Wir Johans von gotes genaden Byschoff zu olomuncz des Romischen kei
sers Cangler Bekennen vnd tun kunt offenlich mit dysem briue daz
wir haben angesehen die getrewen steten dienste vnser lieben getrewen woc
ken Beneschen Duzlawen vnd laczken von Crawar hern Duzlawen selige
kinder die sie vns vnd vnserm Stifft zu Olomuncz getan haben vnd noch
tun sullen in kunftigen zeiten vnd haben in allen mit gesampter hant vnd
iren elichen leibes erben mannes geslechte vorlihen vnd vorleihen ouch den
anewal vff des edlen mannes hern Jesken von Crawar vnsers lieben getrewen
lehenguten zu kosenow vnd anderswo wo die gelegen sint mit allen iren zu
gehorungen daz sie sulche gut in lehen recht haben vnd vngehindert besicz
zen sullen noch des egenanten hern Jesken tode In sulchem rechte als diesel
ben gut von vnserm stifft zu Olomuncz von alter lehen sint Mit vrkund diz
briues vorsigelt mit vnserm grozzem Insigel der gegeben ist zu Prage noch
Cristo geburt dreizenhundert Jare dornoch in dem Sechs vnd Sechczigstem
Jare an sand Agneten tage der heiligen Junkfrawen