Clemens ep(iscopu)s seruus seruor(um) dei. Dilectis filijs .. Abbati et Conuentui Monasterij Sedlicen(sis) Cistercien(sis) ordinis Pragen(sis) dioc(esis) Salt(em) et ap(osto)licam ben(edictionem). Exigunt u(est)re deuotionis merita ut p(er)sonas
u(est)ras et ordinem in quo diuino estis obsequio mancipati p(re)rogatiua sp(eci)alis grati(e) p(ro)sequentes petitionibus u(est)ris quantum digne possumus fauorabilit(er) annuamus. Sane p(et)itio u(est)ra nobis exhibita continebat q(uo)d olim p(ro) parte
uenerabilis fratris n(ost)ri Johannis Ep(iscop)i ac dilector(um) filior(um) Capituli Olomucen(sis) et Carissimi in (Christ)o filij n(ost)ri Johannis Regis Boemie Illustris ac uia(m) exp(re)ssiu(e) felicis recordationis Benedicto p(a)p(e) .xij. p(re)decessori n(ost)ro q(uo)d dudum bone memorie Con
radus Ep(iscopu)s Olomucen(sis) de h(uiusmodi) Johannis Ep(iscop)i p(re)decessor inopie ac paup(er)tati quibus Monasterium u(est)r(u)m et p(er)sone degentes in eo p(ro)pt(er) uaria disturba Regni Boemie in quo Monasterium ip(su)m existit grauabantur prout et grauari noscu(n)
tur affectu pio compatiens medietatem fructuum reddituum et p(ro)uentuum eccl(esi)e in Jemenicz Olomucen(sis) dioc(esis) in qua ex donatione dicti Regis ius patronatus ut asseritis obtinetis (qui siquidem fructus redditus et p(ro)uentus om(n)es ad sum
mam Octuaginta marchar(um) argenti uel circit(er) annis singulis ascendere dinoscuntur de assensu Capituli p(re)dicto(rum) cum quibus sup(er) hoc tunc tractatu(m) habuit diligentem dicto u(est)ro Monasterio concesserat in p(er)petuum ac donauerat p(er)cipi
endam a uobis Rectore dicte eccl(esi)e qui tunc erat cedente uel decedente ecia(m) Jta tamen q(uo)d medietatem subsidior(um) uel p(ro)curationum p(ro) Legatis ac nuncijs sedis ap(osto)lice et Metropolitan(o) ac etiam Ordinario ratione dicte eccl(esi)e p(ro) temp(o)re
soluendar(um) deberetis simul cum dicto Rectore p(er)petuo supp(or)tare prout in patentibus litteris inde confectis dictor(um) Conradi Ep(iscop)i et Capituli sigillis munitis plenius continetur ac supplicato p(re)decessori n(ost)ro p(re)dicto ut easdem concessionem et do
nationem medietatis dictor(um) fructuum reddituum et p(ro)uentuum confirmare de benignitate ap(osto)lica ex certa scientia dignaretur. Jdem p(re)decessor huiusmodi supplicationes et litteras p(er) dilectum filium n(ost)r(u)m Guill(elmu)m t(ituli) sancti Stephani in Ce
liomonte p(res)b(ite)r(u)m Cardinalem examinari fecit et inspici diligent(er) et demum facta dicto p(re)decessori sup(er) hijs p(er) Cardinalem eundem relatione plenaria idem p(re)decessor ex eo q(uo)d Capitulum sup(ra)dictu(m) de quor(um) consilio et assen
su dicte donatio et concessio facte erant non supplicabant p(ro) concessione p(re)dicte ta(m) confirmationem huiusmodi concedere denegauit. Postmodum autem dicto p(re)decessore rebus humanis exempto ac p(re)missis omnibus nobis
diuina fauente clementia ad apicem summi ap(osto)latus assumptis expositis diligent(er) p(ro) parte Johannis Ep(iscop)i et Capituli ac Regis p(re)dictor(um) et u(est)ra fuit nobis humilit(er) supplicatum ut concessionem et donationem huiusmodi
ex certa scientia confirmare ac tenorem litterar(um) concessionis et donationis ear(un)dem in litteris n(ost)ris confirmationis inseri facere de benignitate ap(osto)lica dignaremur. Nos itaq(ue) huiusmodi supplicationibus inclinati p(re)dictas
concessionem et donationem medietatis dictor(um) fructuum reddituum et p(ro)uentuum p(er) dictum Conradum Ep(iscopu)m de assensu Capituli p(re)dictor(um) Monasterio u(est)ro ut p(re)dicitur factas ratas et gratas habentes eas
auctoritate ap(osto)lica ex certa scientia confirmamus et p(re)sentis scripti patrocinio communimus. Tenorem dictar(um) litterar(um) concessionis et donationis Ep(iscop)i et Capituli p(re)fator(um) p(re)sentibus inseri facientes qui talis est.
Conradus dei gratia Ep(iscopu)s Olomucen(sis) Honorabilibus et Religiosis uiris .. Abbati et Conuentui Monasterij Sedlicen(sis) ordinis Cistercien(sis) Pragen(sis) dioc(esis) Salt(em) in domino sempiternam. Exigebat inter alia debitum
n(ost)ri officij pastoralis ut ea que ad sancte Religionis comodum et p(ro)fectum p(er)tinere noscuntur n(ost)re p(ro)motionis studio recipiant incrementum. Sane ex parte serenissimi domini n(ost)ri domini Johannis Bohem(ie)
et Polon(ie) Regis atq(ue) u(est)ra nobis fuit humilit(er) supplicatum quatinus certos redditus et p(ro)uentus parrochialium eccl(esi)ar(um) in Jemenicz et in Jarmericz n(ost)re dioc(esis) in quibus ex donatione eiusdem domini Regis plenum ius p(re)
sentandi Rectores obtinetis uobis et dicto u(est)ro Monasterio in p(er)petuos usus dare et concedere dignaremur. Nos attendentes easdem eccl(esi)as in suis redditibus et p(ro)uentibus adeo habundare q(uo)d ear(um) portione congrua do
mino Monasterio in p(er)petuum data et unita de p(ar)te reliqua p(ro)uentuum ear(un)dem eccl(esi)ar(um) Rectores qui p(ro) temp(o)re fuerint hospitabilitatem et eis incumbentia onera sufferre poterunt condecenter iniung(e)n(tes) concessionem subsc(ri)ptam
utilitatem euidentem uobis et u(est)ro Monasterio futur(is) quibuslibet temp(o)ribus allaturam de u(est)ri Olomucen(sis) eccl(esi)e Capituli habito sup(er) eo tunc tractu p(ri)mitus diligent(er) solempni annuentia parit(er) et assensu p(re)dictar(um) par
rochialium eccl(esi)ar(um) medietatem decimar(um) reddituum oblationum et p(ro)uentuum omnium quocu(m)q(ue) nomine censeantur uobis et u(est)ro Monasterio in p(er)petuos usus tenore p(re)sentium elargimur concedimus et donamus sic q(uo)d d(e)
Rectis uobis in eccl(esi)a Jemenicz et Czentone in Jarmericz dictar(um) eccl(esi)ar(um) Rectoribus uolentibus uel eis impos(itis) seu cedentibus aut etiam decedentibus huiusmodi reddituum decimar(um) oblationum et p(ro)uentuum omnium medietatem p(er) uos
alium uel alios libere p(er)cipere et in u(est)ros usus conuertere ualeatis. Rectores quoq(ue) qui p(ro) huiusmodi essent eccl(esi)js p(re)erunt reliquam medietatem decimar(um) oblationum reddituum et p(ro)uentuum omnium p(er)cipient libere integralit(er) et
complete ac de eis ius archidiacono iura p(er)soluere et hospitalitatem seruare tenebuntur ac honorifice poterunt sustentari. Ne autem in exactione uel solutione iurium nuncijs seu legatis sedis ap(osto)lice Metropolitan(o) n(ost)ro et n(ost)ris successoribus con
tingentium ab eccl(esi)js memoratis easdem Rectores qui p(ro) temp(o)re fuerint contingat nimium aggrauari uolumus decernimus et ordinamus ut cum aliquid p(ro) eisdem Legatis Metropolitan(o) nobis aut n(ost)ris successoribus a p(re)dictis eccl(esi)js
fuerint exoluendu(m) ad solutionem eandem om(n)ia una cum p(re)dictis tam eccl(esi)ar(um) Recto(r)ibus p(er) medium contribuere debeatis. Nos quoq(ue) Jenzo decanus et Sboro p(re)positus ac Capitulum dicte Olomucen(sis) eccl(esi)e sup(er) p(re)missis omnibus ha
bito tunc tractu ut p(re)mittitur solempnit(er) diligenti dicte donationi et concessioni assensum n(ost)r(u)m p(re)buimus beniuolum et p(re)sentibus assentimus. Jn quor(um) omnium testimonium et memoriam sempiternam p(re)sentes litteras n(ost)ror(um) Ep(iscop)i
et Capituli sigillis fieri fecimus communitas. Dat(um) in Olomucz anno domini millesimo Trecentesimo Vicesimosexto in Non(is) Marcij. Nulli ergo omnino hominum liceat hanc paginam n(ost)re confirmationis infringere uel ei ausu temerario contra
ire. Siquis autem hoc attemptare p(re)sumpserit indignationem omnipotentis dei et beator(um) Petri et Pauli ap(osto)lor(um) eius se nouerit incursurum. Dat(um) apud Villamnouam Auinionen(sis) dioc(esis) viij k(a)l(endas) Septembr(is) Pontificatus n(ost)ri Anno p(ri)mo.