Wir Stephan der Pvrker von Trautenburch gemeiner Bekennen vnde tůn kunt allen den di disen Prief an sehen oder horen lesen, daz wir vmme den Rat vnde
di lenchevunge di wir vnde der Erber man der Nvdas Pusch so im got genade gemachet twischen dem kriege vnde dem chrienge daz der gaistliche her bruder fri
derich tzu den czeiten abte tzu Sedlicz von seines closters wegen vnde der werde her der herre Pabel von Enchesdorf von sein vnde seiner geselleschafte wegen von ir
acker tayle vmbe daz dritteil tayl der erber der Gruben tzu der Badstuben vnde der Gruben tzu dem Schoppenberch genennet lange czeit hetten gehabet nach ir lai
der willekur auf ein ganczes ende brachten vnde entschaiden hetten allu von newes abestant letwungen sein den selben Rat tzu sagen mit Rechten vrtayle di schop
pen tzu den chütten von des wirdigen herren Maister Heinriches wegen des abtes von Sedlicz vnde seines conuentes vnde des herren des Pabels von Enchesdorf
vnde seiner geselleschafte den selben Rat vnde di lenchevunge in aller der beschaidenhait vnde dem Rechten als wir si vor bayde tzu den selben czeiten nach des wei
sen Mannes des chünrat chücneres vnde bruder Eckleines des conuersen von Sedlicz vnde ander alten vmmsäzzen Rat vnde beweisunge di di vnderschaide ime
acker wol erchinden vor gemachet vnde gesaget haben vnde auch den Rat gebunden haben mit sechshundert schokken grozzer Prag(er) pfenninge also wer in brache oder
strafte daz der vnsern herren dem künige tzwayhundert schok vnde vns dem Rate tzwayhundert schok vnde den lachwölfen tzwayhundert schok laisten sol von
allem seinem gute varnder vnde vnvarnder habe vnertzevnlichen Es chunde von der Rat hye vnde vernemen in an disen briefe daz wir daz tzwischen in gemachet vnde
berichtet haben nach vnser gewissen als wir aller gerehtichait chunden daz tzwischen allen dem tayl vnde acker daz da von den eingegrabenen stainen obwendik der
Badstuben gegen dem alten Newfange vncz an di vberschare her ab Niderwrtig dem Schoppenberge gegen dem Habenstoke ligend ist ez sein gemessen lehen oder vngemessen
gäng oder tzubrochen laid nach des gänges leng vnde auf hängendes vnde auf ligendes der gemaine werk vnde di strazze di tzwischen den vorgenanten tzwayen gruben der
Badstuben vnde des Schoppenberges von den chütten gegen Pusch da streichet an dem mittentayle tzwischen in ain staide vnde ein ewige Marchstaide sol sein vnde belaben e
ber der erde vnde dar vnder also was obwendik der Marchstaide aufwart ligend ist vntzin di vorgenanten eingegrabenen staine gegen dem alten Newfange tzu di Gruben der
Badstub genemier gehoern sol mit vallen Rechten vnde alles daz da geuellet in dem selben tayl von dem dritteil der erber des schullen di herre der abt vnde der conuent tzu
Sedlicz des ersten ein halbes tayl vnde des andern halben tayles ein sechstail vnbetradich auf heben vnde haben an alle hindernusse di andern fvnf sechstail des selben hal
ben tayles sol der herre der Pabel mit seiner geselleschafte auf heben vnde taylen nach aht vnde nach gewonheite vnde daz nach was Niderwrtik der selben Marchstaide von
dem wege vncz an di vorgenanten vberschar tzu nehst dem Schoppenberge ligende lehen vnde acker mag gesem bayde di lenge vnde di praite daz sol alles tzu dem Schoppenberg
rehten ewiclichen vnde daz dritteil tayl der erber daz si bayderseit an gehoert sol man in drey hauffen taylen der schullen di herren von Sedlicz tzwen hauffen gancz aufheben
peadichen vnde der herre der Pabel vnde sein geselleschafte schullen den dritten hauffen aufheben vnde taylen als si vnder einander wol wissen an geverlichaite; Ez stet auch an
vnserm Rate vestiklich tzu behalten daz vnder in deheine den andern schämerlaye schaden tzu schullen tvhen an der vorgenanten taylunge weder vber der erden noch dar vn
der sunder wenne daz geschiht daz di gewerken von der Badestuben oder ir lehenherren ir stollen oder ir orter vber di Marchstaide aus getreiben vncz in di gepiet
des Schoppenberges oder di von dem Schoppenberge gegen der Badstuben ob daz wol geschiht in ganczem staine daz sol in nicht schaden an irem Rechten sunder wenn
ez in tzu wissen wirdet si schullen si tzuhant di obersten des küniges Marchstaide da tzu hayschen di schullen in danne di orterere dar tzu senden vnvertzogenlichen di
selben Marchstaide schullen danne di Marchstaide vber der erden an dem vorgenanten dritteil des weges abenemen vnde in di gruben brengen vnde mit reht mazze
vnder der erden einem ieglichen tayle daz sein beweisen da schullen danne di hutleute in der Gruben vnde ander gesworn lewte alles daz man da hawet nach der selben Mar
schaide beweisunge in der gruben sundern vnde also vber di erden gesundert brengen da an rehter taylunge einem ieglichen gar genälle daz sein vnde gentalichen; Gleich
weise sol man auch tůn wenne ein krieg enstet vmb sulche sache gegen der vberschar oder von dannen her gegen dem Schoppenberge vnde obwendik der Badstuben von
den eingegrabenen stainen gegen dem alten Newfange oder von dannen her widere Es sol ieglich tayl nach dem als sein acker begriffen hat vnde beweisen mac oder vor
beweiset hat wissentlich mit Rehte auf alle seiten alles sein Reht an dem obgenanten dritteil der erber in der gruben vnde dar vber gentzlichen behalten vnde haben
an alle hindernusse vnde widersprache aller lewte tzu des Rates vnde diser bekentnusse tzu einem ewiclichen gedechtnusse hab wir in disen brief mit vnsern vnde mit der
schoppen von den chütten Ingesigeln vnhamfestet; vnde sint getzeugen der heynel ruffe der Nvman wylman tzu den czeiten schoppenmaister vnde der Nvdas Puscharde
Hannus von Morspach dytz choler tyman leyman reymar von der pobnitz vnde der hvnsl Bentschower vnde gemaine di schoppen in den chütten Daz ist gesche
hen vnde diser brief ist gegeben nach vnsers herren gepurt Tausent drew hundert vnde dreyhundert Iar In dem tzwayvnddreizzigisten Iare an dem Mantage do
man aht tage tzalt von dem obersten tage