Wir Vlrich vnd Johans Landgrauen von Leuchtenb(er)g bekennen offenlich mit disem brief daz wir mit wolbedachtem mut mit gut(er) vorbetrachtung vnd rat(e)
vnser freunt vnd dien(er) vns(er)r gesworen vnd gelobt habn daz wir vorgenant(er) Johans der Landgraue Juncfrawen Margreten der edeln vnser(er) liebn sweg(er)
zu Beraun vnd frawen Gosten von Rostenberch ir swest(er) zu ein(er) eeleichen wirtinne sulln nemen vnd sulln auch wir der selb Johans d(er) Landgraue sy in furen inn
wendig d(es) nehsten iars frist an alle geuerde Wir sulln auch ir gebn Tausent schok gut(er) breiter prag(er) grozzen zu wid(er)legung ir heymstewr in stet(er) be
weysung si d(er) selbn gesaming vff vnser(er) vesten Pfreymbt genant vnd stet(er) da sulln auch ir darzu schikn vnd beweisen hundert schok geltz gut(er) preit(er) prag(er) grozzen
vff den nehsten vnser(n) gutern bi dem pfleigern gelegen nach beweislichem rechten an alle geuerde Wir sulln auch wir si daby ob ez zu schulden chvmt entlich behalt(en)
alz and(er) vnser(er) eygenscheften gut an alle geuerde Vnd sulln auch wir darzu schikn daz ir vnser amptman den wir dann da selbest habn huld vnd swer entlich
mit d(er) eygenscheft purgs vnd stet(er) vnd mit ir zugehorung alz vorgeschribn stat zeu dinsten an alle geuerde Wer auch daz wir ein and(er)n amptman an daz selbn
stat seczen wolten daz sulln wir tun mit irem wizzen vnd sol auch dann d(er) selb vor hulden in swer in zeu dinsten getun vnd volfuren allez daz d(er)
vord(er) solt getan habn an geuerde Vnd darumb seczen wir in zu purg(en) an purgen die edeln vnser liebn oheim Gosten vnd Albrecht brud(er)n zu Rutenb(er)g
die vesten Ritt(er) h(er)n Albrecht den Nothaft h(er)n Arnolt von Ekkendorff geudner von Gem(m) h(er)n Ewrin von h(er)n Herman von Weydenberch wir die egnanten
purgen bekennen gesaigen vnd gelobn in bi guten trwn allez daz zehalten daz vor vnd nach geschribn stat mit dem geding Wer daz in an den vorgenanten
sachen vnd stuken dhein pruch od(er) vngemach geschech so habnt si gewalt die purgen zemanen die sulln in d(er) manung vngezogenlich in yeglicher ein drit(er)
dien(er) mit eim knecht vnd mit zwain pfardn legen gen Tachaw in offen wirt huser Vnd sulln die also in d(er) leistung innum chomen alz lang vncz in
daz pruch vngemach wirt darumb die purgen gemant sint an alle schaden vnd an geuerde Vnd sw(er) d(er) purgen dhein abget so sulln wir in ein alz guten an
daz selbn stat seczen in dem nehsten monad vnd wir darumb gemant werdn ob die and(er)n purgen sulln beleibn in dem vorgenanten rechten alz lang vncz
daz gescheft die si wardn gemant an alle geuerde Wir liezen auch wann wir den Tausent schok vnser(er) genanten wirtinne heymstewr stet(er) vnd
bezalt werdn die sol si habn auf der vorgenanten vesten gen Pfreymbt zu den vorgenanten Tausent schokn da sulln ir dann aber darzu schikn vnd
beweisen hundert schok geltz gut(er) breit(er) prag(er) grozzen auf den nehsten vnser(n) gutern bi dem pfleigern gelegen Wir sein auch den edeln vnser(n) liebn sweg(er)n
h(er)n Heinr(ich) von Rutenb(er)g zu Beraun vnd h(er)n Gosten von Rostenberch allez daz gepundn zu gelten vnd zeuolnmen ob ez zu schulden chvmt alz vnser eygenscheft
wirtinne selbn an alle geuerde Wir bekennen auch in den brief inhalt daz dem sey wir gepundn allez daz zu haltn in zeuolnmen alz in selbn an geuerde
Vnd daz dise vorgeschribn sache vnd geding also alle gancz vnd stet beleibn vnd gehaltn werdn da gebn wir zu vrkunde vnd zu mer(er) sicher
heit in disen brief besiglten mit vnser(n) vnd mit der vorgenanten purgen anhangenden Ingesigeln d(er) gebn ist zu Passaw nach Cristes gepurt
dreuczehen hundert Iar vnd im drey vnd funfzigistem iar an dem nehsten Erichtag vor sand Marien tag d(er) Magdalen(e)