Sanctissimo in (Christ)o patri ac d(omi)no suo gracioso d(omi)no Benedicto diuina prouidencia Sacrosancte Romane ac Vniuersalis Eccl(esi)e Summo Pontifici Iohannes
sua gr(aci)a Ep(iscopu)s necnon Th(e)od(oricus) Prepositus P(et)rus Archidiacon(us) et Capit(u)l(u)m Eccl(esi)e Olomucen(sis) Cum humili subieccione ac deuota reuerencia pedum oscula beatorum.
Ad vestre deducimus noticiam Sanctitatis Q(uo)d cum temporib(us) retroactis Monasterium Sedlicen(se) Ordinis Cistercien(sis) Pragen(sis) dioces(is) p(ro)pter varia Regni Boem(ie)
ac adiacencium t(er)rarum disturbia malicias tempor(um) ac alia diuersa infortunia adeo fuisset et sit ac adhuc grauiter collapsum existit parit(er) et oppressum.
Ita q(uod) nisi v(est)re clemencie p(at)rocinio ac (Christ)ifideliu(m) salutari sibi succurrat(ur) presidio vix vel numq(u)am pristine comoda p(er)tingere pot(er)it vbertatis aut
aliqualitenus respirare. Inclitus d(omi)n(u)s n(oste)r Rex Boemie eiusdem Monasterij atq(ue) p(er)sonarum in ip(s)o regi supremo militancium defectib(us) compaciens ac
motus mi(sericordi)a circa eorum defectus incomoda et p(re)ssuras. Ip(s)i Monasterio Duarum Eccl(esi)arum p(ar)rochialium in Diocesi Olomucen(si) puta in Jemnitz et
Jarmeritz Ius patronat(us) quod habebat pro sue ac p(ro)genitor(um) suor(um) animar(um) salute diuine retribucionis intuitu ea intencione pia liberalitate donauit.
Vt fruct(us) et prouent(us) Eccl(esi)arum ip(s)arum eidem Monasterio deberent p(er)petuo applicari et exinde Congregacio fratrum pauperum p(re)dictor(um) melius sustentari et
deo omnipotenti vberius famulari valeret. Supplicans bone memorie d(omi)no Conrado q(uo)ndam Ep(iscop)o Olom(ucensi) et insistens attente. Qui necessitates ip(s)ius Monast(er)ij
notorias et indigenciam p(er)sonarum benigne p(ro)spiciens de Capit(u)li sui consilio et assensu cum quib(us) super hoc tractatum habuit diligentem eidem supplicacioni
sic ardenter in diuini cultus augmentum p(ro)ducte nolens contraire ymo pocius ei graciose acquiescens fructus et p(ro)uent(us) cum obuencionib(us) et iurib(us) vniuersis
dictarum Eccl(esi)arum eidem Monasterio incorporauit aucte ordinaria et vniuit prout in l(itte)ris autenticis super eo datis et confectis ac Sanctitati v(est)re directis
plenius continet(ur). Et quia vnius Eccl(esi)e p(re)dictarum incorporacioni videlicet in Jarmeritz antedicti f(rat)res cesserunt et renuciauerunt eo q(uod) per donacionem p(ri)ncipis
Bona ibidem in Jarmeritz ad man(us) cuiusdam potentis Nobilis p(er)uenerunt post incorporacionem hui(us)mo(d)i. Iam sperantes q(uod) v(est)ra Sanctitas ad residua in Jemnitz
incorporatam dignet(ur) eciam facilius inclinari. Eidem Sanctitati v(est)re eo animosius ac feruencius supplicantes deuotissime supplic(ant) exorantes Q(ua)t(inus) diuini
amoris intuitu de fauore sp(eci)alis gracie in consolacionem et releuamen Monast(er)ij et fratrum pauper(um) p(re)dictor(um) ac diuini cultus augmentum Incorporacionem
fructuum relicte Eccl(esi)e videlicet in Jemnitz p(er) ip(su)m q(uo)ndam d(omi)n(u)m Conr(adum) Ep(iscopu)m factam vt p(re)mittit(ur) de certa sciencia ratificare auctorizare et confirmare
dignemini de solita vestre clemencie bonitate. Datum Olomucz Anno domini Millesimo Trecentesimo Quadragesimo p(ri)mo.