtigen die Erbn lúte die hie nach gescriben stand
vnd die vor gerichte ze gůgen warent vnd vmb dis sache erteilton h(er) haintz von weste Riter h(er) hug von thessain hainrich vnd Johans tschúli gebrůd(er) haintz bebler
vnd frie selli Jacobs haintz osterhellin vnd Johans geberlinger vnd and(er) Erber lúte genůg des bestæte vnd ist dis prieff geben ze clingnow an der vörgen(ant) vnser frowen abend
des Jares do von Gotes geburt warent drúzehenhundert Jar dar nach an dem ainen vnd sechtzigosten Jare