Gregorius ep(iscopu)s seruus seruor(um) dei Dilecto filio Henrico Abbati Monasterij Siloen(sis) Premonstraten(sis) ordinis Pragen(sis) dioc(esis) Salt(em) et ap(osto)licam ben(edictionem). Inter solicitudines innu
meras quibus assidue preuimur illa potissime pulsat et excitat mentem n(ost)ram ut status eccl(esi)ar(um) et Monasterior(um) omnium que n(ost)re diuina prouidencia comissa s(un)t spiritualiter et tempo
raliter augeantur q(uo)d(que) illis que s(un)t destituta pastoribus uacationis incomoda deplorare noscuntur tales ministros preficere studeamus per quor(um) regimen eccl(esi)e et Monasteria ip(s)a
utiliter et salubriter ualeant gubernari. Dudum siquidem quonda(m) Bohuslao Abbate Monasterij Siloen(sis) Premonstraten(sis) ordinis Pragen(sis) dioc(esis) regimini eiusdem Monasterij pre
sidente Nos cupientes eidem Monasterio cu(m) uacaret per ap(osto)lice sedis prouidenciam utilem et ydoneam presidere personam prouisioni eiusdem Monasterij ordinationi et disposi
tioni n(ost)re duximus ea uice sp(eci)aliter reseruandam. decernentes ex tunc irritum et inane si secus super hijs per quoscumq(ue) quauis auctoritate scienter uel ignoranter contingeret atte(m)
ptari. Postmodu(m) uero prefato Monasterio per obitu(m) dicti Bohuslai Abbatis qui extra Roman(am) Curiam debitu(m) nature persoluit Abbatis regimine destituto dilecti filij Con
uentus eiusdem Monasterij reseruationis et decreti p(re)dictor(um) forsan ignari te Canonicu(m) eiusdem Monasterij ordinis ip(s)ius expresse professum et in p(re)sbit(er)atus ordine constitu
tum in eor(um) et dicti Monasterij Abbatem concorditer elegerunt licet de facto. tuq(ue) reseruationis et decreti p(re)dictor(um) similiter inscius electioni huiusmodi illius tibi
presentato decreto etia(m) de facto consenciens eam a dilecto filio Gerhardo Abbate in Steinfeld eiusdem ordinis Colonien(sis) dioc(esis) patre Abbatis dicti Monasterij Siloen(sis) Mona
sterior(um) cui ad Abbatem eiusdem Monasterij in Steinfeld qui est pro tempore tam ex institutis dicti ordinis per sedem ap(osto)licam ex certa sciencia approbatis qua etia(m)
de antiqua et approbata et hactenus pacifice obseruata consuetudine confirmatio electionis Abbatis eiusdem Monasterij Siloen(sis) pertinere noscebatur et decreti huiusmodi etia(m)
ignorantia confirmari obtinuisti etia(m) de facto ac tibi a uenerabili fratre n(ost)ro Iohanne Ep(iscop)o Nauraten(si) habente super hoc a uenerabili fratre n(ost)ro Iohanne Archiep(iscop)o Pragen(si) spe
cialem potestatem munus benedictionis impendi teq(ue) administrationi bonor(um) eiusdem Monasterij Siloen(sis) ingessisti et dictam reseruatione(m) et decretu(m) p(re)dictu(m) ad tuam dedu
cta noticiam premissa omnia proponi fecisti in Consistorio coram nobis Nos igitur electionem et confirmatione(m) huiusmodi ut pote post et contra reseruatione(m) et
decretu(m) p(re)dicta de facto ut p(re)mittitur attemptatas reputantes prout erant irritas et inanes et ad prouisione(m) ip(s)ius Monasterij Siloen(sis) celerem et felicem de
qua nullus preter nos hac uice se intromittere potuit neq(ue) potest reseruatione et decreto obsistentibus supradictis ne Monasterium ip(s)um longe uacationis exponere
tur incomodis paternis et solicitis studijs intendentes post deliberationem qua(m) super hijs cum fratribus n(ost)ris habuimus diligentem demum ad te cui de religionis
zelo litterar(um) sciencia uite mundicia honestate mor(um) et alijs multiplicum uirtutu(m) donis apud nos fidedigna testimonia perhibentur direximus oculos n(ost)re men
tis quibus omnibus uentis dictor(um) Conuentus te eligencium concordi uoluntate attenta meditatione pensatis de persona tua nobis et eisdem fratribus ob dictor(um)
tuor(um) exigenciam meritor(um) accepta eidem Monasterio Siloen(sis) de dictor(um) fratrum consilio auctoritate ap(osto)lica prouidemus teq(ue) illi preficimus in Abbate(m) curam et ad
ministratione(m) ip(s)ius Monasterij Siloen(sis) tibi in spiritualibus et temporalibus plenarie comittendo ac p(re)dictum munus tibi ut p(re)fertur impensum et que per te
circa administrationem p(re)dictam alias tamen rite gesta sunt inoffensiuus et etiam approbamus firma spe fiduciaq(ue) conceptis q(uo)d dirigente domino actus tuos
prefatum Monasteriu(m) Siloen(sis) per tue circumspectionis industriam et studium fructuosum regetur utiliter et prospere dirigetur ac grata in eisdem spiritualibus et
temporalibus suscipiet incrementa. uolumus aute(m) et tibi tenore p(re)sencium mandamus quatinus antequa(m) possessionem administrationis bonor(um) dicti Monasterij Si
loen(sis) accipias fidelitatis debite p(re)stes iuramentum sub forma quam uenerabilibus fratribus n(ost)ris .. Olomucen(si) et .. Luthomisslen(si) Ep(iscop)is sub bulla n(ost)ra mittimus inter
clusam quibus et eor(um) cuilibet per alias n(ost)ras litteras mandamus ut a te n(ost)ro et Roman(e) eccl(esi)e nomine huiusmodi recipiat iuramentum. Quocirca discretioni
tue per ap(osto)lica scripta mandamus quatinus impositum tibi a domino onus regiminis eiusdem Monasterij Siloen(sis) suscipiens reuerenter sic te in eius cura soli
citum exercenda diligentem exhibeas et etia(m) studiosum q(uo)d dictum Monasteriu(m) fructuoso administratori gaudeat se comissum tuq(ue) preter eterne retributionis premiu(m)
n(ost)ram et dicte sedis benedictionem et gratiam exinde uberius consequi merearis. Dat(um) Auinion(e) Id(us) Marcii Pontificatus n(ost)ri Anno Secundo.

Jo. de Stagno
VIII